გაზრდილი მოთხოვნის ფონზე ლოგისტიკური კომპანია ULC Terminal – იუ ელ სი ტერმინალი სასაწყობე ინფრასტრუქტურას აფართოებს. როგორც Business Insider Georgia-სთან ULC Terminal-ის დირექტორმა და ერთ-ერთმა დამფუძნებელმა გიორგი ჯანყარაშვილმა განაცხადა, ULC Terminal-მა უკვე დაიწყო ახალი სასაწყობე სივრცის მშენებლობა.  სასაწყობე სივრცე გააერთიანებს I კატეგორიის (A კლასის) თანამედროვე ინფრასტრუქტურით აღჭურვილ საბაჟო ტერმინალებს ,საოფისე და ადმინისტრაციულ შენობა-ნაგებობებს. 

 ჩვენ ვქმნით ერთიან ლოგისტიკურ ჰაბს, სადაც ერთ სივრცეში გაერთიანდება ყველა საბაჟო სერვისი - იმპორტიორი და საერთაშორისო გადამზიდავი კომპანიების პროცესების ეფექტური მართვის, მინიმალური დროისა და ხარჯების, ასევე სახელმწიფოსთან ურთიერთობის გამარტივების მიზნით.

  „ახალი, თანამედროვე სტანდარტების საწყობის მშენებლობა გაფორმების ეკონომიკური ზონის მიმდებარე ტერიტორიაზე მიმდინარეობს.  ჩვენი პროექტი სრულიად საქართველოს ბანკის მხარდაჭერით ხორციელდება რისთვისაც მადლობას ვუხდით საქართველოს ბანკს და მის გუნდს. ვფიქრობთ საბანკო სექტორის მსგავსი ტიპის მხარდაჭერა შეუფასებელია მცირე და საშუალო ბიზნესის განვითარებისთვის. 
მეორე ფაზის ფარგლებში 10 000 კვ/მ-მდე სასაწყობე სივრცის მშენებლობა  პროცესი 2026 წლის დასაწყისისთვის დასრულდება . სამშენებლო სამუშაოების კუთხით ULC Terminal-ის პარტნიორია „შპს ჰორიზონტ“

პროექტის განხორციელების შედეგად ULC Terminal-ის ტვირთბრუნვა 70%-ით გაიზრდება. ინვესტიცია სრულიად ქართულია და მეორე ფაზის განხორციელებისთვის 10 მლნ ლარის ინვესტიცია ხორციელდება. შედეგად შეიქმნება დამატებითი სამუშაო ადგილები - დაახლოებით 30 ადამიანის დასაქმებაა დაგეგმილი,“ - აცხადებს გიორგი ჯანყარაშვილი.

აღსანიშნავია, რომ ULC Terminal-ის საკუთრებაშია 3.5 ჰა ტერიტორია, რომლის ათვისებაც A კლასის სასაწყობე მეურნეობების მშენებლობით ეტაპობრივად ხდებოდა. ULC Terminal-ის საბაჟო საწყობით სარგებლობა შეუძლიათ როგორც საერთაშორისო გადამზიდ კომპანიებს, ასევე კერძო კომპანიებს, რომლებიც ახორციელებენ ტვირთის იმპორტ/ექსპორტისა და რეექსპორტის პროცედურებს, ასევე საერთაშორისო სატრანზიტო გადაზიდვებს საქართველოს ტერიტორიაზე.

იუ ელ სი ტერმინალი როგორც ლოგისტიკური ჰაბი ვფიქრობთ თავის მხრივ გააძლიერებს საქართველოს სატრანსპორტო და ლოგისტიკურ შესაძლებლობებს და ხელს შეუწყობს მის განვითარებას რაც საქართველოს როგორც ქვეყნის ერთ ერთი პრიორიტეტული მიმართულება არის.  - განმარტავს ULC Terminal-ის თანადამფუძნებელი.

სასაწყობო მეურნეობა საშუალებას იძლევა დამუშავდეს ყველა ტიპის და სირთულის როგორც საბაჟო კონტროლს დაქვემდებარებული, ასევე კომერციული დანიშნულების ტვირთები და განხორციელდეს ყველა სახის საბაჟო პროცედურა.