წინა წელთან შედარებით ვიზიტორების რაოდენობა გაიზარდა - „ედის დაჩა“ 2025 წლის შედეგებისა და სამომავლო გეგმების შესახებ
წალკის მუნიციპალიტეტში, სოფელ დაშბაშში მდებარე საოჯახო სასტუმრო „ედის დაჩა“ დიდი პოპულარობით სარგებლობს. ობიექტი, ადგილზე მისულ სტუმარს მრავალსაუკუნოვან სახლში დასვენების შესაძლებლობას სთავაზობს. Business Insider Georgia - სთან სასტუმროს დამფუძნებელი ედვარდ მკრტიჩიანი 2025 წელს აფასებს და სამომავლო გეგმებზე საუბრობს.
„საკმაოდ კარგი სეზონი იყო. წინა წელთან შედარებით ვიზიტორების რაოდენობა გაიზარდა, განსაკუთრებით ისრაელიდან, საფრანგეთიდან და შვეიცარიიდან ჩამოსული სტუმრები ჭარბობდნენ. აგვისტოში 95%-იანი დატვირთვით ვმუშაობდით.
როგორც მოგეხსენებათ, საუკუნოვანი სახლი გვაქვს, რომელიც მოიცავს 2 ეკონომ კლასის, 2 სტანდარტულ და 2 ლუქს ნომერს. ამჟამად გაფართოების პროცესში ვართ და ნომრების რაოდენობას კიდევ უფრო ვზრდით. არსებულ ინფრასტრუქტურას დაემატება 2 სუპერ ლუქს ნომერი, რომლებიც კანიონის პირას განთავსდება და აღჭურვილი იქნება ჯაკუზითა და საკუთარი სააბაზანო სივრცით. ნომრებს ექნება თანამედროვე ვიზუალი, თუმცა შენარჩუნებული იქნება ძველებური ელემენტები.
იქედან გამომდინარე, რომ ჩვენს სამზარეულოზე მოთხოვნა ძალიან მაღალია და მიმდინარე წელს გასტრო მიმართულებით ერთ-ერთი პროექტის „მზისკარის“ გამარჯვებულები გავხდით, მომხმარებელს ვთავაზობთ ეკო პროდუქტებზე დაფუძნებულ მენიუს. გვაქვს საკუთარი სათბური, რომლის ნაწილი უკვე გავზარდეთ, ერთი სრულფასოვანი სათბური უკვე ფუნქციონირებს, ხოლო მის გვერდით მინი სათბურს ვაწყობთ, რათა მომხმარებელს კიდევ უფრო მრავალფეროვანი ბოსტნეული და ხილი შევთავაზოთ.
იმ პროდუქციის ნაწილს კი, რომელიც თავად არ მოგვყავს, ადგილობრივი ფერმერებისგან ვიძენთ. ამასთან ერთად, აქტიურად ვთანამშრომლობთ მათთან, ვცდილობთ ხელი შევუწყოთ მათ განვითარებას, ვმუშაობთ ამ მიმართულებით და აქტიურად ვატარებთ სხვადასხვა ტიპის ტრენინგებს “, - აცხადებს სასტუმროს დამფუძნებელი.
ცნობისთვის, სასტუმროს ნომრები სრულად აღჭურვილია თანამედროვე ტექნიკითა და დასვენებისთვის საჭირო ინვენტარით. საოჯახო სასტუმროს გააჩნია მოსასვენებელი სივრცე. სტუმარს შესაძლებლობა აქვს დროის ნებისმიერ მონაკვეთში ისარგებლოს ადგილობრივი სარესტორნო მომსახურებით.
დღის ტოპ 10 სიახლე
ჩვენი მიზანია გავხდეთ საქართველოს წამყვანი სასტუმრო - Le Méridien Batumi-ს ახალი გენერალური მენეჯერი
სხვა სიახლეები
კოკა-კოლას „წლის რეგიონი“ - დაჯილდოება თანამშრომლებისა და პარტნიორების წახალისებისთვის
13.02.2026.21:56
თანამშრომლებზე ზრუნვის, წახალისებისა და მოტივაციის ზრდის მიზნით, კომპანია „კოკა-კოლა ბოთლერს ჯორჯიამ“ კიდევ ერთი მნიშვნელოვანი პროექტი ტრადიციად აქცია. 13 თებერვალს, ქობულეთში, სასტუმრო „ჯორჯია პალასმა“ დაჯილდოების ცერემონიას „წლის რეგიონი“ უმასპინძლა, სადაც კომპანიამ რეგიონებში მოქმედი პარტნიორები დააჯილდოვა.
