სწრაფი კვების ინდუსტრია მსოფლიო მასშტაბით ერთ-ერთ ყველაზე დინამიურ ბიზნეს მიმართულებას წარმოადგენს, რაც პირდაპირ აისახება ქართულ რეალობაზეც. ქვეყანაში ამ სექტორის გაფართოება და ახალი ობიექტების სიმრავლე მკაფიოდ მიანიშნებს იმაზე, რომ საქართველო გლობალურ ტენდენციებს ფეხდაფეხ მიჰყვება. აღნიშნული გარემოებების გათვალისწინებით, Business Insider Georgia დაინტერესდა ადგილობრივ ბაზარზე არსებული მდგომარეობით და დარგის წამყვანი მოთამაშეები შეისწავლა.

საქსტატის მიერ გამოქვეყნებული 2025 წლის მეოთხე კვარტლის ოფიციალური მაჩვენებლების საფუძველზე გამოიკვეთა ხუთი ყველაზე მსხვილი საწარმო, რომლებიც საქართველოში სწრაფი კვების სექტორში ლიდერ პოზიციებს იკავებენ.

• შპს იბერია ფუდ კომპანი
• შპს ვ-ჯეო რესტორნები
• შპს თ და კ რესტორნები
• შპს დან ჯორჯია
• შპს ხარება

(სია არ არის დალაგებული რეიტინგის მიხედვით)

შპს იბერია ფუდ კომპანი - რეგისტრაციის თარიღია 22/05/2013. კომპანიის 100%-იანი წილის მფლობელია ოთარი ქათამაძე, ხოლო დირექტორი - ნიკოლოზ ცეცხლაძე.

შპს ვ-ჯეო რესტორნები - რეგისტრაციის თარიღია 21/07/2020. კომპანიის 50%-იანი წილის მფლობელია ლევან ფხაკაძე, 50%-ის სამსონ ფხაკაძე. კომპანიის დირექტორია გივი გვეტაძე.

შპს თ და კ რესტორნები - რეგისტრაციის თარიღია 16/12/1997. კომპანიის 90%-იანი წილის მფლობელია თემურ ჭყონია, ხოლო 10%-ის თენგიზ კაპანაძე. კომპანიის პრეზიდენტია თემურ ჭყონია, გენერალური დირექტორი კი თენგიზ კაპანაძე.

შპს დან ჯორჯია - რეგისტრაციის თარიღია 20/07/2020. კომპანიის 100%-იანი წილის მფლობელია გლობალ ინვესტორს ლიმიტედ, ხოლო დირექტორი გივი გვეტაძე.

შპს ხარება - რეგისტრაციის თარიღია 21/02/2019. კომპანიის 100%-იანი წილის მფლობელი და დირექტორი არის რამაზ ხარებავა.