ტავ ჯორჯიას ინვესტიციით, თბილისის საერთაშორისო აეროპორტის აეროდრომზე, ფრენების სახანძრო უზრუნველყოფის სამსახურის შენობა გაფართოვდა

ბიზნესი

ტავ ჯორჯიას ინვესტიციით, თბილისის საერთაშორისო აეროპორტის აეროდრომზე, ფრენების სახანძრო უზრუნველყოფის სამსახურის შენობა გაფართოვდა

02.12.2025.14:01

ტავ ჯორჯიას ინვესტიციით, თბილისის საერთაშორისო აეროპორტის აეროდრომზე, 40%-ით გაფართოვდა ფრენების სახანძრო უზრუნველყოფის სამსახურის შენობა. განახლებული ნაგებობა 1000 მ2 ფართობს მოიცავს და სახანძრო უსაფრთხოების სამსახურთან ერთად ამ ტერიტორიაზე განთავსებულია სამეთვალყურეო კოშკურა, საავარიო ოპერატიული ცენტრი, სასწავლო ცენტრი, საწყობი, ოფისები და სხვა.

აეროდრომის ტერიტორიაზე არსებული შენობის რეკონსტრუქციის საჭიროება მას შემდეგ გაჩნდა, რაც თბილისის საერთაშორისო აეროპორტის ფრენების სახანძრო უზრუნველყოფის სამსახურს ICAO-ს სტანდარტით მე-9 კატეგორია მიენიჭა. ამ ცვლილების შედეგად გაიზარდა მეხანძრე-მაშველების რაოდენობა და დადგა მათთვის დამატებითი კომფორტისა და ხარისხიანი სამუშაო პირობების შექმნის საჭიროება.

აღსანიშნავია, რომ ICAO (საერთაშორისო სამოქალაქო ავიაციის ორგანიზაცია) აეროდრომების სახანძრო-სამაშველო მზადყოფნას სულ 10 კატეგორიით აფასებს. ეს კატეგორიები იმ საჰაერო ხომალდების ზომითა და ტიპებით განისაზღვრება, რომლებსაც აეროპორტი ემსახურება.

მე-9 კატეგორია, რომელსაც თბილისის საერთაშორისო აეროპორტის ფრენების სახანძრო უზრუნველყოფის სამსახური აკმაყოფილებს, მაღალი კლასის საჰაერო ხომალდებს მოიცავს (B777, B787, A350 და მსგავსი ტიპები). ეს კატეგორია მეხანძრე-მაშველების რაოდენობის გაზრდასთან ერთად მოითხოვს მაღალი ტევადობის სახანძრო მანქანებს, უმოკლეს დროში რეაგირების შესაძლებლობას, დამატებით ინფრასტრუქტურას, ტექნიკასა და ოპერატიულ სივრცეს. ტავ ჯორჯიამ ბოლო 1 წლის განმავლობაში ეს ყველაფერი ეტაპობრივად უზრუნველჰყო. მათ შორის, განაახლა ფრენების სახანძრო უზრუნველყოფის სამსახურის ავტოპარკიც და შეიძინა სრულიად ახალი, სწრაფი რეაგირების სახანძრო უსაფრთხოების საერთაშორისო სტანდარტებით აღჭურვილი სახანძრო-სამაშველო მანქანა. ამ ეტაპისთვის აღნიშნული სამსახური დაკომპლექტებულია სათანადოდ აღჭურვილი 4 ერთეული ძირითადი და 3 ერთეული დამხმარე სახანრო-სამაშველო ავტომობილით.

როგორია ნიადაგი ჯგუფის მიმდინარე საქმიანობა და მომავლის ხედვა - ინტერვიუ კომპანიის დირექტორთან 02.12.2025.14:00

VR Krtsanisi Resort Residence-ში მაღალი კლასის რესტორანი „მარანი“ გაიხსნა 02.12.2025.12:00

თიბისიმ გაეროს გლობალური შეთანხმების სამი ჯილდო მოიპოვა 02.12.2025.11:48