უკვე გვაქვს იმის შესაძლებლობა, რომ ჰორეკა სექტორი მზა პროდუქციით აქტიურად მოვამარაგოთ - Herbia
ჰერბია • Herbia-მ ბაზრისთვის მზა პროდუქციის დიდ შეფუთვებში მიწოდება გაზარდა. როგორც Business Insider Georgia-სთან კომპანიის თანადამფუძნებელმა დავით ჯანელიძემ განაცხადა, აღნიშნული სერვისი „ჰერბიამ“ ბაზარზე კაფეებისთვის, რესტორნებისთვის და ყველა ტიპის კვების ობიექტისთვის 2 წლის უკან დანერგა, თუმცა იმისათვის, რომ კომპანიას მიწოდება გაეზარდა წარმოების გაფართოებაც განახორციელა.
„აღნიშნული პროდუქტი ბაზარზე 2-3 წლის უკან გამოვიტანეთ, თუმცა ახლა გავზარდეთ წარმოება და დავიწყეთ ერთგვარი მარკეტინგული კამპანიები. დღეს უკვე გვაქვს იმის შესაძლებლობა, რომ ჰორეკა სექტორი მზა პროდუქციით აქტიურად მოვამარაგოთ. ამ ეტაპზე ჩვენთვის მნიშვნელოვანია ახალი ობიექტების მოძიება. ზოგადად HACCP-ის სტანდარტებით ზოგიერთი რესტორნისთვის რთულია პროდუქტის გადამუშავება. ეს რთული პროცესია, ჯერ უნდა გაირეცხოს, დამუშავდეს და ასე შემდეგ. ჩვენ მათ მზა პროდუქტს ვაწვდით, რომელიც ასეთ ობიექტებს ძალიან დიდი ტვირთს აშორებს. მით უმეტეს, რომ დამწყები ობიექტებისთვის „ჰერბიას“ შეთავაზება საკმაოდ საინტერესოა“, - აცხადებს დავით ჯანელიძე.
კომპანიის თანადამფუძნებელი ამბობს, რომ აღნიშნული პროდუქტისადმი ინტერესი დიდია.
„მოთხოვნა საკმაოდ მზარდია. ძირითადად მოთხოვნა პატარა და საშუალო კვების ობიექტების მხრიდან არის. გეოგრაფიულად კი ამ სერვისზე ძირითადი მოთხოვნა თბილისშია“, - აცხადებს „ჰერბიას“ თანადამფუძნებელი.
ცოტა ხნის უკან „ჰერბიამ“ ბაზარს Herbia Delivery-ს სერვისი - Herbiadelivery.ge შესთავაზა. დავით ჯანელიძის თქმით, აღნიშნული სერვისიც საკმაოდ მოთხოვნადი აღმოჩნდა, რადგანაც კომპანია მომხმარებლებს საკმაოდ მაღალი ხარისხის პროდუქციას აწვდის.
„მოთხოვნა ყოველდღიურად იზრდება, რადგანაც საკმაოდ მაღალი ხარისხის პროდუქტი გვაქვს. სხვა ქალაქების ათვისებას ჯერჯერობით არ ვაპირებთ. უფრო კონკრეტულად, ვფიქრობთ, რომ დაახლოებით ერთი წელი მხოლოდ თბილისის ბაზარზე ვიმუშაოთ და ამის შემდეგ დავამატოთ ისეთი დიდი ქალაქები, როგორიც არის ბათუმი, ქუთაისი“, - ამბობს „ჰერბიას“ თანადამფუძნებელი.
მზარდი მოთხოვნის ფონზე „ჰერბია“ არსებულ გამოწვევებს ადეკვატურად პასუხობს და ფართოვდება. კომპანიის სასათბურე მეურნეობებს, სულ მალე სოფლის განვითარების პროგრამის დახმარებით, 1 ჰა სასათბურე მეურნეობაც შეემატება.
დღეისათვის „ჰერბია“ წყალტუბოს მუნიციპალიტეტში 30 ჰა-ზე გაშენებულ დახურულ სასათბურე მეურნეობას ფლობს, ხოლო ღია გრუნტის მეურნეობა 30 ჰა-ზეა გადაჭიმული.
