ცხოვრება, როგორც დასვენება — სახლი, რომელიც ბუნებასთან ახლოს ჩაიფიქრე, ლისზე

არის თუ არა შესაძლებელი, იცხოვრო ისე, თითქოს ისვენებ? დღეს ეს კითხვა რეალურ პასუხს ლისის სუბურბანულ პროექტში პოულობს— იქ, სადაც ქალაქს ბუნება აგრძელებს და ცხოვრება თავის ნამდვილ მნიშვნელობას იძენს.

ქალაქის თანამედროვე რიტმი სწრაფი, ხმაურიანი და გადატვირთულია. ადამიანები სულ უფრო მეტად ეძებენ ადგილს, სადაც არა დროებით გაქცევა, არამედ მუდმივი სიმშვიდის პოვნა შეეძლებათ — ცხოვრება, რომელიც თვითონ ჰგავს დასვენებას, ბუნებასთან ახლოს. სწორედ ასეთი კონცეფციით დაიწყო დეველოპერულმა კომპანია „მეტროპოლმა“ თავისი პროექტის — „მეტროპოლ ლისის“ — განვითარება.

15 ივლისს, საღამოს 8.00 საათზე კომპანიის მენეჯმენტმა ლისზე ახალი სუბურბანული პროექტის — „მეტროპოლ ლისის“ — მშენებლობა ოფიციალურად დააანონსა.
სიტყვით გამოვიდა „მეტროპოლის“ მმართველი პარტნიორი გიორგი მხეიძე, რომელმაც ხაზი გაუსვა იმ ღირებულებებს, რომლებიც Metropol-ის განვითარების ხედვას განსაზღვრავს.

კომპანიის მენეჯმენტმა მშენებლობის საძირკველში სპეციალურად მომზადებული კაფსული არსებულ მცხოვრებლებთან ერთად განათავსა, როგორც ერთიანობისა და მომავალზე ზრუნვის სიმბოლო.

კაფსულის ჩადების ცერემონია ლისის უნიკალური ხედების ფონზე, ცოცხალი მუსიკის თანხლებით, მშვიდ და მეგობრულ ატმოსფეროში წარიმართა.
ღონისძიებაზე მიწის უკვე არსებულ მფლობელებს განსაკუთრებული საჩუქარი გადაეცათ - უნიკალური ჯიშის ხეები დასარგავად.

რატომ ლისი?
ლისი განსაკუთრებული ადგილია — რეალურად თბილისის ცენტრიდან მხოლოდ რამდენიმე წუთში, აქ განსხვავებულ სიმშვიდესა და თავისუფლებას გრძნობ. ამ ადგილას ცხოვრებას არ ირჩევენ რუკის მიხედვით, ამ ადგილს ირჩევენ შიგნიდან წამოსული განცდით: აქ მინდა ვიცხოვრო.

„მეტროპოლ ლისის“ სუბურბანული პროექტი მოიცავს 70-ამდე მიწის ნაკვეთს, სარეკრეაციო ზონას, პადელის, ფეხბურთისა და კალათბურთის მოედნებს, ბავშვებისა და დიდებისთვის განკუთვნილ დასასვენებელ სივრცეებს, ღია კინოთეატრსა და ველობილიკებს.

სუბურბანული სივრცის კომფორტი და უსაფრთხოება უზრუნველყოფილია ჭკვიანი სახლის თანამედროვე სისტემებით.

მცხოვრებლებისთვის საჩუქრად გადასაცემად გათვალისწინებულია კერძო სახლების არქიტექტურული ნახაზები, საიდანაც მათ სასურველი ვერსიის შერჩევა შეეძლებათ.

არ აქვს მნიშვნელობა, ყოველდღიურად მუშაობ თუ უფრო მეტი დრო გაქვს საკუთარი თავისთვის, ამ ადგილს შენთვის სიმშვიდე, ღრმად სუნთქვა და დასვენების შეგრძნება მოაქვს.

სუბურბანული პროექტი საინვესტიციო კუთხით

„მეტროპოლ ლისი“ არა მხოლოდ ცხოვრების ხარისხს ცვლის, არამედ ის ყველაზე ჭკვიანური ინვესტიციაცაა მომავალში.
არაერთი გლობალური და ადგილობრივი ბაზრის ტენდენცია აჩვენებს, რომ მიწას მომხმარებლები ერთ-ერთ ყველაზე სტაბილურ აქტივად განიხილავენ და მასზე ფასი მუდმივად მზარდია.

„მეტროპოლ ლისი“ - კომპანიის ხედვის გაგრძელება

„მეტროპოლ ლისის“ პროექტი კომპანიის განვითარების ხედვის გაგრძელებაა, რომელიც მომხმარებლის უძრავ ქონებასთან დაკავშირებული ნებისმიერი მოთხოვნისა თუ ჩანაფიქრის შესრულებას ითვალისწინებს.

„დღეს „მეტროპოლის“ ბიზნესპორტფოლიო უძრავი ქონების შეძენით დაინტერესებულ ნებისმიერ ადამიანს სრულყოფილ გადაწყვეტილებებს სთავაზობს იმის მიხედვით, რა ჩაიფიქრა მან - სახლი თბილისში თუ ზღვისპირას, ინვესტიცია აპარტამენტში თუ ქალაქისგან მოშორებით ცხოვრება აირჩია, როგორც დასვენება“, - ამბობს „მეტროპოლის“ მმართველი პარტნიორი გიორგი მხეიძე.

„მეტროპოლის“ პროექტები

კომპანიას დღეს აქვს 1 დასრულებული პროექტი ბაგებში, 4 მიმდინარე პროექტი თბილისში და 3 პროექტი ბათუმში. კომპანიის უახლოეს გეგმებშია 2 განსაკუთრებული პროექტის წამოწყება.

„მეტროპოლ ლისი“ — სახლი, რომელიც ბუნებასთან ახლოს ჩაიფიქრე.

სახლი, სადაც ცხოვრება დასვენებას ჰგავს.