HER STORE არის ქალის აქსესუარების ბრენდი, რომელიც ბაზარზე 2020 წლიდან ოპერირებს. ის გამოირჩევა თანამედროვე სტილით, დახვეწილი დიზაინითა და მრავალფეროვანი კოლექციებით, რომლებიც მოიცავს როგორც ყოველდღიური, ასევე სპეციალური შემთხვევებისთვის განკუთვნილ სამკაულებს. მეტი ინფორმაციისთვის, Business Insider Georgia ბრენდის დამფუძნებელს ნინი დანელიას ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

HER Store 2020 წელს დაფუძნდა, როგორც ონლაინ ბრენდი, რომელიც ქალებს აძლევს საშუალებას გამოხატონ საკუთარი იდენტობა თანამედროვე, ხელმისაწვდომი და გამორჩეული დიზაინის მქონე სამკაულებით. თავდაპირველად, ონლაინ სივრცეში დაწყებული მცირე ინიციატივა, დღეს უკვე გაფართოებულია ფიზიკურ ფილიალებად საქართველოში და პარალელურად აფართოებს საქმიანობას ევროპაშიც. ჩვენ მომხმარებლებს ვთავაზობთ წყალგამძლე, ჰიპოალერგენულ სამკაულებს, რომლებიც შერწყმულია დახვეწილ დიზაინთან და აქტიური ყოველდღიურობისთვის მორგებულ კომფორტთან.

როგორია მიმდინარე ასორტიმენტი?

HER-ის ასორტიმენტი ამ ეტაპზე მოიცავს მაღალი ხარისხის ტიტანისა და ვერცხლის სამკაულებს. განსაკუთრებული ყურადღება ეთმობა მოდის ტენდენციებზე მორგებულ დიზაინებს, წყალგამძლე თვისებებს და ყოველდღიური ტარებისთვის მორგებულ კომფორტს. მომხმარებლებს ასევე ვთავაზობთ მზა სასაჩუქრე ბოქსებსა და განსაკუთრებულ კოლექციებს სხვადასხვა თემატიკით.

როგორ აფასებთ მოთხოვნას ზოგადი თვალსაზრისით?

ბოლო წლების განმავლობაში მომხმარებლებისა და გაყიდვების ზრდა აჩვენებს, რომ საქართველოში მოთხოვნა ხელმისაწვდომ, მოდურ და ხარისხიან სამკაულზე იზრდება. განსაკუთრებით, კარგად რეაგირებს ბაზარი ტრენდულ, ყოველდღიურ სამკაულზე, რომელიც ამავდროულად გამძლე და ჰიპოალერგენურია. ჩვენი ციფრული კომუნიკაცია, ვიზუალური პრეზენტაცია, მომხმარებელთან აქტიური ურთიერთობა, ასევე სამკაულის შეძენის შემდგომ ნებისმიერ საკითხში მათი ინტერესების გათვალისწინება, დიდწილად ხელს უწყობს მომხმარებლის ინტერესისა და ლოიალობის ზრდას.

რას მიიჩნევთ კომპანიის კონკურენტულ უპირატესობად?

HER Store-ის მთავარი კონკურენტული უპირატესობა არის უნიკალური კომბინაცია სტილის, ხარისხისა და ხელმისაწვდომობის. ჩვენი სამკაული წყალგამძლე, ჰიპოალერგენული და იდეალურად მორგებულია თანამედროვე, აქტიური ქალის ცხოვრების სტილზე. გარდა ამისა, მომხმარებლებს ვთავაზობთ მრავალფეროვან აქციებსა და შეთავაზებებს, რაც მათ გამოცდილებას კიდევ უფრო განსაკუთრებულს ხდის. აქტიურად ვთანამშრომლობთ ბანკებთან ქეშბექ პროგრამებში, რაც მომხმარებლებს დამატებით სარგებელს აძლევს. ჩვენი ძლიერი სოციალური მედია პლატფორმა და უშუალო, მჭიდრო კომუნიკაცია მომხმარებელთან გვაძლევს საშუალებას მუდმივად მოვერგოთ მათ საჭიროებებს და რეალურ დროში ვუპასუხოთ ბაზრის დინამიკას.

როგორია კომპანიის სამომავლო გეგმები?

HER Store-ის სამომავლო გეგმები მიზნად ისახავს როგორც გეოგრაფიულ გაფართოებას, ისე ბრენდის შინაარსობრივ გაღრმავებას. აქტიურად ვმუშაობთ საერთაშორისო ბაზრებზე გასვლაზე, პირველ ეტაპზე იტალიაში, სადაც უკვე დაიწყო ჩვენი პროდუქციის ონლაინ გაყიდვები. პარალელურად ვავითარებთ საკუთარ დიზაინის ხაზს: აპრილში გამოვუშვით ლიმიტირებული კოლექცია, რომელმაც მომხმარებლებისგან განსაკუთრებული მოწონება დაიმსახურა. ამჟამად, ვმუშაობთ ახალ, ინოვაციურ პროექტებზე, რომლებიც ჩვენი საკუთარი დიზაინის ხაზის განვითარებას ემსახურება. ჩვენი მიზანია, რომ HER იქცეს არა მხოლოდ სამკაულის, არამედ იდეისა და თვითგამოხატვის პლატფორმად - ბრენდად, რომელიც შთააგონებს ქალებს იყვნენ გამბედავები, გულწრფელები და ყოველთვის ერთგულნი საკუთარი თავისა და ღირებულებების.

ცნობისთვის, ბრენდი ოთხ ფილიალს ფლობს. აქედან სამი თბილისში, ერთი კი ბათუმში მდებარეობს. ბრენდის მისია ხელმისაწვდომი ფასი და მაღალი ხარისხი.