ვცდილობთ მომხმარებლებს შევთავაზოთ მათზე მორგებული პირობები - Greenwood Hotel, Restaurant & Spa
Greenwood Hotel, Restaurant & Spa მწვანე კონცხზე, ბათუმის ბოტანიკური ბაღის გვერდით, ეკოლოგიურად სუფთა გარემოში მდებარეობს, რომელიც ბაზარზე ივნისში გამოჩნდა და საკმაოდ წარმატებულად ოპერირებს. „გრინვუდი“ მომხმარებლის საჭიროებებს მაქსიმალურად ითვალისწინებს და გუნდი მოიაზრებს, რომ 2025 წლის დაგეგმვის თვალსაზრისით აღნიშნული წერტილი ერთ-ერთი უმნიშვნელოვანესი კომპონენტი იქნება. Business Insider Georgia აღნიშნულ საკითხზე Greenwood Hotel, Restaurant & Spa-ს ესაუბრა.
„გავიხსენით ივნისში და მას შემდეგ უწყვეტ რეჟიმში ვმუშაობთ. მიმდინარე თვეში იგეგმება აქცია, 1+1, რომელიც თებერვლის ჩათვლით იქნება აქტიური. ვცდილობთ მომხმარებლებს შევთავაზოთ მათზე მორგებული პირობები და ვიყოთ უფრო მეტად კონცენტრირებული ჩვენი ქვეყნის მოქალაქეებზე. ზაფხულისთვის ძალიან ბევრ აქციას ვგეგმავთ. პარასკევი, შაბათი, კვირა სრულად იქნება დატვირთული სასტუმროში. ამასთან, სხვადასხვა ტიპის აქტივობებიც მოეწყობა, როგორც ბავშვებისთვის, ასევე ადგილობრივი და საერთაშორისო სტუმრებისთვის თუ ვიზიტორებისთვის. მაგალითისთვის, კონოთეატრის ფარგლებში იგეგმება ფილმების ჩვენება, ასევე ბავშვებისთვის მოლბერტზე ხატვის საღამოები/მასტერკლასები - მრავალი მსგავსი აქტივობა იგეგმება. ჯერ ზუსტი თარიღები ცნობილი არ არის, მაგრამ მარტის თვიდან აქტიურად იქნება ყველაფერი დაანონსებულიGreenwood Hotel, Restaurant & Spa-ს მიერ “, - აცხადებენ სასტუმროში.
იმის მიუხედავად, რომ სასტუმოს გახსნა ყოველგვარი მარკეტინგული აქტივობების გარეშე მოხდა, Greenwood Hotel, Restaurant & Spa სეზონს საკმაოდ პოზიტიურად აფასებს.
„ჩვენი სასტუმროს გახსნა მოხდა ძალიან უცებ, არ გვქონია არანაირი მარკეტინგული აქტივობა, მიუხედავად ამისა, სეზონი იყო ძალიან კარგი. სრული დატვირთვით იმუშავა სასტუმრომ მთელი პერიოდის განმავლობაში. ადგილობრივები ხშირი სტუმრები არიან ჩვენი სასტუმროსი, როგორც თბილისიდან, ასევე სხვადასხვა რაიონებიდან “, - განმარტავენ სასტუმროში.
2025 წელს Greenwood Hotel, Restaurant & Spa-ს მოლოდინი მინიმუმ წინა წლის ანალოგიური შედეგის შენარჩუნებას მოიაზრებს.
