„სარდიონას მარანი“ - რაჭული ტრადიციისა და სტუმარმასპინძლობის სინთეზი
საოჯახო სასტუმრო და მარანი Sardiona's marani (სარდიონას მარანი), რომელიც ამბროლაურში, სოფელი ჩორჯოში მდებარეობს, მიმდინარე ტურისტული სეზონით კმაყოფილია, რადგანაც აგვისტოს თვეზე ნომრები მთლიანად დაჯავშნილი აქვს.
როგორც ტურიზმის ეროვნული ადმინისტრაციის მიერ მოწყობილი პრესტურის ფარგლებში „სარდიონას მარნის“ მფლობელმა სარდიონ ვაწაძემ Business Insider Georgia-ს განუცხადა, გარდა სასტუმრო მიმართულებისა მოთხოვნადია მარანი და მისი თანამდევი სერვისები.
„დაახლოებით 4 წლის უკან ოჯახთან ერთად გადმოვედი საცხოვრებლად. ძირძველი სახლის გვერდით ვიყიდე სახლი და დავიწყე მისი გადაკეთება. მინდოდა გამეკეთებინა რაჭული ოდა და რაჭული სტილი მაქსიმალურად შემენარჩუნებინა. დღეს გვაქვს 5 სასტუმრო ნომერი და ასევე ეზოში - 2 პატარა კოტეჯი. ერთდროულად 16-მდე სტუმრის მიღება შეგვიძლია.
რაც შეეხება ვენახებს, 1 ჰა-ზე 3500 ძირი ვენახი მაქვს გაშენებული, საიდანაც დაახლოებით 4-5 ათასი ბოთლი ღვინის დამზადებაა შესაძლებელი“, - განმარტავს სარდიონ ვაწაძე.
მისივე განმარტებით, მისი სასტუმროს სტუმრების დიდი ნაწილი უცხოელები არიან და მარანს და სასტუმროს ყველაზე ხშირად ისრაელიდან ჩამოსული სტუმრები აკითხავენ. რაც შეეხება აგვისტოს, ობიექტი მთლიანად დაჯავშნილია.
„სარდიონას მარანში“ ხშირად ეწყობა დეგუსტაციები, სადაც სტუმრებს სხვადასხვა ღვინის დაგემოვნების საშუალება აქვთ. ღვინოსთან ერთად აქ შესაძლებელია რაჭული ავთენტური კერძების დაგემოვნებაც.
დღის ტოპ 10 სიახლე
სხვა სიახლეები
ლიბერთი ბანკის სათაო შენობაში დაფიქსირდა ხანძრის შემთხვევა, რომლის აღმოჩენა და ლოკალიზაცია მოხდა ადრეულ ეტაპზე - განცხადება
03.03.2026.08:07
AD Ports Group აქცენტირებულია შუა დერეფნის ქვეყნებში ინვესტიციებზე - Tbilisi Dry Port-ის სამეთვალყურეო საბჭოს თავმჯდომარე
02.03.2026.19:00
გალტ & თაგარტმა ICT Association of Georgia-ს ღონისძიებაზე IT სექტორის კვლევა წარადგინა
02.03.2026.17:26
ახალგაზრდა ანტერპრენერების დასაფინანსებლად პროკრედიტ ბანკსა და EBRD-ს შორის 15 მილიონი ევროს სასესხო ხელშეკრულება გაფორმდა
02.03.2026.16:50
„თეგეტა მოტორსში“ Michelin-ის საბურავების შეძენისას მომხმარებლები საბურავების სასტუმროს უფასო მომსახურებით ისარგებლებენ
02.03.2026.16:23
ისარგებლეთ საქართველოს ბანკის ნაწილ-ნაწილ გადახდით iPlus-ში და მიიღეთ 150 ლარიანი ქეშბექი
02.03.2026.13:28
