„წელს შეგვიძლია ვთქვათ, რომ ერთ-ერთი საუკეთესო სეზონი გვაქვს“, - აცხადებს შეკვეთილში მდებარე სასტუმრო „მირაჟის“ წარმომადგენელი ბარბარე მახარაძე.

მისი თქმით, ბოლო პერიოდში შეკვეთილი სწრაფი ტემპით ვითარდება და ერთ-ერთ წამყვან ზღვისპირა კურორტად ყალიბდება.

„შეკვეთილი წარმოადგენს ერთ-ერთ ყველაზე ახალგაზრდა და სწრაფად განვითარებად კურორტს შავი ზღვისპირეთში. ამ განვითარებას განაპირობებს ინფრასტრუქტურის გაუმჯობესება და მზარდი ცნობადობა, როგორც ქართველ, ისე უცხოელ ტურისტებში.

სასტუმრო „მირაჟი“ ბაზარზე უკვე 20 წელია ოპერირებს და პარალელურად ვითარდება შეკვეთილთან ერთად. ზაფხულის სეზონზე საკმაოდ დატვირთულები ვართ. ჩვენი სტუმრებისთვის ვქმნით კომფორტულ, სასიამოვნო და უსაფრთხო გარემოს. ორიენტირებული ვართ ძირითადად ოჯახებზე“, - აცხადებს ბარბარე მახარაძე.

მისივე თქმით, სასტუმრო „მირაჟი“ მოიცავს ორ დიდ საცხოვრებელ კორპუსს, სადაც განთავსებულია 70 ნომერი. კომპლექსში ფუნქციონირებს დიდი კაფე-ბარი, რესტორანი, სადღესასწაულო დარბაზი, სადაც შესაძლებელია როგორც დაბადების დღეების, ისე ქორწილების გამართვა.

„ასევე გვაქვს აუზი, ბავშვთა გასართობი სივრცე და დაახლოებით 1 ჰექტარზე გაშენებული დიდი ეზო, რომელიც სრულად ადაპტირებულია ბავშვებისთვის.

ჩვენი მთავარი მოტივაცია არის ერთგული სტუმრები, რომლებიც ყოველწლიურად გვიბრუნდებიან. მათთვის ზაფხული უკვე პირდაპირ ასოცირდება სასტუმრო ‘მირაჟთან’“, - ამბობს ბარბარე მახარაძე.

დასასვენებელი კომპლექსი „მირაჟი“ შავი ზღვის სანაპიროზე, დაბა შეკვეთილში მდებარეობს. ობიექტი ფუნქციონირებს 1996 წლიდან - თავდაპირველად სახელწოდებით „თეთრი იალქანი“, ხოლო 2004 წლიდან - სახელით „მირაჟი“.

დასასვენებელი კომპლექსი “მირაჟი” - შავი ზღვის სანაპიროზე, დაბა შეკვეთილში. ობიექტი 1996 წლიდან ფუნქციონირებდა “თეთრი იალქნის” სახელით, ხოლო 2004 წლიდან “მირაჟის” სახელწოდებით.

კომპლექსი მოიცავს ორი საცხოვრებელ კორპუსს სრული კომფორტით: ორადგილიანი და სამადგილიანი ნომრები ზღვის ხედით; ორ ოთახიანი, ოთხ ადგილიანი ნომრები საოჯახო დასვენებისთვის; ლუქსები და ნახევრად ლუქსები ზღვის ხედით; კვების ბლოკი დამსვენებლებისთვის;

რესტორანი, ბარი, ბუნგალო ზღვის სანაპიროზე; დარბაზები შეხვედრების, სემინარებისა და კონფერენციების მოსაწყობად; სარეპეტიციო დარბაზი ქორეოგრაფიული ჯგუფებისთვის; სპორტული მოედნები (მინი ფეხბურთი, ხელბურთი, ფრენბურთი, კალათბურთი); შემოღობილი, კეთილმოწყობილი ეზო; ბავშვთა სათამაშო მოედანი; საკუთარი, კეთილმოწყობილი სანაპირო; დაცული ავტოსადგომი.