„წლის რეგიონი“- ეს არის კომპანია „კოკა-კოლა ბოთლერს ჯორჯიას“ მიერ რეგიონებში მომუშავე პარტნიორებისთვის შექმნილი დაჯილდოება, რომლის მთავარი მიზანი თანამშრომლების წახალისება და დასახული გეგმების გუნდურად შესრულების ხელშეწყობაა. ეს ჯილდო მადლიერების ჟესტია იმ პარტნიორების მიმართ, რომელთაც კომპანიის წარმატებაში ყოველდღიური წვლილი შეაქვთ.
„ეს არის კოკა-კოლას პარტნიორების დაფასება, რაც აუცილებელია მოტივაციისთვის. მოტივაციისა და პატივისცემისთვის ეს დაჯილდოება არის ჩვენი სიმდიდრე. ეს არ არის მხოლოდ შეხვედრა შეხვედრისთვის, ეს ჩვენი - კოკა-კოლას - დიდი ოჯახის შეკრების პრეზენტაცია, სადაც ვაჩვენებთ რამდენად პატივს ვცემთ დიდ ბიზნესსა და ჩვენს ქვეყანას, რომელსაც ვემსახურებით. ამით ჩვენ გამოვხატავთ ჩვენს დამოკიდებულებას ქვეყანასთან, ოჯახებთან, ბიზნესთან; რაც მთავარია ჩვენ ერთმანეთს ყოველ წელს ვუმტკიცებთ, რამდენად გავიზარდეთ ჩვენ თვითონ. ცოტა სხვანაირად რომ ავხსნა - ეს კონკურსია ცოდნის, დისციპლინის, ნდობისა და ერთობლიობის. ეს მრავალფეროვანი შეფასებაა. გვეამაყება რომ ჩვენი როლი სახელმწიფოს ეკონომიკაში ძალიან მნიშვნელოვანია. ათასობით ადამიანი და ოჯახი მონაწილეობს ამ პროცესში“, - განაცხადა კომპანია "კოკა-კოლა ბოთლერს ჯორჯიას" სამეთვალყურეო საბჭოს თავმჯდომარემ თემურ ჭყონიამ.
თანამშრომლების დაფასება და მათი პროფესიული ზრდის მხარდაჭერა კი “კოკა-კოლა ბოთლერს ჯორჯიას” კორპორატიული კულტურის განუყოფელი ნაწილია. კომპანიას რეგიონებში პარტნიორებთან მრავალწლიანი თანამშრომლობის გამოცდილება აქვს, მსგავსი ინიციატივა კი კიდევ ერთხელ ხაზს უსვამს იმ მხარდაჭერას, რომელსაც კომპანია თითოეულ დასაქმებულს სთავაზობს. დაჯილდოება “წლის რეგიონი” იმ უწყვეტი პროცესის ნაწილია, რომელსაც თანამშრომლების პროფესიულ განვითარებაში ინვესტირება ჰქვია. კომპანიის მიზანია შექმნას გარემო, სადაც თითოეული თანამშრომელი და პარტნიორი, საკუთარი შრომის შედეგსა და დაფასებას ხედავს.
განვითარებაზე, ზრდასა და პროგრესზე ორიენტირებული კრიტერიუმების მიხედვით, საუკეთესო შედეგების მქონე რეგიონები, კომპანია “კოკა-კოლამ” 6 სხვადასხვა ნომინაციაში გამოავლინა და გამარჯვებულებს სპეციალური პრიზები გადასცა.
კოკა-კოლას პარტნიორები რეგიონებიდან შემდეგ ნომინაციებში დაჯილდოვდნენ:
გამარჯვებულებს სპეციალური პრიზები - კოკა-კოლას ოქროს ბოთლი, კოკა-კოლას ბრენდირებული საჩუქრების ყუთი, საერთაშორისო სერტიფიკატი და ფულადი ჯილდო გადაეცათ. რეგიონების შეფასება კი ისეთ რამდენიმე მნიშვნელოვან კრიტერიუმს ეფუძნებოდა, როგორიცაა გასულ წელთან შედარებით მიღწეულ შედეგები, გეგმის შესრულების ხარისხი, კონტრიბუცია, RGM - შემოსავლის ზრდის მენეჯმენტი და მარკეტინგული აქტივობები.
კომპანია “კოკა-კოლა ბოთლერს ჯორჯიასგან” თანამშრომლების წახალისება უკვე ტრადიციაა, რაც მათი შრომისა და მიღწევის დაფასებას ემსახურება.
