ქართული სადაზღვევო კომპანია Magnus Insurance Brokers-ის აღმასრულებელი დირექტორი მაია კახიანი მიმდინარე სიახლეებსა და სამომავლო გეგმებზე Business Insider Goergia-ს ესაუბრა. 

„ჩვენი მიზანია მომხმარებლებისთვის დაზღვევა მაქსიმალურად მარტივი, ხელმისაწვდომი და მოსახერხებელი გავხადოთ. ვგეგმავთ მუშაობის დაწყებას მობილურ აპლიკაციაზე, რომელიც მომხმარებელს საშუალებას მისცემს დაზღვევა შეიძინოს სწრაფად და კომფორტულად. 

მაისში ხელი მოვაწერეთ თანამშრომლობის მემორანდუმს კომპანია Strada Motors-თან. ჩვენს მომხმარებლებს ექნებათ ექსკლუზიური პირობები  მათ მიერ წარმოდგენილ საავტომობილო ბრენდებზე “, - ამბობს კომპანიის აღმასრულებელი დირექტორი მაია კახიანი.

მიმდინარე წელს კომპანიაში დაინერგა მწვანე ბარათის ელექტროუნული წესით გაცემის პროცესი.  

„2025 წლიდან დაინერგა მწვანე ბარათის (საზღვარგარეთის ქვეყნებში მოქმედი სავალდებულო დაზღვევის) ელექტრონული გაცემის პროცესი. ეს განსაკუთრებით კომფორტულია მათთვის, ვინც ქვეყნის გარეთ იმყოფება და სჭირდება აღნიშნული დაზღვევის სახეობა.

ჩვენ ვაერთიანებთ საქართველოს ბაზრის წამყვან სადაზღვევო კომპანიებს ერთ სივრცეში, რაც მომხმარებლებს აძლევს არჩევანის თავისუფლებას და ოპტიმალური გადაწყვეტილების მიღების შესაძლებლობას “, - აცხადებს კომპანიის აღმასრულებელი დირექტორი მაია კახიანი.

ცნობისთვის, კომპანიის გუნდი შედგება პროფესიონალი კადრებისაგან, რომლებმაც წლების განმავლობაში დააგროვეს საკმაოდ დიდი გამოცდილება სადაზღვევო სფეროში. გუნდი არის ორიენტირებული მომხმარებლის კმაყოფილებაზე და გრძელვადიან ურთიერთობაზე.