ამიერიდან რძის რძის ლაბორატორია - Milk Laboratory საკუთარ ფიზიკურ მაღაზიაშიც გაყიდის. კომპანიამ პირველი ბრენდირებული მაღაზია თბილისში, ვაჟა-ფშაველას 71 ნომერში გახსნა. რძის ლაბორატორიის პროდუქციის შეძენა შესაძლებელია ასევე ონლაინ – "ვოლტის" და "გლოვოს" აპლიკაციების საშუალებით.

გასულ წელს, გაყიდვების კიდევ უფრო მეტად გააქტიურებისთვის, რძის ლაბორატორიამ საკუთარ ვებგვერდზე – www.milklab.ge – ონლაინ გაყიდვები დაამატა.

„ასორტიმენტს დავამატეთ ჩვენივე პროდუქციით დამზადებული ჯანსაღი ხაჭოს დესერტი „სიროკი“. სამომავლოდ სხვა დესერტების დამატებასაც ვაპირებთ“, – განაცხადა Business Insider Georgia-სთან რძის ლაბორატორიის ბიზნესის განვითარების მენეჯერმა მარიამ ჭუბაბრიამ.

მზარდი მოთხოვნის ფონზე, რძის ლაბორატორია მუშაობს ასევე ახალი საწარმოს გაფართოებაზე.

რძის ლაბორატორიის ასორტიმენტი შედგება 30-მდე სახეობის რძის პროდუქტისგან, რომელიც იყიდება "კარფურის" დიდ სუპერმარკეტებში, "ბლაუნშტაინში", "წისქვილის ბაზარში" და "გუდვილში". დღევანდელ მდგომარეობაში, რძის ლაბორატორია თავისი ტექნოლოგიებით, ჯანსაღი ნედლეულის მოხმარებითა და შესაბამისად – ჯანსაღი პროდუქციის გამოშვებით – ბაზარზე მართლაც რომ უკონკურენტოა.

რძის ლაბორატორია არის ყვარლის ბაგას პარტნიორი კომპანია, რომელიც 2019 წლიდან ფუნქციონირებს. აღსანიშნავია, რომ ყვარლის ბაგა ამიერკავკასიაში ყველაზე დიდი ფერმაა, 2000-ზე მეტი ჰოლშტეინის ჯიშის ძროხით და დაკომპლექტებულია საუკეთესო აღჭურვილობით.

რძის ლაბორატორიის პროდუქცია მზადდება მხოლოდ ყვარლის ბაგას უმაღლესი ხარისხის ნამდვილი რძისგან – ყოველგვარი ფხვნილის, დანამატის თუ კონსერვანტის გარეშე. კომპანიას გააჩნია ISO-ს სერტიფიკატი და HACCP-ის ევროპული სტანდარტები.

საცალო გაყიდვების გარდა, რძის ლაბორატორია თანამშრომლობს ცნობილ ბრენდებთან, როგორიცაა Samzeo Hotels, "სკა", "სმარტი", "პარაგრაფი" და სხვ.