შეთავაზება, რომელსაც Georgian Bus, Omnibus და Metro Georgia ქუთაისის საერთაშორისო აეროპორტის მგზავრებს სთავაზობენ - UAG-მ პარტნიორებთან ერთად საახალწლო კამპანია დაიწყო
საახალწლო პერიოდისთვის საქართველოს სამ წამყვან საავტობუსო ოპერატორს: Georgian Bus-ს, Omnibus-სა და Metro Georgia-ს ქუთაისის საერთაშორისო აეროპორტის მგზავრებისთვის განსაკუთრებული ფასდაკლების შეთავაზებები აქვს. ეს ნაბიჯი ნაწილია იმ კამპანიისა, რომელსაც ქუთაისის საერთაშორისო აეროპორტი პარტნიორ კომპანიებთან ერთად ახორციელებს. კამპანიის მიზანია საახალწლო პერიოდში მგზავრობის და ზოგადად მოგზაურობა უფრო ხელმისაწვდომი და კომფორტული გახდეს.
Georgian Bus 25 დეკემბრიდან 2 იანვრის ჩათვლით ქუთაისის საერთაშორისო აეროპორტების მგზავრებისთვის უზრუნველყოფს 20%-იან ფასდაკლებას სპეციალური პრომო კოდით HAPPYBUS2026.
Omnibus ასევე სთავაზობს მგზავრებს 20%-იან ფასდაკლებას, აქტივაციისთვის საჭიროა პრომო კოდის OMNIBUS2026 გამოყენება. შეთავაზება 25 დეკემბრიდან 2 იანვრის ჩათვლით მოქმედებს.
Metro Georgia 22 დეკემბრიდან 31 დეკემბრამდე ქუთაისის საერთაშორისო აეროპორტის მგზავრებს სპეციალურ ტარიფს სთავაზობს ბილეთებზე, რომლის ფარგლებშიც თითო ბილეთის ფასი 20₾-ს შეადგენს.
როგორც ქუთაისის საერთაშორისო აეროპორტის მომსახურე კომპანიებში აცხადებენ, აღნიშნული ფასდაკლება საშუალებას აძლევს მგზავრებს საახალწლო პერიოდში უფრო სწრაფად და იაფად გადაადგილდნენ.
დღის ტოპ 10 სიახლე
სხვა სიახლეები
ღვინის წარმოებით დაკავებული TOP 5 საწარმო
24.12.2025.19:00
საქართველო ღვინის წარმოების კუთხით ოდითგანვე განთქმული ქვეყანაა და ქართულ ღვინოზე მოთხოვნა მზარდია. საინტერესოა ვინ არიან დარგის ლიდერები.
Business Insider Georgia გთავაზობთ საქსტატის მონაცემებზე დაყრდნობით შედგენილ 2025 წლის მესამე კვარტლის ბრუნვის მიხედვით ღვინის მწარმოებელი კომპანიების top 5.
(სია არ არის დალაგებული რეიტინგის მიხედვით)
საინტერესოა, ვინ არიან ლიდერი კომპანიების მფლობელები.
სს ბადაგონი - კომპანიის რეგისტრაციის თარიღია 15/10/2003. მისი გენერალური დირექტორია მარინა გიორგაძე.
შპს Bolero & Company - კომპანიის რეგისტრაციის თარიღია 14/11/2012. მისი გენერალური დირექტორია ირაკლი ბექაური, ხოლო დირექტორი - დავით ბოჭორიშვილი. კომპანიის 100%-იანი წილის მფლობელია ვახტანგ კარიჭაშვილი.
შპს ასკანელი ძმები - კომპანიის რეგისტრაციის თარიღია 11/06/1998. მისი დირექტორია ირაკლი უგლავა. კომპანიის 45%-იან წილს ფლობს ასკანელი ვაინერი & დისტილერი, ხოლო 55%-ს გოჩა ჩხაიძე.
შპს დუგლაძეების ღვინის კომპანია - კომპანიის რეგისტრაციის თარიღია 08/09/2004. მისი გენერალური დირექტორია დავით დუგლაძე. კომპანიის 25.66%-იანი წილის მფლობელია ალექსანდრე ივანიშვილი, 25.68% -ს ზაალ დუგლაძე ფლობს, 25.66%-ს დავით დუგლაძე, ხოლო დარჩენილ 23%-ს შპს აისი ინკ.
შპს მოსავლის მართვის კომპანია - რეგისტრაციის თარიღია 04/08/2020. კომპანიის 100%-იანი წილის მფლობელია სახელმწიფო, მმართველი საჯარო სამართლის იურიდიული პირი ღვინის ეროვნული სააგენტო, ხოლო დირექტორია პაატა ჭავჭანიძე.
„ჰილს კონსტრაქშენი“ ვაშლიჯვარში „კომფორტ ჰილსის“ პროექტს ახორციელებს - მხარდამჭერი საქართველოს ბანკია
24.12.2025.18:56
ELT Group-ი 2025 წელს დინამიური ზრდით და საერთაშორისო პარტნიორობებით გამოირჩეოდა - 2026 წელს კი გეოგრაფიული გაფართოება და ინოვაციური პროექტები იგეგმება
24.12.2025.18:00
Roamingo-ს წინასაახალწლო აქცია ქუთაისის საერთაშორისო აეროპორტის მგზავრებისთვის - რას ითვალისწინებს კამპანია, რომელიც UAG-მ პარტნიორებთან ერთად დაიწყო
24.12.2025.17:00
