ვაპირებთ დაახლოებით 100 მლნ დოლარის რეინვესტირებას - როგორია „მეტროპოლის“ გეგმები
2027 წლისთვის „მეტროპოლი“ საკუთარ პროექტებში 100 მლნ დოლარის რეინვესტირებას გეგმავს. ამის შესახებ გადაცემა „იმედის დილაში“, რუბრიკა Business Insider Georgia-ში საუბრისას, „მეტროპოლის“ გენერალური დირექტორის მოადგილემ მამუკა იმედაშვილმა განაცხადა. რაც შეეხება მიმდინარე, 2026 წელს, კომპანია 2–3 პროექტის განხორციელებას გეგმავს.
„არსებობს მომავალი და მომავალიც - მოკლევადიანი და უფრო გრძელვადიანი. მოკლევადიან გეგმებზე უფრო მეტი შემიძლია ვთქვა, ვიდრე გრძელვადიანზე. რაც შეეხება იმას, თუ რას უნდა ელოდოს მომხმარებელი, პასუხი მარტივია - ჩვენი დანაპირების შესრულებას. ჩვენთვის ძალიან მნიშვნელოვანია, რომ რასაც ვპირდებით მომხმარებელს, ის შევუსრულოთ. პროექტების ნაწილში დღეის მდგომარეობით გვაქვს ერთი დასრულებული და შვიდი მიმდინარე პროექტი. 2026 წელს ვაპირებთ მინიმუმ ორი და შესაძლოა სამი ახალი პროექტის დაწყებას. ერთ-ერთი პროექტი იქნება ვაკეში, ჭავჭავაძის გამზირზე, მეორე - ვერაზე, ბელინსკის ქუჩაზე, ხოლო მესამე პროექტს ჯერჯერობით ვერ დავასახელებთ, რადგან მოლაპარაკებების ეტაპზე ვართ.
რაც შეეხება გრძელვადიან გეგმებს, 2027 წელს იმ შვიდ პროექტს, რომელსაც ამჟამად ვახორციელებთ, დავასრულებთ და ვაპირებთ დაახლოებით 100 მლნ დოლარის რეინვესტირებას, რაც ნიშნავს იმას, რომ რამდენი პროექტიც აქვს ახლა „მეტროპოლს“, იმდენის დამატება გვინდა. ჯამში, 3–4 წლის პერსპექტივაში, დაახლოებით 20-მდე მიმდინარე პროექტი გვინდა, რომ გვქონდეს პორტფელში“, - აღნიშნა მამუკა იმედაშვილმა.
დღის ტოპ 10 სიახლე
სხვა სიახლეები
„მეტროპოლს“ გაყიდვების კუთხით ბაზრის 5% უკავია - მამუკა იმედაშვილი
09.01.2026.19:00
„ძირითადი ფინანსური გეგმები, რაც დასახული გვქონდა, თითქმის 100%-ით შევასრულეთ“, - ამის შესახებ გადაცემა „იმედის დილაში“, რუბრიკა Business Insider Georgia-ში საუბრისას, „მეტროპოლის“ გენერალური დირექტორის მოადგილემ მამუკა იმედაშვილმა განაცხადა.
მისივე განმარტებით, გაყიდვების კუთხით „მეტროპოლს“ ბაზრის 5% უკავია.
„ჩვენ მუდმივად ვადევნებთ თვალს ანალიტიკას და შემიძლია ვთქვა, რომ 2025 წელს ჩვენი ძირითადი ფინანსური გეგმები, რაც დასახული გვქონდა, თითქმის 100%-ით შევასრულეთ. წლის დასაწყისსა და შუა პერიოდში იყო გარკვეული ტურბულენტობა, რასაც ცნობილ ფაქტორებიდან გამომდინარე გამოწვევებს ვეძახით, თუმცა ბოლო პერიოდში ეს ყველაფერი მნიშვნელოვნად დასტაბილურდა და მგონია, რომ დინამიკა კიდევ უფრო დადებითი იქნება.
რაც შეეხება ჩვენს წილს, როგორც ვაკვირდებით, დღეის მდგომარეობით „მეტროპოლს“ გაყიდვების კუთხით ბაზრის 5% უკავია. ანუ 2025 წელს თბილისში გაიყიდა დაახლოებით 350 ბინა, ხოლო ბათუმში - დაახლოებით 200, რაც წინა წელთან შედარებით დაახლოებით 15–20%-იან ზრდას ნიშნავს“, - აღნიშნა მამუკა იმედაშვილმა.
წინა წელთან შედარებით ვიზიტორების რაოდენობა გაიზარდა - „ედის დაჩა“ 2025 წლის შედეგებისა და სამომავლო გეგმების შესახებ
09.01.2026.18:00
2025 წელი გამორჩეულად პოზიტიური, გამოწვევებით სავსე და ზრდაზე ორიენტირებული იყო - Pabellón Hotel
09.01.2026.16:00
2026 წელს უძრავი ქონების ბაზარზე ფასების მკვეთრი ცვლილება ნაკლებად მოსალოდნელია - „კედარო ჯგუფის“ თანადამფუძნებელი
09.01.2026.14:00
ქსელის გაფართოება და საკუთარი მომხმარებლებისთვის მეტი ონლაინ შესაძლებლობების შეთავაზება - როგორია „გუდვილის“ 2026 წლის გეგმები
09.01.2026.12:00
