საახალწლოდ მომხმარებლებისთვის შევქმენით ქართული ნობათის ბოქსები, რომლებიც სხვადასხვა ქართულ პროდუქტს აერთიანებს , - ამის შესახებ Business Insider Georgia-ს ღვინის მწარმოებელი კომპანია „ველეულას“ ბრენდის მენეჯერმა, ნინო მღებრიშვილმა განუცხადა.

„წინა საახალწლოდ მომხმარებლებისთვის შევქმენით ქართული ნობათის ბოქსები, რომლებიც მოიცავს ქართულ პროდუქტებს: რაჭულ ლორს, ქართულ ჩირს, ჩურჩხელას და ჩვენს ღვინოს. ღვინოს მომხმარებელი ჩვენი ასორტიმენტიდან ირჩევს. შესაძლებელია როგორც 1.5-ლიტრიანი, ისე 750 მლ-იანი ბოთლის არჩევა.

750 მლ-იანი ღვინით დაკომპლექტებული ბოქსები განსაკუთრებით საინტერესოა კორპორატიული კლიენტებისთვის. ეს ძალიან კარგი სასაჩუქრე ნაკრებია და ფასიც ხელმისაწვდომია - 750 მლ-იანი ბოქსი 48 ლარი ღირს.

გარდა ამისა, მომხმარებლებს შევთავაზებთ ფასდაკლებებს, გვექნება 99-ლარიანი სეტები ჩვენი ღვინოებით. ეს შეთავაზება გამოქვეყნდება ჩვენს სოციალურ ქსელში და ვებგვერდზე.

4 დეკემბერს მონაწილეობა მივიღეთ ადამიანები ბიზნესის უკან - „გაყიდვების ასოციაციის“ ბიზნეს ფორუმში, რომელიც წლის შემაჯამებელი ღონისძიებაა და ბიზნეს სექტორის წარმომადგენლებს შორის კომუნიკაციისა და კონტაქტების გაძლიერებას ისახავს მიზნად. მრავალ ადამიანს გავაცანით ჩვენი პროდუქცია. ბოქსებმა დიდი ინტერესი გამოიწვია და კორპორატიულ შეკვეთებზე მოთხოვნაც გაიზარდა “, - აცხადებს ნინო მღებრიშვილი.

„ველეულა“, უახლოეს პერიოდში ახალი ღვინის ჩამოსხმას გეგმავს.

„ახლა ისხმება ჩვენი ერთ-ერთი ახალი ღვინო - ნახევრად მშრალი, რაჭული თეთრასა და რაჭული მწვანისგან დაყენებული, მაღალმჟავიანი, დასავლეთის ცინცხალი არომატებით და არის ძალიან გემრიელი. წინა ჩამოსხმამ დიდი მოწონება დაიმსახურა და სრულად გაიყიდა. მალე ახალი პარტია ჩამოისხმება და ისევ დაემატება ჩვენს ასორტიმენტს.

ასევე, ახალი ჩამოსხმის სახით გვექნება „უსახელაური“ და რაჭული მშრალი წითელი ღვინო, ასევე სხვა ყველა დანარჩენი ღვინო “, - აცხადებს „ველეულას“ ბრენდის მენეჯერი.

ცნობისთვის: კორპორატიული შეკვეთებით დაინტერესებულ პირებს შეუძლიათ დაკავშირება შემდეგ საკონტაქტო ნომრებზე: 598424250, 555181000 ან ელექტრონული ფოსტის გამოყენება: Veleulawine@gmail.com.