“გაბილდი ჯგუფი” აგრძელებს განვითარების გზას და ახალ ეტაპზე გადადის – კომპანიამ ოფიციალურად წარადგინა პრემიუმ ავეჯის ბრენდი Norde, - ამის შესახებ, Business Insider Georgia - ს Gabuild Group-ის მარკეტინგის ხელმძღვანელმა მარიამ ჯმუხაძემ განუცხადა. 

“გაბილდი ჯგუფი” აგრძელებს განვითარების გზას და ახალ ეტაპზე გადადის – კომპანიამ ოფიციალურად წარადგინა პრემიუმ ავეჯის ბრენდი Norde, რომელიც მომხმარებლებს სთავაზობს დახვეწილ დიზაინს, ფუნქციურობასა და ესთეტიკის ახალ ხედვას. Norde შეიქმნა იმ იდეით, რომ სახლის სივრცე მხოლოდ ავეჯი კი არა, ცხოვრების სტილია. თითოეული ელემენტი აერთიანებს ოსტატობას, ხარისხს და ინოვაციურ დიზაინს, რაც ინტერიერს ანიჭებს ელეგანტურობასა და ბუნებრივ ჰარმონიას.

ბრენდის კონცეფცია შთაგონებულია ევროპული ტენდენციით, ინტეგრირებული შოურუმების მოდელით, სადაც კარი და ავეჯი ერთიანადაა წარმოდგენილი. ევროპაში ეს მიდგომა სწრაფად ხდება ტრენდული, რადგან მომხმარებელს აძლევს შესაძლებლობას, ერთ სივრცეში დაინახოს სრულად გათვლილი ინტერიერის ჰარმონია - ფერები, ფაქტურები და ფორმები ერთ მთლიანობაში. სწორედ ამ მიდგომის ინსპირაციით Gabuild Group-მა გადაწყვიტა პრემიუმ ავეჯის მიმართულების გაერთიანება უკვე არსებულ ეკოსისტემაში, რომელიც მოიცავს „გაბილდის“ შოურუმებსა და Profildoors-ის ოფიციალურ წარმომადგენლობას საქართველოში.

Norde-ს ავეჯის კოლექციები ხასიათდება ბუნებრივი მასალებით, რბილი ფორმებითა და მინიმალისტური ესთეტიკით. ეს არის ავეჯი, რომელიც სივრცეს ამშვენებს და ქმნის ცხოვრების ახალ სტილს, კომფორტთან ერთად.

„Norde სრულად ერგება Gabuild Group-ის ფილოსოფიას - ხარისხი, ესთეტიკა და კომფორტი ერთ სივრცეში. ჩვენი მიზანია მომხმარებელს შევთავაზოთ სრულფასოვანი დიზაინ-გამოცდილება, სადაც ყოველი დეტალი მნიშვნელოვანია,“ - აცხადებს Gabuild Group-ის მარკეტინგის ხელმძღვანელი მარიამ ჯმუხაძე.

აღსანიშნავია, რომ Gabuild Group - ი აერთიანებს სამ მსხვილ მიმართულებას:

• Gabuild doors - მულტიბრენდული კარების შოურუმი 3 ფილიალით, თბილისსა და ბათუში;

• Profildoors by Gabuild Group - პრემიუმ კლასის კარის შოურუმს, აღმაშენებლის ხეივანზე, ბრენდის ოფიციალური წარმომადგენლობა საქართველოში, ექსკლუზიური დიზაინის კარით;

• Norde by Gabuild Group - პრემიუმ ავეჯის ბრენდი, რომლის შოურუმიც სულ რამდენიმე დღის წინ გავხსენით თბილისში, გამრეკელის #19-ში.