„ვაინ კახეთის“ პირველი ბოთლი, კალიფორნიაში, მაღალი რანგის ღონისძიებაზე გაიხსნა
„ვაინ კახეთის“ ნამდვილ ქართულ ღვინოს უკვე ამერიკაში აგემოვნებენ და პირველ შეფასებებსაც ვიღებთ. ამის შესახებ, Business Insider Georgia -ს „ვაინ კახეთის“ მარკეტინგის მენეჯერმა, ინგა ბაჯელიძემ განუცხადა.
მისი თქმით, კომპანიის მიერ წარმოებული ღვინის პირველი ბოთლი, მაღალი რანგის საქველმოქმედო ღონისძიების სტუმრებისთვის, კალიფორნიაში გაიხსნა.
„Michael Kors-თან, Lara Trump-თან, Anne Fontaine-სა და სხვა მსოფლიო დონის წარმომადგენლებთან ერთად, ღონისძიების ერთ-ერთი სპონსორი „ვაინ კახეთი“ იყო. სტუმრებმა 2023 წლის მოსავლის საფერავი და რქაწითელი დააგემოვნეს და მაღალი შეფასება მისცეს. ამ შეფასებით, „ვაინ კახეთის“ ბოთლში ზუსტად ის ღვინოა, რომელსაც, სხვა ღვინოებისგან აუცილებლად გამოარჩევ „“- ამბობს კომპანიის მარკეტინგის მენეჯერი, ინგა ბაჯელიძე.
Wine, Women and Shoes - საქველმოქმედო ღონისძიებაა, ლარა ტრამპთან პარტნიორობით, რომელიც ყოველწლიურად ტარდება. წვეულება მიზნად, ამჯერად, დაუცველი ბავშვების მხარდაჭერას ისახავდა.
„ამერიკაში, „ვაინ კახეთის“ ღვინის დაგემოვნება მალე ყველა მსურველს შეეძლება. ლიცენზირებულ პირებს კი - მათ შორის, რესტორნებს, ბარებს, ალკოჰოლური სასმელების მაღაზიებს, ასევე, ალკოჰოლური სასმელების დისტრიბუტორებს, უკვე ნებისმიერ შტატში შეუძლიათ ჩვენთან თანამშრომლობა. „ვაინ კახეთის“ წარმომადგენლობა, პენსილვანიის შტატში, ქალაქ ფილადელფიაში გაიხსნა “, - აღნიშნავს კომპანიის მარკეტინგის მენეჯერი.
ცნობისთვის, ღვინის შესაკვეთად ან დეგუსტაციისთვის, ნიმუშების მისაღებად მსურველებს შემდეგ ნომერზე შეუძლიათ დაკავშირება : +19173481027
ან მიწერა :
კომპანიის ისტორია
ქართულ ღვინოს, დამზადების 8000-წლიანი უწყვეტი ტრადიცია ნიშურ პროდუქტად აქცევს, ალკოჰოლური სასმელებით უკვე გაჯერებულ მსოფლიო ბაზარზე. „ვაინ კახეთის“ ღვინო გამორჩეულია იმ მეცნიერული გამოცდილებით, რაც მევენახეობისა და მეღვინეობის ინსტიტუტში, 1921 წლიდან გროვდეობდა.
კომპანია "ვაინ კახეთი" შეიქმნა სწორედ იმისთვის, რომ არ დაიკარგოს ინსტიტუტის მიერ შექმნილი გამოცდილება და გაგრძელდეს საუკუნის წინ დაწყებული უნიკალური ისტორია. ამ გამოცდილებით, ღვინის ხარისხზე ზრუნვა ვაზის ნერგებიდან დავიწყეთ. ეს სწორედ ის ინსტიტუტია, რომელმაც ქართული ვაზის აბორიგენული ჯიშები გადაშენებას გადაარჩინა და დღემდე ჩვენამდე მოიტანა.
თელავში, იქ, სადაც „ვაინ კახეთის“ გუნდი შეიკრიბა, საუკუნის წინ, პირველი ექსპერიმენტული სადგური დაარსდა. მეცნიერებმა დაიწყეს უძველესი, აბორიგენული ჯიშების ძიება, მოპოვება და შენარჩუნება; მათ, თელავის საკოლექციო ნაკვეთზე, ვაზის 400-მდე ჯიშს მოუყარეს თავი. ამას მოჰყვა ის, რომ 1962 წელს, სწორედ, ინსტიტუტში, მსოფლიო კონგრესი ჩატარდა. ამის შემდეგ მოექცა ქართული ღვინო მსოფლიო დონის მევენახეებისა და მეღვინეების ინტერესის ქვეშ.
დღეს კი, საუკუნის გამოცდილებით გაშენებული ვენახებიდან ვიღებთ უმაღლესი ხარისხის მოსავალს და ვამზადებთ ნამდვილ ქართულ ღვინოს.
