m³ საბურთალოს პროექტში კომერციულ ფართებზე 15%-მდე ფასდაკლება გვაქვს, - ამის შესახებ გადაცემა „იმედის დილაში“ რუბრიკა Business Insider Georgia-ში სტუმრობისას m²-ის გაყიდვების დეპარტამენტის ხელმძღვანელმა მარიტა კიკნაძემ განაცხადა. მისი თქმით, ახლა საკმაოდ კარგი პერიოდია კომერციული ფართების შესაძენად.

„შეთავაზების ფარგლებში, m³ საბურთალოს უბანში კომერციული ფართების შეძენა 15%-მდე ფასდაკლებითაა შესაძლებელი. ცოტას პროექტის შესახებაც მოგიყვებით - ინოვაციური უბანი მარშალ გელოვანის გამზირსა და ბაქრაძის ქუჩებს შორის მდებარეობს და 13 ჰექტარ მიწის ნაკვეთზეა განთავსებული, უბანი საცხოვრებელ ზონასთან ერთად მოიცავს საგანმანათლებლო, სპორტულ, სარეკრეაციო და გასართობ ინფრასტრუქტურას. პროექტი ჯამში 6 ფაზას მოიცავს და 14 კორპუსიდან 10 კორპუსის მშენებლობა უკვე დასრულებულია. კომერციული ფართები გვაქვს როგორც დასრულებულ, ასევე მშენებარე კორპუსებში“, - აცხადებს კომპანიის გაყიდვების ხელმძღვანელი.

მისივე თქმით, კომპანიის შეთავაზება საკმაოდ მომგებიანი ვარიანტია იმიტომ, რომ პროექტი 8000-მდე მუდმივ მაცხოვრებელს გააერთიანებს.

„პროექტის მასშტაბურობიდან და მაცხოვრებლების სიმრავლიდან გამომდინარე, აქ კომერციული ფართის შეძენა, ვფიქრობ, ურისკო გადაწყვეტილებაა და შესაბამისად, მოთხოვნაც საკმაოდ დიდია, ამ ეტაპზე ფართების 80%-მდე უკვე გაყიდულია. უბანში იცხოვრებს 8000-მდე მაღალმსყიდველუნარიანი ადამიანი და კიდევ უფრო მეტი იმოძრავებს, შესაბამისად, მათ ნებისმიერი ტიპის მომსახურება დასჭირდებათ, რაც იმას ნიშნავს, რომ ნებისმიერი ტიპის ბიზნესი წარმატებით იმუშავებს - აფთიაქი, სუპერმარკეტი, სილამაზის სალონი, ბავშვთა გასართობი სივრცე, კაფე, ლაბორატორია, წიგნების მაღაზია და ა.შ“, - განმარტავს  კომპანიის გაყიდვების ხელმძღვანელი.