სხვა სიახლეები
50%-მდე ფასდაკლებები სხვადასხვა კატეგორიაში - Wolt+-ის ახალი ექსკლუზიური შეთავაზებები
12.06.2025.10:43
მიტანის სერვისის სფეროში ლიდერი, ფინური მაღალტექნოლოგიური კომპანია ვოლტი სიახლეებითა და ექსკლუზიური ფასდაკლებებით მომხმარებლის განებივრებას განაგრძობს.
დაიწყო Wolt+-ის მორიგი კამპანია, რომელიც სხვადასხვა კატეგორიაში 50%-მდე ფასდაკლებას გულისხმობს.
Wolt+-ის მასშტაბური ფასდაკლებებითა და ექსკლუზიური შეთავაზებებით სარგებლობა შესაძლებელი იქნება როგორც პარტნიორ რესტორნებსა და სუპერმარკეტებში, ისე საცალო ვაჭრობის სფეროში მოქმედ ობიექტებში.
ვოლტის წევრობის პროგრამა Wolt+ მომხმარებელს შოპინგის განსაკუთრებული გამოცდილების გარდა, შესაძლებლობას აძლევს, დაზოგოს თანხა, ისარგებლოს უფასო მიტანის სერვისით და ექსკლუზიური ფასდაკლებებით მთელი წლის განმავლობაში, ასევე ჩაერთოს მხოლოდ Wolt+-ის მომხმარებლისთვის განკუთვნილ სპეციალურ კამპანიებში.
სერვისი 2021 წლიდან ამოქმედდა და ამ დრომდე Wolt+-ის მომხმარებლის მიერ დაზოგილი თანხის ჯამური ოდენობა რამდენიმე ასეულ მილიონ ევროს აღემატება. მომხმარებლის გარდა, Wolt+ მნიშვნელოვან სარგებელს სთავაზობს სავაჭრო პარტნიორებსაც, რამდენადაც ხელს უწყობს დამატებით გაყიდვებს და ამ გზით - სხვადასხვა სექტორის ბიზნესის ზრდასა და განვითარებას.
„ჩვენ მუდმივად ვზრუნავთ ჩვენი მომხმარებლებისა და პარტნიორებისთვის დამატებითი ღირებულებების შექმნასა და სიახლეების შეთავაზებაზე. წელს უკვე მეორედ 50%-მდე ფასდაკლებების მასშტაბური კამპანია ამის კიდევ ერთი ნათელი მაგალითია და ის თანაბრად მომგებიანია როგორც ვოლტის მომხმარებლისთვის, ისე ჩვენი პარტნიორი ობიექტებისთვის. სხვადასხვა კატეგორიაში 50%-მდე ფასდაკლებებით სარგებლობის გარდა, Wolt+-ის პროგრამის წევრები შეძლებენ, დაზოგონ მეტი და მიიღონ ექსკლუზიური შეთავაზებები, ხოლო ჩვენს პარტნიორ ობიექტებს დამატებით გაეზრდებათ გაყიდვები, რაც მათ მეტ განვითარებას შეუწყობს ხელს“, - აცხადებს ვოლტი საქართველოს გენერალური მენეჯერი სერგი მარღანია.
ამასთან, აღსანიშნავია, რომ ვოლტის და საქართველოს ბანკის პარტნიორობით, SOLO მომხმარებლები და საქართველოს ბანკის ლოიალობის პროგრამის Gold-სტატუსის მფლობელები Wolt+-ის ერთწლიანი უფასო გამოწერის სერვისით სარგებლობენ.
სპეციალური შეთავაზება მოქმედებს Starter, Bronze და Silver-სტატუსის მქონე მომხმარებლებისთვისაც, რომლებსაც 3-თვიანი უფასო გამოწერის შესაძლებლობა აქვთ.
შეთავაზების გასააქტიურებლად მომხმარებლები უნდა ეწვიონ „საქართველოს ბანკის“ მობილბანკის შეთავაზებების სივრცეს, სადაც მათ დახვდებათ სპეციალური ბმული. Wolt+-ის უფასო გამოწერის გასააქტიურებლად საჭიროა აღნიშნულ ბმულზე გადასვლა. იმ შემთხვევაში, თუ მომხმარებელი Wolt+ -ის გამოწერით უკვე სარგებლობს, მისთვის გამოწერის უფასო სერვისით სარგებლობის 12 თვე მოქმედი სერვისის დასრულების თარიღიდან აითვლება.
