2025 წელი ჩვენთვის გამოწვევებით სავსე და ამავდროულად ძალიან საინტერესო იყო , - Business Insider Georgia - ს ამის შესახებ Cafe Vanilla House - ის დამფუძნებელმა და დირექტორმა დიანა ველენგურსკაიამ განუცხადა.

„2025 წელი ჩვენთვის იყო გამოწვევებით სავსე და ძალიან საინტერესო, რადგან სწორედ ამ წელს გავიხსენით და მიუხედავად იმისა, რომ ჯერ ერთი წლისებიც არ ვართ, უამრავ სირთულესთან გამკლავება მოგვიხდა ხანმოკლე პერიოდში. ჩვენი სტარტაპი მთელი გულითა და ემოციებით წამოვიწყეთ, უამრავი ენერგია ჩავდეთ მის დიზაინში, ინტერიერში, მენიუს ფორმირებაში, ბრენდისა და კონცეფციის შექმნაში და ვფიქრობთ ძალიან კარგი სივრცე გამოგვივიდა.

სიამაყით გვინდა აღვნიშნოთ, რომ უკვე ძალიან ბევრმა იცის ჩვენ შესახებ, და რაც მთავარია, ბევრი ერთგული მომხმარებელი გვყავს, ვინც ხშირად გვსტუმრობს. გარდა ამისა, დაგვემატა გამოძახების სერვისი და ბევრი კერძია უკვე პოპულარული გლოვოსა და ვოლტის პლატფორმებზე. ასევე, ყოველდღიურად ვამზადებთ თან წასაღებ მენიუებსაც, რაც ძალიან კომფორტულია ჩვენი საქმიანი მომხმარებლისთვის.

ამასობაში აღვადგინეთ და უკვე მეორედ გავხსენით ჩვენი ტერასა, რისთვისაც უდიდესი მადლობა ჩვენს გულშემატკივრებს. ახლა უკვე გარე სივრცეშიც კვლავინდებურად შეგვიძლია სტუმრების მიღება და დიდი შემართებით ველოდებით გაზაფხულს. 2026 წელი იგეგმება, რომ იყოს „ვანილის სახლის“ ზრდისა და განვითარების წელი, რადგან ვგეგმავთ გაფართოებას, ფილიალების დამატებას და მათ გახსნას მომხმარებლებისთვის საყვარელ სხვადასხვა ლოკაციებზე.

ახალი წლიდან მენიუს დაემატა უამარავი ახალი კერძი, მომვალში კიდევ გვექნება სეზონური და საინტერესო სიახლეები კერძებში. სიახლეები გვექნება სააღგომოდაც. კაფეს ჰყავს ცნობილი შეფი – ირაკლი მაკასარაშვილი, რომელიც მაყურებელს "მასტერშეფიდან" ახსოვს. სწორედ მისი ხელწერაა "ვანილის სახლის" კერძების გემოსა და ხარისხის ერთ-ერთი მთავარი განმსაზღვრელი.

"ვანილის სახლი" ცდილობს არა მხოლოდ გემრიელი მენიუ, არამედ კომფორტული და თანამედროვე ცხოვრების წესთან ადაპტირებული პრაქტიკული გარემოც შესთავაზოს მომხმარებელს. დისტანციურად მომუშავე სტუმრებს აქ ცალკე ზონა დახვდებათ, საქმიანი შეხვედრებისა და შესვენებებისათვის კი მყუდრო კუთხეები. აღსანიშნავია ბარის მრავალფეროვანი მენიუც, სადაც საავტორო ალკოჰოლური და არაალკოჰოლური სასმელების დიდი არჩევანია: ყავა, ფრეშები, სმუზები, ე.წ. სახლური ლიმონათები და კოქტეილები.

ჩვენთვის პრიორიტეტია მაღალი სტანდარტი, აქ კი მნიშვნელოვანია მომხმარებლის მომსახურების დონე, პროდუქციის უმაღლესი ხარისხი, მენიუს გამორჩეული გემოვნური თვისებები, კომფორტული და უზადო ინტერიერი, სისუფთავე, HACCP-ის სტანდარტები, შრომის უსაფრთხოება და ა.შ. მუდმივად ვატარებთ ტრენინგებს თანამშრომლებისთვის და ვზრუნავთ მათ განვითარებაზე.

გვიხარია, რომ ჩვენი სივრცე უკვე აქტიურად ეთმობა მრავალი ხელის თხოვნის, დაბადების დღისა და კორპორატიული საღამოების ჯავშნებს. საზაფხულოდ ისევ გვექნება ცოცხალი მუსიკის ულამაზესი საღამოები ტერასაზე, რომელიც ძალიან უყვარდათ ჩვენს სტუმრებს “, - აცხადებს დიანა ველენგურსკაია.

ცნობისთვის, კაფე ფხოვის ქუჩაზე 3 ნომერში მდებარეობს.