დღის ტოპ 10 სიახლე
სხვა სიახლეები
Blue Sky Apart-Hotel – ახალი სტანდარტი კომფორტული დასვენებისა და ცხოვრებისათვის ბათუმში
13.06.2025.18:00
BlueSky Apart-Hotel წარმოადგენს პრემიუმ კლასის აპარტოტელს, რომელიც განთავსებულია BlueSky Tower - ის 7-36 სართულებზე. როგორც Business Insider Georgia-სთან კომპანია HSC Group Hospitality-ს დირექტორმა გიორგი დოლიძემ განაცხადა, თანამედროვე მულტიფუნქციური კომპლექსი აერთიანებს ორ ბლოკს, რომელთაგან ‘A’ ბლოკში უახლოეს მომავალში 795 მაღალი კლასის სასტუმროს ტიპის აპარტამენტი გაიხსნება. აღნიშნულ ბლოკში ასევე დაგეგმილია საერთაშორისო ბრენდის – Holiday Inn Resort-ის გახსნა, რომელიც მომდევნო წლისთვისაა დაგეგმილი.
„კომპლექსის ‘B’ ბლოკში განთავსებულია დაახლოებით 1,300 მაღალი დონის საცხოვრებელი რეზიდენცია. სამომავლოდ კი დაგეგმილია ობიექტის გაერთიანება ისეთი მნიშვნელოვანი სივრცეებით, როგორებიცაა: კაზინო, კომერციული ზონები. სასტუმროს ნაწილში კი რესტორანი, ტერასა, საცურაო აუზი და სრულფასოვანი სპა ინფრასტრუქტურა.
Blue Sky Apart-Hotel გათვლილია როგორც ადგილობრივ, ისე საერთაშორისო ვიზიტორებზე და მომხმარებლებს სთავაზობს უნიკალურ მდებარეობას, პრემიუმ მომსახურებას, დაუვიწყარ ხედებსა და სრულად აღჭურვილ, თანამედროვე სტანდარტების აპარტამენტებს. აქ ყველაფერი გათვალისწინებულია იმისთვის, რომ სტუმარმა ბათუმში ყოფნის განმავლობაში იგრძნოს სიმშვიდე, კომფორტი და ხარისხი.
HSC Group Hospitality-ს დირექტორის თქმით, აპარტოტელი მიმართულია საშუალო და მაღალი სეგმენტის დამსვენებლებზე – ინდივიდუალურ მოგზაურებზე, ოჯახებზე და ბიზნეს ვიზიტორებზე. კომპლექსში წარმოდგენილია აპარტამენტების სხვადასხვა კატეგორიები:
- Studio Alley & Sea View
- One-Bedroom Suite Alley & Sea View
- Studio Yard View
- One-Bedroom Suite Yard View
აპარტამენტების ფართობი მერყეობს 30-70 კვ.მ-მდე, რაც სტუმრებს აძლევს შესაძლებლობას, აირჩიონ მათ საჭიროებებზე მორგებული გეგმარება, ხედითა და სართულით.
ობიექტის ლოკაცია ერთ-ერთი მთავარი უპირატესობაა: Blue Sky Apart-Hotel მდებარეობს გმირთა ხეივანზე, შავი ზღვის თაღის მიმდებარედ. პლაჟამდე მისასვლელად სულ რაღაც 5 წუთია საკმარისი, 2 წუთში შეგიძლიათ ესტუმროთ ბათუმის სტადიონს, 1 წუთის სავალზეა Black Sea Mall, ხოლო იუსტიციის სახლამდე მისასვლელად მხოლოდ 3-4 წუთი დაგჭირდებათ. ეს ხელსაყრელი მდებარეობა სტუმრებს სთავაზობს სწრაფ და მარტივ წვდომას ბათუმის მთავარ ტურისტულ ლოკაციებთან.
Blue Sky Apart-Hotel შედის წარმატებული სამშენებლო-დეველოპერული კომპანია LikeHouse - ის ჯგუფში, რომლის პორტფოლიოშიც არაერთი მასშტაბური და წარმატებული პროექტია. Blue Sky Tower წარმოადგენს 200 მილიონი ლარის ინვესტიციას და გამოირჩევა მაღალი ენერგოეფექტურობით, მდგრადობითა და უმაღლესი ხარისხის სამშენებლო და სარემონტო მასალების გამოყენებით. უშუალოდ Blue Sky Apart-Hotel - ში საშუალოდ დასაქმებული იქნება 150 ადამიანი.
HSC Group Hospitality პროექტს Pre-Opening-სა და პროექტის საკონსულტაციო მომსახურებებს უწევს.
განსაკუთრებული საჭიროების მქონე მოსწავლეებისთვის ახალი პროექტი – საზაფხულო სკოლა იწყება
13.06.2025.17:41
უახლოეს პერიოდში, ქ.ქუთაისში დაიწყება გარემოს ეროვნული სააგენტოს ახალი შენობის მშენებლობა - დავით სონღულაშვილი
13.06.2025.13:55
მოსავალი დაახლოებით იგივე იქნება, რაც გასულ წელს - ლურჯი მოცვის მწარმოებელთა ასოციაცია
13.06.2025.12:00
თიბისი კონცეპტის მხარდაჭერით „თბილისის ლანდშაფტის მოდელირების“ სემინარი და ვორქშოფი გაიმართება
13.06.2025.10:25
მომენტალური სარგებელი "იდეა პანორამაში" - შეთავაზებები რომლებიც აუცილებლად უნდა იცოდეთ
13.06.2025.10:00
