ციურიხსა და თბილისს შორის მგზავრთნაკადი 2025 წელს 43%-ით გაიზარდა - Edelweiss
Business Insider Georgia-მ Edelweiss-თან ექსკლუზიური ინტერვიუ მოამზადა, რომლის ფარგლებშიც კომპანიამ საქართველოსთან თანამშრომლობა შეაფასა და 2026 წლის მოლოდინებზე ისაუბრა. როგორც ავიაკომპანიაში განმარტავენ, გაზრდილი მგზავრთნაკადის ფონზე Edelweiss-ი აპრილიდან ფრენების სიხშირეს ზრდის.
„გაყიდვები და მგზავრთა რაოდენობა მთლიანობაში შეესაბამებოდა ჩვენს მოლოდინებს სწორედ ამიტომ ჩვენ ვზრდით 2026 წლის აპრილიდან ფრენების სიხშირეს კვირაში სამ რეისამდე. განსაკუთრებით ძლიერი დინამიკა დაფიქსირდა საქართველოს ბაზრიდან. ჩვენთვის სასიამოვნო სიურპრიზი იყო ის, რომ ქართველი მგზავრები აქტიურად ირჩევენ Edelweiss-ის რეისებს, მიუხედავად იმისა, რომ ავიაკომპანია აქამდე საქართველოში ნაკლებად იყო ცნობილი. ამ პროცესს მნიშვნელოვნად შეუწყო ხელი Swiss International Air Lines-თან პარტნიორობამ და Lufthansa Group-ის წევრობამ/აფილირებამ“, - აცხადებენ ავიაკომპანიაში.
კომპანიაში განმარტავენ, რომ Edelweiss-ის ტარიფები მუდმივად კონკურენტუნარიანი და მიმზიდველია.
„ბევრი კონკურენტისგან განსხვავებით, სტანდარტულ ტარიფებში ყოველთვის შედის ჩაბარებული ბარგი და მაღალი ხარისხის კვება ბორტზე“, - აღნიშნავენ Edelweiss-ში.
ციურიხსა და თბილისს შორის მგზავრთნაკადი 2025 წელს 43%-ით გაიზარდა 2024 წელთან შედარებით. ახალი რეისის შედეგად, საქართველოს რამდენიმე ათასი დამატებითი ვიზიტორი ეწვია. „მოსალოდნელია, რომ ეს ზრდა გაგრძელდება 2026 წელსაც დამატებითი ფრენების ფონზე“, - აღნიშნავენ ავიაკომპანიაში.
დღის ტოპ 10 სიახლე
ახალციხე-ვალეს მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია
სხვა სიახლეები
როგორ აფასებს სუვენირებისა და აქსესუარების ქართული ბრენდი Lepert-ი 2025 წელს და რა გეგმები აქვს კომპანიას სამომავლოდ
13.01.2026.16:00
2025 წელი კომპანიისთვის საკმაოდ დადებითი აღმოჩნდა. შევიძინეთ ბევრი ახალი პარტნიორი და შევქმენით ახალი პროდუქცია , - ამის შესახებ Business Insider Georgia-ს სუვენირებისა და აქსესუარების ქართული ბრენდი Lepert - ის პარტნიორმა, გიორგი გრიგალაშვილმა განუცხადა.
„2025 წელი კომპანიისთვის ძალიან წარმატებული აღმოჩნდა. შევიძინეთ უამრავი ახალი პარტნიორი და ჩვენს შესახებ უფრო მეტმა ადამიანი გაიგო, ვიდრე აქამდე იცოდა. ასევე, შევქმენით ახალი პროდუქცია, ვაწარმოეთ ღვინო და გავხსენით ახალი მაღაზია.
ვფიქრობთ რომ 2026 წელს ჩვენს კომპანიაში მნიშვნელოვანი გარდატეხა მოხდება. ვგეგმავთ წარმოების გაფართოებას და გადასვლას ახალ სივრცეში, რაც უფრო მასშტაბური წარმოების შესაძლებლობას მოგვცემს. გარდა ამისა, გვსურს ჩვენი პროდუქცია ექსპორტზეც გავიტანოთ, რასაც ამჟამად ვერ ვახერხებთ. დარწმუნებულები ვართ, რომ ეს ყველაფერი 2026 წელს განხორციელდება “, - აცხადებს გიორგი გრიგალაშვილი.
ცნობისთვის, Lepert-ის მაღაზია მდებარეობს იოანე შავთელის ქუჩა №26-ში.
ბათუმში, ორბი მილენიუმში 55 დღეში 2500 აპარტამენტი გაიყიდა - კომპანიის ახალი რეკორდი
13.01.2026.15:50
GCCA-მა „თინეთსა“ და “თიბისი ბანკს” შორის სავარაუდოდ არსებულ ექსკლუზიური შეთანხმების თაობაზე მოკვლევა დაასრულა - როგორია დასკვნა
13.01.2026.11:13
„არქის“ 85%-იანი რეკორდული ზრდა - კომპანიისთვის 2025 წელი განსაკუთრებით წარმატებული აღმოჩნდა
13.01.2026.10:00
ინოვაციური არქიტექტურული კომპანია – Gensler ქუთაისის ახალი მრავალფუნქციური სპორტის სასახლის პროექტირების პროცესში ჩაერთო
12.01.2026.17:52