„2024 წელმა ნამდვილად კარგად ჩაიარა. მუშაობის პერიოდი საკმაოდ მომგებიანი იყო. მიუხედავად იმისა, რომ სეზონის ბოლო ნაწილდან ჩავერთეთ, მაინც კარგად შეგვიძლია შევაფასოთ და მომგებიანად. რაც შეეხება 2025 -ს მოლოდინი გვაქვს რომ იქნება მსგავსი სიტუაცია და უკეთეს ჯავშნებს ველოდებით, რადგან უკვე გვყავს ჩვენი აქტიური პარტნიორი წარმომადგენლები და მათთან თანამშრომლობით, ასევე სხვადასხვა პლატფორმაზე კოლაბორაციით უკვე ველოდებით მინიმუმ იმავე სეზონს, როგორიც შარშან იყო “, - განმარტავენ სასტუმროში.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
სემეკთან შეთანხმებით “ენერგო პრო ჯორჯია” 2025 წელს 200 მლნ ლარამდე ინვესტიციას განახორციელებს
29.04.2025.09:07
საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) შეთანხმებული საინვესტიციო გეგმის შესაბამისად, სს „ენერგო პრო ჯორჯია“ 2025 წელს 196 178 958 ლარის ინვესტიციას განახორციელებს. საინვესტიციო პროექტები მოიცავს ქვესადგურების, საჰაერო გადამცემი ხაზების, საკაბელო მეურნეობების და ელექტროენერგიის გამანაწილებელი ქსელის სხვა კომპონენტების მშენებლობას, რეაბილიტაციასა და რეკონსტრუქციას.
2025 წელს შეთანხმებული საინვესტიციო გეგმის ფარგლებში, პირველი კვარტალის განმავლობაში, სს „ენერგო პრო ჯორჯიამ“ 28 000 000 ლარის ოდენობის ინვესტიცია უკვე განახორციელა. კერძოდ, 2025 წლის მარტის თვის მდგომარეობით საინვესტიციო გეგმის ფარგლებში სს „ენერგო-პრო ჯორჯიამ“ მომხმარებლების ელექტრმომომარაგების უწყვეტობისა და საიმედობის გაუმჯობესების მიზნით ქ/ს საგურამოში ჩაატარა 6 კვ ძაბვის გამანაწილებელი მოწყობილობის სრული რეკონსტრუქცია და მოძველებული ზეთიანი ამომრთველების თანამედროვე ტიპის ელეგაზური ამომრთველებით ჩანაცვლება, ასევე დაასრულა ქ/ს „ჭიათურა 1“ - ის რეაბილიტაცია. კომპანიამ საჩხერის მუნიციპალიტეტში ააშენა 7 კმ სიგრძის 35 კვ ძაბვის საკაბელო ელექტროგადამცემი ხაზი. მარტის თვის მდგომარეობით კომპანიამ 6/10 კვ ძაბვის ქსელში დაამონტაჟა 1650 ცალი საყრდენი, 110 კმ სადენი, 15 კმ კაბელი, 185 ცალი ძალოვანი ტრანსფორმატორი. ასევე კომპანიამ დაბალი ძაბვის (0.4 კვ) ქსელის რეაბილიტაციის ფარგლებში სს „ენერგო-პრო ჯორჯიამ“ დაამონტაჟა 4150 ცალი საყრდენი. ამჟამად კომპანია ახორციელებს 110 კვ ძაბვის 3 ქვესადგურის სარეაბილიტაციო სამუშაოებს. დამატებით, მიმდინარე წელს კომპანია სალიცენზიო არეალის სხვადასხვა რეგიონებში განახორციელებს საინვესტიციო გეგმით გათვალისწინებული ელექტროგადამცემი ხაზების, ქვესადგურებისა და ქსელის სხვა დანარჩენი კომპონენტების რეაბილიტაცია-რეკონსტრუქციას.
ამასთანავე, სს „ენერგო პრო ჯორჯიას“ მიერ 2024 წელს განხორციელებულმა ინვესტიციებმა გადააჭარბა სემეკთან შეთანხმებულ საინვესტიციო გეგმას და 195 482 558 ლარის ნაცვლად 256 315 000 ლარი შეადგინა. 2024 წლის საინვესტიციო გეგმის ფარგლებში, ელექტროენერგიის საიმედოობის გაუმჯობესების მიზნით, სს „ენერგო პრო ჯორჯიამ“ განახორციელა სხვადასხვა ტიპის სამუშაოები. მათ შორის, რეაბილიტაცია/რეკონსტრუქცია ჩაუტარდა რეგიონებში მდებარე ქვესადგურებსა და ელექტროგადამცემ ხაზებს, 11 ქვესადგური აღიჭურვა SCADA სისტემით, 10/6 კვ ქსელის საჰაერო ელექტროგადამცემი ხაზების რეაბილიტაციის ფარგლებში დამონტაჟდა 14916 ცალი საყრდენი და 1181.5 კმ სადენი.
