Bel Mare Boutique Hotel ქალაქ ბათუმში მდებარე სასტუმროა, რომელიც 5 წელია რაც ბაზარზე ოპერირებს და 39 სხვადასხვა კატეგორიის ნომერს აერთიანებს. მეტი ინფორმაციისთვის, Business Insider Georgia კომპანიის გაყიდვების მენეჯერს ნინო ოსიტაშვილს ესაუბრა.

„Bel Mare Boutique Hotel უკვე 5 წელია ოპერირებს ბაზარზე. პანდემიის შემდგომ სასტუმრო გაფართოვდა და დაემატა ახალი ნომრები. ამჟამად, გვაქვს 39 სხვადასხვა კატეგორიის ნომერი, რაც საშუალებას აძლევს ნებისმიერი ბიუჯეტის მქონე სტუმარს ისარგებლოს ჩვენი მომსახურებით.

სასტუმრო მდებარეობს ზღვიდან მხოლოდ 300 მეტრში, ბათუმის ისტორიულ ცენტრში პიაცასთან ახლოს. გვაქვს ტერასა, საიდანაც იშლება ძველი ბათუმის ულამაზესი ხედები.

ჩვენი სასტუმრო თანამედროვე სტილისაა. ყველა ოთახი კომფორტულია და სრულად აღჭურვილია საჭირო ინვენტარით, რათა სტუმარმა სრულფასოვნად დაისვენოს. საუზმეზე გათვალისწინებულია როგორც ვეგეტარიანული, ასევე არა ვეგეტარიანული მენიუ, რადგან ხშირად  გალფის ქვეყნებიდან გვსტუმრობენ.

ჩვენი ნიშა ძირითადად, საქმიანი ვიზიტით ჩამოსული სტუმრებია. ძველი ბულვარის ტერიტორიაზე სიმჭიდროვის გამო შეუძლებელია აუზისა და მასშტაბური გასართობი სივრცეების მოწყობა, თუმცა ლოკაცია იმდენად მოსახერხებელია, რომ ზღვამდე მისასვლელად მხოლოდ 300 მეტრია, ხოლო ისტორიული ბათუმის სანახავად ტრანსპორტიც არ არის საჭირო “, - ამბობს კომპანიის გაყიდვების მენეჯერი.

სასტუმროს ვიზიტორების 60-70% უცხოელებზე მოდის, დარჩენილი წილი კი ქართველებზე.

„ჩვენი სტუმრების 60-70% ჩამოდის გალფის ქვეყნებიდან და თურქეთიდან, ხოლო ქართველების წილი შედარებით მცირეა. მომხმარებელთა უმეტესობა უცხოელია და ვიზიტები ძირითადად, მოკლევადიანია.

სასტუმროს სპეციფიკა საქმიანი ვიზიტების საჭიროებებს არის მორგებული, ვიდრე საკურორტო ან გასართობ-დასასვენებელი ზონების კონცეფციას “, - აცხადებს ნინო ოსიტაშვილი.

კომპანიის სამომავლო გეგმებში შედის მომხმარებელთა საჭიროებების ღრმა ანალიზი და მათზე მორგებული სერვისებისა და პირობების შეთავაზება.

„უნდა აღინიშნოს რომ მეორე წელია რაც სრულყოფილად ვოპერირებთ ბაზარზე. პირველი წელი, ძირითადად, გაცნობითი ეტაპი იყო, ხოლო წელს უკვე უფრო აქტიურად ვართ ჩართულები სამუშაო პროცესში და ვაკვირდებით ჩვენი სტუმრების საჭიროებებსა და მოთხოვნებს.

სეზონის ბოლოს შევაჯამებთ მიღებულ გამოცდილებას, შევაფასებთ ძირითად მოთხოვნებს და დავგეგმავთ, რა მიმართულებით იქნება საჭირო სერვისების გაფართოება. ჩვენი მიზანია, მომავალ სეზონზე და განსაკუთრებით არასეზონურ პერიოდში უფრო მეტი სტუმარი მოვიზიდოთ “, - აღნიშნავს კომპანიის გაყიდვების მენეჯერი.

ცნობისთვის, Bel Mare Boutique Hotel ქალაქ ბათუმში, ქუთაისის ქუჩაზე 12 ნომერში მდებარეობს.