სატრანსპორტო-ლოჯისტიკური კომპანია Aramex Georgia და ბრიტანული კომპანია Navi Ltd (UK Georgian Trade Hub) 20 აგვისტოს, 17:00 საათზე, თანამშრომლობის მემორანდუმს გააფორმებენ. ეს ექსკლუზიური პარტნიორობა მიზნად ისახავს ქართული ღვინის პოზიციების გამყარებას საერთაშორისო ბაზარზე, განსაკუთრებით კი დიდ ბრიტანეთში.

ღონისძიება, რომელიც სპეციალურად ქართველი მეღვინეებისთვის იმართება, მიზნად ისახავს მათთვის ახალი საექსპორტო არხებისა და ლოჯისტიკური მხარდაჭერის გაცნობას.

ღონისძიების ფარგლებში ქართველ მეწარმეებს გააცნობენ შემდეგ საკითხებს: ბრიტანული ბაზრის მიმდინარე ტენდენციები და სიახლეები; ბაზრის მოცულობა და განვითარებადი სეგმენტები; ბრიტანული ღვინის ბაზრის ტენდენციები და გამოცდილება ქართული ღვინის კომპანია Wet Dog გამოცდილებით. ღონისძიების ფარგებში ღვინის მწარმოებელი კომპანიებისთვის მიწოდებული იქნება ასევე შემდეგი სახის ინფორმაცია: CWC – საერთაშორისო კონკურსის უპირატესობები, რეგისტრაცია და ლოჯისტიკა; ექკლუზიური ლოჯისტიკური პარტნიორი - Aramex Georgia; ეფექტური მიწოდების სქემა და პრაქტიკული რჩევები დროული ტრანსპორტირებისთვის; ხარჯების ოპტიმიზაცია და დროული ტრანსპორტირება; ბრიტანეთში საექსპორტო პარტნიორობის შეთავაზება – NAVI Ltd-ის ქსელი და გაყიდვების არხები.

აღნიშნული შეხვერის სპიკერები კი არიან: 

• მაკო აბაშიძე – ბრიტანულ ქართული სავაჭრო პალატის დამფუძნებელი / NAVI Ltd დირექტორი
• ლიკა უსეინაშვილი – Aramex Georgia-ს გენერალური დირექტორი
• ირაკლი ჩოლობარგია – Wet Dog ღვინის კომპანიის დამფუძნებელი
• მონაწილეობა უფასოა, თუმცა ადგილები შეზღუდულია.

როგორც ცნობილია, საერთაშორისო გადაზიდვების გლობალური ბრენდი „Aramex“-ი უკვე 12 წელია წარმატებით ოპერირებს საქართველოს ბაზარზე და აქტიურად უჭერს მხარს ქართველ ექსპორტიორებსა თუ იმპორტიორებს. სწორედ ამ მისიის გაგრძელებაა „Navi Ltd“-თან გაფორმებული ახალი შეთანხმება.

რაც შეეხება ბრიტანულ კომპანია Navi Ltd-ს ის საიმპორტო-სადისტრიბუციო კომპანიაა, რომელიც  21 წლის უკან ბრიტანეთში მცხოვრები ქართველების მიერ დაფუძნდა. 

დაინტერესებულ პირებს ღონისძიების შესახებ დეტალური ინფორმაციის მიღება და რეგისტრაცია შეუძლიათ შემდეგ ბმულზე: https://forms.gle/Sj1o9Ux6aPVMNWds7

აღსანიშნავია, რომ 2025 წლის პირველ ნახევარში საქართველომ გაერთიანებულ სამეფოში 753.0 ათასი დოლარის ღირებულების 149 733 ლიტრი ღვინო გაიტანა ექსპორტზე. 2024 წლის ანალოგიურ პერიოდში ეს მაჩვენებელი კი 182 574 ლიტრის დონეზე იყო. შესაბამისად წლიურ ჭრილში საქართველოდან გაერთიანებულ სამეფოში ყურძნის ნატურალური ღვინოების ექსპორტი %-ითაა შემცირებული. 18%-ითაა შემცირებული.