ამიერიდან VR Krtsanisi Resort Residence-ს ტერიტორიაზე არსებული სპორტული თუ გამაჯანსაღებელი ინფრასტრუქტურა ერთ საიტზე მოიყრის თავს და მსურველებს მათი დაჯავშნა შეეძლებათ. წინასწარი ჯავშნების გაკეთება მალე ხელმისაწვდომი იქნება ვებგვერდზე vrlifestyle.ge.

როგორც Business Insider Georgia-სთან VR Holding-ის პიარისა და ღონისძიებების მართვის დეპარტამენტის ხელმძღვანელი ქეთა სიორიძე აცხადებს, VR Lifestyle-მა ერთ სივრცეში მოუყარა თავი ტერიტორიაზე არსებულ ინფრასტრუქტურას. მისივე განმარტებით, კომპანიისთვის სპორტი და ჯანსაღი ცხოვრების სტილი ერთ-ერთი მთავარი პრიორიტეტია, რაც კარგად ჩანს VR Holding-ის უკვე განხორციელებულ თუ მიმდინარე პროექტებში.

VR Krtsanisi Resort Residence-ში დიდი ადგილი ეთმობა რეკრეაციულ ზონას და აქ ბევრი სერვისია იმისთვის, რომ ადამიანმა ივარჯიშოს, დაისვენოს და განიტვირთოს. სწორედ ამიტომ კომპანიამ არსებული სერვისების ერთ პლატფორმაზე თავმოყრა და მომხმარებლებისთვის ამ ფორმით შეთავაზება გადაწყვიტა, რაც მათ დაუზოგავს დროს და ენერგიას.

VR Krtsanisi Resort Residence-ს ტერიტორიაზე მდებარეობს ასევე იპოდრომი, სადაც ცხენზე ჯირითის სწავლა და ზოგადად ცნებით სეირნობაა შესაძლებელი. ქეთა სიორიძის თქმით, „ამბასადორი კაჭრეთში“ ჩატარებულ საცხენოსნო ტურნირში - Ambassadori Junior Cup, გამარჯვებული სწორედ VR Krtsanisi Resort Residence-ის წარმომადგენელი - ლუკა აფციაური გახდა

„VR Krtsanisi Resort Residence-ს ინფრასტრუქტურის ერთ-ერთი შემადგენელი ნაწილია იპოდრომი, სადაც გვყავს პროფესიონალი ტრენერები: რუსლანი და ნატალია ყოველდღიურ რეჟიმში ამეცადინებენ მოსწავლეებს და სწორედ მათი დაუღალავი შრომის შედეგად „ამბასადორი კაჭრეთში“ გამართულ ღონისძიებაზე ჩვენმა მოსწავლემ და ცხენმა მოიპოვა პირველი ადგილი. ჩვენ ყოველთვის მზად ვართ ხელი შევუწყოთ მსგავსი პროექტების განვითარებას და გვერდით დავუდგეთ ადამიანებს, რომლებიც დიდ შრომას დებენ მსგავსი პროექტების წარმატებისთვისა და წინსვლისთვის“, - აცხადებს ქეთა სიორიძე.

Krtsanisi Resort Residence პრემიუმ კლასის, თანამედროვე გეგმარების მქონე საცხოვრებელი უბანია. Krtsanisi Resort Residence პირველი რესორტული ტიპის დასახლებაა დიპლომატიურ უბანში. სუფთა ჰაერი, სიმშვიდე და ეკოლოგიურად ჯანსაღი გარემო პროექტის ერთ-ერთი უმნიშვნელოვანესი მახასიათებელია.

Krtsanisi Resort Residence გაშენებულია 20 ჰექტარ მიწის ფართობზე თბილისის ისტორიულ და პრესტიჟულ ნაწილში, კრწანისში.

ახალი უბნის კონცეფციაზე და დაპროექტებაზე მთლიანად VR Holding-ის მაღალკვალიფიციურმა საპროექტო ჯგუფმა იმუშავა. პროექტი გამოირჩევა განსხვავებული ლანდშაფტის დიზაინით და მრავალფეროვანი ინფრასტრუქტურით. ტერიტორია საცხოვრებელ ზონასთან ერთად მოიცავს საგანმანათლებლო, სპორტულ, სარეკრეაციო და გასართობ ინფრასტრუქტურას.

Krtsanisi Resort Residence-ს 70% რეკრეაციული ზონისგან შედგება, რომელიც მოიცავს საცურაო აუზებს, ფიტნეს დარბაზებს, საჯინიბოს, მინი გოლფის მოედნებს, ჩოგბურთის მოედნებს, პადელის ჩოგბურთის მოედანს, ფეხბურთისა და კალათბურთის მოედნებს. პროექტი ასევე მოიცავს საგანმანათლებლო სივრცესა და კომერციული დანიშნულების შენობას, რომელშიც განთავსებული იქნება დიდი მოცულობის ჰიპერმარკეტი, კაფეები, სალონები, მაღაზიები, სამუშაო სივრცეები, დახურული საცურაო აუზი და ფიტნესცენტრი