ვმუშაობთ ახალი სახეობის შექმნაზე, რომელიც შაქრიანი დიაბეტის მქონე მომხმარებლებისთვის იქნება განკუთვნილი - „მელაანური ჩაი“

ბიზნესი

„ბრავიტონი“, რომელიც ბაზარს 25 წელია სამშენებლო მასალებით ამარაგებს, ონლაინ გაყიდვებს იწყებს

20.02.2026.18:00

კომპანია ბრავიტონი • Braviton-ი (შპს „აღმშენებლობა“), რომელიც ბაზარს 25 წელია სამშენებლო მასალებით ამარაგებს, ონლაინ გაყიდვებს იწყებს და e-commerce-ის მიმართულებით გააქტიურებას გეგმავს.

როგორც Business Insider Georgia-სთან კომპანიის ბიზნესის განვითარების მენეჯერმა ზურა ბაკურაძემ განაცხადა, კომპანია ვებგვერდს ონლაინ გაყიდვებისთვის ამზადებს, სადაც ინტეგრირებული იქნება ხელოვნური ინტელექტის ასისტენტი.

„საიტს უკვე ვამზადებთ ონლაინ გაყიდვებისთვის, რომელშიც ჩაშენებული იქნება ხელოვნური ინტელექტის ასისტენტი. ის მომხმარებელს დაეხმარება არჩევანის გაკეთებაში და შესთავაზებს საჭირო პროდუქციას. ვთქვათ, მომხმარებელმა არ იცის, რომელი საღებავი რამდენი უნდა გამოიყენოს, რა კომპონენტები სჭირდება და ასე შემდეგ ამ ყველაფერში ხელოვნური ინტელექტის ასისტენტი დაეხმარება. საკმაოდ ინოვაციური პროდუქტია საქართველოს ბაზარზე“, - აღნიშნა „ბრავიტონის“ ბიზნესის განვითარების მენეჯერმა.

მისი თქმით, e-commerce პლატფორმაზე ხელმისაწვდომი იქნება ხელსაწყოები, ელექტროხელსაწყოები, აღჭურვილობა, სახარჯი მასალები, მათ შორის საჭრელი დისკები და ბურღები, ასევე სრულად - სამღებრო სექცია. გამონაკლისი იქნება მხოლოდ მძიმე სამშენებლო პროდუქცია, როგორიცაა სამშენებლო რკინა.

ონლაინ პლატფორმაზე შეკვეთილი პროდუქციის მიწოდება საქართველოს მასშტაბით 3-დან 5 სამუშაო დღემდე განხორციელდება.

„ბრავიტონი“ ფიზიკურ მაღაზიებს ფლობს ბათუმში, სადაც მომხმარებლებს შეუძლიათ შეიძინონ სამშენებლო და რემონტისთვის საჭირო პროდუქცია.

ბოლო პერიოდში „ბრავიტონმა“ საქმიანობა გააფართოვა - კომპანიამ დასავლეთ საქართველოში ააშენა მაღალი ხარისხის საწარმო, სადაც მეტალო-პლასტმასისა და ალუმინის კარ-ფანჯრებს ამზადებს.

დარეგისტრირდი CODE IT-ზე - შესაძლებლობა მოსწავლეებისთვის, დაეუფლონ პროგრამირების საფუძვლებს 20.02.2026.17:41

Tegeta Comfort – შეაკეთე ავტომობილი სერვისცენტრში ვიზიტის გარეშე 20.02.2026.17:04

TOP 5 ქვეყანა, სადაც საქართველომ მინერალური და მტკნარი წყლების ექსპორტი განახორციელა - 2026 წლის იანვრის სტატისტიკა 20.02.2026.17:00