სურნელოვანი სანთლების მწარმოებელი კომპანია Tsimtsimi • ციმციმის პროდუქციის შეძენა მომხმარებელს უკვე სითი მოლშიც შეუძლია. ამის შესახებ, Business Insider Georgia -ს კომპანიის პარტნიორმა ნანა დავითაძემ განუცხადა. მისივე თქმით, კომპანია "ციმციმისა" და "ჩაიმანიას" კოლაბორაცია მოხდა და პროდუქცია გაყიდება "ჩაიმანიას" ქსელებში. 

"ჩაიმანიასთან" კოლაბორაციით ცოტა ხნის წინ მონაწილეობა მივიღეთ თბილისის ბოტანიკურ ბაღში გამართულ საკურას ფესტივალში. ჩვენს, ასორტიმენტში შედის სანთლები საკურას არომატით, რომელიც ძალიან მოსწონთ მომხმარებლებს.  "ჩაიმანიას" კი აქვს საკურას ჩაი და სწორედ ამ იდეით დაიწყო ჩვენი ერთობლივი თანამშრომლობა და იდეაც აქედან დაიბადა ვინაიდან, ერთი და იგივე პროდუქტი გვქონდა. ესე შევამხანაგდით  და გამოვედით გამოფენაზე. შემდეგ კი გადავწყვიტეთ რომ "ჩაიმანიასთან" ერთად ჩვენი პროდუქციაც განთავსებულიყო მათ ქსელებში. რეალიზაციის მხრივ ამ მცირე დროში დადებითი დინამიკა შეინიშნება ", - აცხადებს კომპანიის პარტნიორი ნანა დავითაძე.

ცნობისთვის, „ციმციმი“ ქართული კომპანიაა, რომელიც  სულ რაღაც ერთი წლის წინ გამოჩნდა ბაზარზე და აწარმოებს 100%-ით ნატურალურ სოიოს ცვილისგან დამზადებულ სურნელოვან სანთლებს. პროდუქცია გარდა იმისა, რომ სასარგებლო და ნატურალურია, ასევე ხასიათდება დამატენიანებელი ეფექტით. მომხმარებლებს შესაძლებლობა აქვთ მრავალფეროვანი სასაჩუქრე ბოქსების შეძენის, რომელშიც შედის როგორც სანთლები, ასევე საპნები.