ბოლო წლების განმავლობაში გასართობი ინდუსტრია მნიშვნელოვნად შეიცვალა. 2021 წელს, თბილისში გამოჩნდა TTE ROOMS - კომპანია, რომელმაც ადამიანისთვის დადებითი ემოციების მინიჭება თავიდანვე არა როგორც უბრალო შესაძლებლობა, არამედ როგორც სტრატეგიულად დაგეგმილი ბიზნეს-პროდუქტი განიხილა.

თითქმის ხუთწლიანი საქმიანობის შემდეგ, TTE ROOMS -ი ყოველთვიურად მასპინძლობს ასობით სტუმარს და ქმნის უნიკალურ ბალანსს ადგილობრივ და საერთაშორისო აუდიტორიას შორის: სტუმრების დაახლოებით 50% ადგილობრივია, ხოლო დანარჩენი 50% - სხვადასხვა ქვეყნიდან ჩამოსული სტუმრები, განსაკუთრებით ევროპიდან. ეს შედეგი შემთხვევითი არ არის. კომპანია თავიდანვე ავითარებდა უნივერსალურ კონცეფციას, რომელიც ერთნაირად გასაგები და მიმზიდველია, როგორც ადგილობრივი მომხმარებლისთვის, ასევე უცხო ქვეყნიდან ჩამოსული სტუმრებისთვის, რომლებსაც აქვთ დიდი მოლოდინები მომსახურებისა და ხარისხის მიმართ.

TTE ROOMS -ის ბიზნეს-მოდელის საფუძველში დგას ერთი მნიშვნელოვანი სტრატეგია - “ვუმასპინძლოთ მცირე ჯგუფებს, თუმცა ვაჩუქოთ მათ უზარმაზარი ემოციები” - ამბობს TTE ROOMS -ის დამფუძნებელი, ემილ სარქისიანი.

ჩვენთვის მნიშვნელოვანია ხარისხი და არა რაოდენობა. სწორედ ამ სტრატეგიის შედეგია მომხმარებელთა მაღალი ნდობა. კომპანიის Google-ის რეიტინგი ამ დროისთვის 4.9 ქულაა, დაახლოებით 300 შეფასებით, რაც გასართობ ინდუსტრიაში ერთ-ერთ მთავარ რეპუტაციულ ინდიკატორად ითვლება.

კომპანიის განვითარების კიდევ ერთი მნიშვნელოვანი მიმართულებაა კორპორატიული სეგმენტი. TTE ROOMS-მა წარმატებით მოარგო საკუთარი პროდუქტი სხვა ადგილობრივი კომპანიების მოთხოვნებს, მასპინძლობს სხვადასხვა კომპანიების ჯგუფებს და ქმნის ეფექტურ თიმბილდინგ ღონისძიებებს.

2025 წელი კომპანიისთვის საკმაოდ წარმატებული აღმოჩნდა. წინა წელთან შედარებით გაიზარდა გაყიდვების რაოდენობა, ხოლო ბრენდი გახდა უფრო მეტად ცნობადი. გაიზარდა მოთხოვნა კომპანიებისგან, რომელთათვის ჩატარდა არაერთი საინტერესო გასართობი ღონისძიება.

ჩვენი გამოცდილება ლოგიკურ საფუძვლად იქცა გაფართოებისათვის. 2026 წელს TTE Rooms გეგმავს ახალი ფილიალის გახსნას, რომლის მოსამზადებელი სამუშაოები უკვე აქტიურ ფაზაშია. ახალი სივრცე შესთავაზებს სტუმრებს რამდენიმე განსხვავებულ თამაშს, განახლებულ სცენარებს და ერთდროულად უფრო დიდი ჯგუფების მიღების შესაძლებლობას. კომპანიისთვის ეს ნაბიჯი ნიშნავს გადასვლას უფრო სისტემურ, სტრუქტურირებულ ბიზნეს-მოდელზე.

TTE ROOMS -ის ისტორია ნათლად აჩვენებს, რომ მზარდი კონკურენციის პირობებში წარმატებას აღწევენ ისინი, ვინც ყურადღებას აქცევს დეტალებს, ხარისხს და რეპუტაციას. სწორედ ამ მიდგომამ რამდენიმე წელიწადში მცირე ადგილობრივი პროექტი საერთაშორისო აუდიტორიაზე ორიენტირებულ, სტაბილურ და მზარდ ბიზნესად აქცია, რომელსაც აქვს მკაფიო ხედვა მომავლისკენ.