საწარმოები, სადაც 2025 წლის მეოთხე კვარტალში ყველაზე მსხვილი ინვესტიციები განხორციელდა „იგლ ჰილს საქართველოც“ მოხვდა, რაც იმას ნიშნავს, რომ იგლ ჰილს საქართველო იმ საწარმოების TOP 10-შია, სადაც ყველაზე მსხვილი ინვესტიციები განხორციელდა.

აღნიშნულის შესახებ ინფორმაცია Business Insider Georgia-მ საქსტატიდან გამოითხოვა. 

TOP 10 კომპანია ყველაზე მსხვილი ინვესტიციებით - მეოთხე კვარტლის სტატისტიკა:

• სს ვისოლ პეტროლიუმ ჯორჯია
• შპს ტავ ურბან საქართველო
• შპს ქართული ცემენტი
• სს საქართველოს კაპიტალი
• შპს სილქ როუდ გრუპ ჰოლდინგ
• შპს იგლ ჰილს საქართველო
• შპს აი ჯი დეველოფმენტ ჯორჯია
• სს ბიჯეო ჯგუფი
• სს თენმარ კაპიტალ
• შპს სოკარ მიდსთრიმ ოპერეიშენს - საქართველოს ფილიალი

შენიშვნა: საწარმოები არ არის დალაგებული რეიტინგის მიხედვით. 

წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2025 წლის IV კვარტალში 391.7 მლნ. აშშ დოლარი შეადგინა, რაც 2024 წლის IV კვარტლის დაზუსტებულ მონაცემებზე 2.3 პროცენტით ნაკლებია. კლება განპირობებულია სავალო ვალდებულებების მაჩვენებლის შემცირებით.

წინასწარი მონაცემებით 2025 წლის მეოთხე კვარტალში პირველ ადგილზეა გაერთიანებული სამეფო 202.3 მლნ. აშშ დოლარით, რაც მთლიანი პირდაპირი უცხოური ინვესტიციების 51.6 პროცენტს შეადგენს, მეორე ადგილზე იმყოფება მალტა 76.8 მლნ. აშშ დოლარით (19.6 პროცენტი), ხოლო მესამეზე აზერბაიჯანი - 38.7 მლნ. აშშ დოლარით (9.9 პროცენტი). სამი უმსხვილესი ინვესტორი ქვეყნის წილი ინვესტიციების მთლიანი მოცულობის 81.1 პროცენტს შეადგენს.