ყავის სახლების ქსელი Costa Coffee Georgia მომხმარებელს განახლებულ და გაფართოებულ ლანჩ-მენიუს სთავაზობს , - ამის შესახებ, Business Insider Georgia - ს კომპანიის დირექტორმა ელენე ჯგერენაიამ განუცხადა.

როგორია კომპანიის მიმდინარე სიახლეები?

ყავის სახლების ქსელი Costa Coffee მომხმარებლებს განახლებულ და გაფართოებულ ლანჩ-მენიუს სთავაზობს, რომელიც მოიცავს სენდვიჩებისა და ვრაპების მრავალფეროვან არჩევანს, ასევე ახალ დესერტებს, როგორიცაა ტირამისუ, უგლუტენო ბრაუნი და Costa-ს გრანოლას ფილა.

Costa Coffee საქართველოს მთავარი მისიაა სტუმრებისთვის დღის ნებისმიერ მონაკვეთში შევქმნათ ხარისხიანი, გემრიელი და კომფორტული არჩევანი როგორც ყავის, ისე საკვების მიმართულებით, სრული შესაბამისობით ბრენდის გლობალურ სტანდარტებთან.

როგორია კომპანიის მიმდინარე ასორტიმენტი?

ჩვენი ასორტიმენტი მუდმივად ვითარდება, რათა მაქსიმალურად მოვერგოთ მომხმარებელთა გემოვნებასა და მოთხოვნებს. ცხელი და ცივი ყავის მრავალფეროვან არჩევანთან ერთად, წელს განსაკუთრებული ყურადღება მივაქციეთ ლანჩ-მენიუს გაფართოებას.

განახლებული შეთავაზებები მოიცავს:

• ინდაურის, ქათმისა და ბაზილიკის, მოცარელას, სამი ყველის და სხვა ტიპის სენდვიჩებს;
• ქათმისა და ვეგანურ ვრაპებს;
• ახალ დესერტებს.

აღნიშნული სიახლე პასუხობს მომხმარებელთა მზარდ მოთხოვნას, რომ Costa Coffee იყოს ადგილი, სადაც სტუმრები შეძლებენ არა მხოლოდ თავიანთი საყვარელი ყავის, არამედ მსუბუქი ლანჩ მენიუს დაგემოვნებას, რაც მათ ყოველდღიურ ვიზიტს უფრო კომფორტულსა და მრავალფეროვანს გახდის.

წლის ბოლომდე Costa Coffee უკვე სამი სრულად მოქმედი ობიექტით იქნება წარმოდგენილი თბილისში: ილია ჭავჭავაძის გამზ. 10 ნომერში, ალექსანდრე ყაზბეგის გამზ. 14 ნომერსა და საბურთალოს City Mall-ში.

როგორ აფასებთ მოთხოვნას ზოგადი თვალსაზრისით?

Costa Coffee-ს მიმართ მოთხოვნა სტაბილურად მზარდია. მომხმარებელთა რაოდენობის მატებამ გვაჩვენა, რომ ბრენდი წარმატებით ეხმიანება ადგილობრივი ბაზრის საჭიროებებს და მომხმარებელთა მოთხოვნებს.

ზრდის ტენდენციამ მნიშვნელოვანი გავლენა მოახდინა გადაწყვეტილებაზე, რომ დამატებითი ფილიალი გაგვეხსნა საბურთალოს City Mall-ში, რათა ბრენდი კიდევ უფრო ხელმისაწვდომი გამხდარიყო ფართო აუდიტორიისთვის.

ცნობისთვის, Costa Coffee ცნობილია იტალიური ყავის მაღალი ხარისხითა და მდიდარი მემკვიდრეობით. ბრენდის ისტორია 1971 წელს ლონდონში დაიწყო, როდესაც იტალიელმა ძმებმა პატარა ყავის ქარხანა გახსნეს. მათ მიერ შექმნილი უნიკალური ბლენდი Mocha Italia დღემდე Costa Coffee-ის დამახასიათებელ გემოს წარმოადგენს.