წელს Sugar Free-ს სააღდგომო პასკების ასორტიმენტი 3 სახეობისგან შედგება , -ამის შესახებ Business Insider Georgia-ს კომპანიის გენერალურმა მენეჯერმა, თამარ ეზიეშვილმა განუცხადა.

როგორია თქვენი სააღდგომო პასკების ასორტიმენტი წელს და რა სიახლეებს სთავაზობთ მომხმარებელს?

წელს, Sugar Free-ს სააღდგომო პასკების ასორტიმენტი 3 სახეობის პასკისგან შედგება:

• კლასიკური პასკა უშაქრო შოკოლადით, რომელიც სტევიაზეა დამტკბარი;

ორი უგლუტენო და კეტო-მეგობრულ პასკა:

• ნუშის ფქვილზე და სტევიაზე დამზადებული;

• ხაჭოს პასკა სტევიაზე, უშაქრო შოკოლადითა და ფისტით.

არის თუ არა პასკები მორგებული სხვადასხვა კვებით საჭიროებაზე (უშაქრო, ვეგანური და ა.შ.)?

ჩვენი ყველა პასკა დამზადებულია 100%-ით ნატურალური შაქრის შემცვლელის გამოყენებით. ამასთნ, ასორტიმენტში გვხვდება ორი უგლუტენო და დაბალ ნახშირწყლოვანი პასკა, რაც იდეალურია გლუტენის აუტანლობის თუ დიაბეტის მქონე ადამიანებისთვის.

კატეგორიაში ასევე გვაქვს ულაქტოზო პასკაც.

რაც მთავარია, შაქრის ბაზაზე დამზადებული პასკებისგან განსხვავებით, უშაქრო პასკები გაცილებით დაბალ კალორიულია.

რა გამოარჩევს თქვენს პასკებს როგორც გემოს, ისე ინგრედიენტების თვალსაზრისით?

Sugar Free-ში ვიყენებთ უმაღლესი ხარისხის ნედლეულს, რომლის შემადგენლობაც და ენერგეტიკული ღირებულებაც სისტემატურად მოწმდება. ყოველთვის ვუსმენთ მომხმარებლებს და მაქსიმალურად ვითვალისწინებთ მათ მოთხოვნებსა თუ გემოვნურ თავისებურებებს, ყოველი ახალი პროდუქტის შექმნისას ვცდილობთ რომ გემო არათუ მიახლოვებული იყოს სტანდარტული ნამცხვრის გემოსთან, არამედ უკეთესი ალტერნატივა შევთავაზოთ მომხმარებლებს არა მხოლოდ შემადგენლობის, არამედ გემოს თვალსაზრისითაც.

რა ფასის დიაპაზონშია წარმოდგენილი პასკები და რა ზომის/ფორმატის არჩევანია ხელმისაწვდომი?

წელს, 180 - 600 გრ. პასკებს ვთავაზობთ მომხმარებმებს, რომლის ფასიც 21.95 - 47.95 ლარამდე მერყეობს.

როგორია მომხმარებლის მოთხოვნა - რომელი ტიპის პასკებია ყველაზე პოპულარული?

სიმართლე გითხრათ, "პოპულარულის"გამორჩევა რთულია, რადგან მოთხოვნა თითქმის თანაბარია სამივეს შემთხვევაში.

ცნობისთვის, კომპანია ადგილობრივ ბაზარზე დაახლოებით 4 წელია ოპერირებს და ორი ფილიალი აქვს - ა. ყაზბეგის გამზირი 30 და დიმიტრი მირცხულავას 6-ში.