სელფი მობაილი წარმატებით იმტკიცებს რეიტინგს BB-/Stable
ევროპის წამყვანმა საკრედიტო რეიტინგის სააგენტომ Scope Ratings, სელფი მობაილის საკრედიტო რეიტინგი განაახლა და კვლავ დაუდასტურა მაღალი შეფასება BB-/Stable. მოცემული შეფასება ასახავს კომპანიის ძლიერ ფინანსურ მონაცემებს, ეფექტურ ოპერირებას და საქართველოს ტელეკომ სექტორის მდგრადობას. Scope Ratings აღნიშნავს, რომ სელფი ინარჩუნებს სტაბილურ პოზიციას ბაზარზე, ჯანმრთელ მომგებიანობას და ზომიერ საკრედიტო ვალდებულებებს. რეიტინგის სტაბილური პერსპექტივა ეფუძნება მოლოდინს, რომ კომპანიის კონკურენტული პოზიცია და ფინანსური მდგრადობა შენარჩუნდება. რეიტინგის შეფასებაში ასევე ხაზგასმულია სელფის ქსელის განვითარების სწრაფი ტემპი და ინვესტიციები დაფარვისა და მომსახურების ხარისხის გაუმჯობესებაში.
„მოხარული ვარ, რომ Scope Ratings-მა კიდევ ერთხელ დაადასტურა სელფი მობაილის მაღალი საკრედიტო რეიტინგი. ეს შეფასება ასახავს იმ მიღწევებს, რომლებიც გვაქვს მომგებიანობის ზრდის, პროდუქტების გაფართოებული სპექტრის, ტექნოლოგიების განახლებისა და მომხმარებლისთვის უკეთესი გამოცდილების შექმნის მიმართულებით. ცალკე აღნიშვნის ღირსია ფინანსური რისკის მაჩვენებლის გაუმჯობესება, რაც გამოწვეულია როგორც ლევერიჯის შემცირებით, ისე კაპიტალის სტრუქტურის გაჯანსაღებით,“ - განაცხადა სელფის ფინანსურმა დირექტორმა, ირაკლი ჭედიამ. „ჩვენი ძლიერი საკრედიტო პოზიცია ქმნის შესაძლებლობას, მოვიზიდოთ ფინანსური რესურსი კიდევ უფრო ხელსაყრელი პირობებით ქვეყნის მასშტაბით ინფრასტრუქტურის განვითარებისთვის, რაც მომხმარებლისთვის ნიშნავს პირდაპირ სარგებელს, გაუმჯობესებული ქსელის სახით,“ დაამატა ირაკლი ჭედიამ.
Scope Ratings, ევროპის წამყვანი საკრედიტო რეიტინგის სააგენტოა, რომელიც რეგისტრირებულია ევროკავშირის რეიტინგების რეგულაციის თანახმად და ოპერირებს ევროკავშირში ECAI-ს სტატუსით. Scope Ratings, ერთადერთი ევროპული სარეიტინგო სააგენტოა, რომელიც დაშვებულია ევროპის ცენტრალური ბანკის მიერ ევროსისტემის საკრედიტო შეფასების ჩარჩოსთვის (ECAF).
დამატებითი ინფორმაციისთვის სელფის შესახებ, ეწვიეთ http://cellfie.ge; ასევე სელფის სოციალური მედიის არხებს:
დღის ტოპ 10 სიახლე
სხვა სიახლეები
AD Ports Group აქცენტირებულია შუა დერეფნის ქვეყნებში ინვესტიციებზე - Tbilisi Dry Port-ის სამეთვალყურეო საბჭოს თავმჯდომარე
02.03.2026.19:00
საქართველოს, როგორც „შუა დერეფნის“ საკვანძო მოთამაშის სტატუსი, აბუ-დაბის პორტების ჯგუფისთვის (AD Ports Group) ქვეყანაში ინვესტირების მთავარი საფუძველი გახდა. „თბილისი დრაი პორტის“ სამეთვალყურეო საბჭოს თავმჯდომარის განმარტებით, რომელიც ჯემალ ინაიშვილმა ტელეკომპანია „მაესტროს“ ეთერში გადაცემა Business Insider Georgia-ში სტუმრობისას გააკეთა, არაბული გიგანტის შემოსვლა ლოგიკური გაგრძელებაა მათი ფართომასშტაბიანი სტრატეგიისა, რომელიც ცენტრალური აზიის ქვეყნების სატრანსპორტო და სარკინიგზო ინფრასტრუქტურაში დამკვიდრებას გულისხმობს. ინაიშვილის თქმით, AD Ports Group-ის ინტერესი საქართველოს მიმართ ხაზს უსვამს საქართველოს, როგორც საექსპორტო სატრანზიტო ჰაბის ფუნქციას.
„აბუ-დაბის პორტების ჯგუფისთვის საქართველო საინტერესო იყო იმიტომ, რომ ბუნებრივად წარმოადგენს სატრანსპორტო დერეფნის ერთ-ერთ მთავარ მოთამაშეს. ჩვენ ვართ ამ დერეფნის მთავარი მოთამაშე, რაც შეეხება შუა დერეფანს, შესაბამისად AD Ports Group ზუსტად აქცენტირებულია შუა დერეფნის ქვეყნებში ინვესტიციებზე. ისინი განახორციელებენ პროექტებს პრაქტიკულად ყველა ცენტრალური აზიის ქვეყანაში, მათ შორის ყაზახეთში, ემზადებიან აზერბაიჯანისთვის, ფლობენ გემებს ტრანსპორტირებისთვის, შედიან ნავსადგურებში, როგორიცაა ყურიკი, აქვთ გეგმები აზერბაიჯანთან და ინტერესები რკინიგზასთან დაკავშირებით. ისინი თანამშრომლობენ ცენტრალური აზიის ქვეყნების სარკინიგზო საოპერაციო კომპანიებთან, რაც მათ საქართველოსთან თანამშრომლობაში ლოგიკურ გაგრძელებად აქცევს ან, შესაძლოა, დასაწყისადაც მივიჩნიოთ, რადგან ქვეყანა არის როგორც შემავალი, ისე საექსპორტო სატრანზიტო ქვეყანა შუა დერეფანში“, - აცხადებს ჯემალ ინაიშვილი.
გალტ & თაგარტმა ICT Association of Georgia-ს ღონისძიებაზე IT სექტორის კვლევა წარადგინა
02.03.2026.17:26
ახალგაზრდა ანტერპრენერების დასაფინანსებლად პროკრედიტ ბანკსა და EBRD-ს შორის 15 მილიონი ევროს სასესხო ხელშეკრულება გაფორმდა
02.03.2026.16:50
„თეგეტა მოტორსში“ Michelin-ის საბურავების შეძენისას მომხმარებლები საბურავების სასტუმროს უფასო მომსახურებით ისარგებლებენ
02.03.2026.16:23
ისარგებლეთ საქართველოს ბანკის ნაწილ-ნაწილ გადახდით iPlus-ში და მიიღეთ 150 ლარიანი ქეშბექი
02.03.2026.13:28
