თევზის, ძაღლისა და კატის ნატურალური საკვები პროდუქტების ბრენდმა TaoFood - მა მომხმარებელს პროდუქციის ახალი ხაზი შესთავაზა. ამის შესახებ, Business Insider Georgia -ს კომპანიის მმართველმა მენეჯერმა, ბექა მჭედლიშვილმა განუცხადა.

„დავამატეთ სამი ახალი პროდუქტი პრემიუმ ხაზში: ორი, ზრდასრული ძაღლებისთვის (ერთი საქონლის ხორცით, ერთი ქათმის ხორცით), ხოლო მესამე სტერილური კატის საკვები, რომელიც პირველად საქართველოში ჩვენი ინიციატივით იწარმოება.

გარდა ამისა, გავხსენით ფიზიკური ფილიალი, სადაც მომხმარებლებს შეუძლიათ შეიძინონ როგორც ძაღლების, ასევე კატებისა და ლეკვების პროდუქტები “, - ამბობს ბექა მჭედლიშვილი.

მომხმარებლების მხრიდან მოთხოვნა და ინტერესი TaoFood - ის პროდუქციის მიმართ მზარდია.

„მოთხოვნა ყოველდღიურად იზრდება, ქართულ პროდუქტებზე ინტერესმა მკვეთრად იმატა. ჩვენს სოციალურ ქსელებში უფრო მეტი შეტყობინება შემოდის: მომხმარებლები აქტიურად კითხულობენ პროდუქციის შემადგენლობებს და სურთ დარწმუნდნენ ხარისხში. სრული ინფორმაციის მიწოდების შემდეგ, ბევრი მათგანი იღებს გადაწყვეტილებას და ყიდულობს ჩვენს პროდუქტებს. შედეგად, გაყიდვებმა წინა წელთან შედარებით 30–40%-ით მოიმატა, ხოლო მომდევნო წელს კიდევ უფრო დიდ ზრდას ველოდებით “, - აღნიშნავს მმართველი მენეჯერი.

კომპანია სამომავლოდ ასროტიმენტის ზრდას და ახალი ფილიალის დამატებას გეგმავს.

სამომავლოდ ვგეგმავთ ქსელურ გაფართოებას, ასევე დამატებითი ფილიალის გახსნას გაზაფხულის პერიოდში. გვსურს თბილისის გარკვეული რაიონების ათვისება.

ხარისხის მიმართულებით ყოველდღიურად ვმუშაობთ: მომხმარებლების უკუკავშირისა და ჩვენი გამოცდილების საფუძველზე ვახდენთ პროცესების დახვეწას. ასევე, ვგეგმავთ პროდუქციის ასორტიმენტის გაფართოებას, რათა არჩევანი მრავალფეროვანი იყოს “, - აცხადებს ბექა მჭედლიშვილი.

ცნობისთვის, TaoFood - ის ახალი ფილიალი ნუცუბიძის ქუჩაზე, 95 ნომერში მდებარეობს.