რძის ქალაქი • Milky City მრავალი წელია, რაც რძის პროდუქტებს აწარმოებს და საკუთარ მომხმარებელს მრავალფეროვან ასორტიმენტს სთავაზობს. კომპანიაში არსებულ სიახლეებსა და სამომავლო გეგმებზე Business Insider Georgia „რძის ქალაქის“ მარკეტინგის მენეჯერს თამარ მოდებაძეს ესაუბრა.

„კომპანია „რძის ქალაქი“ მუდმივად ორიენტირებულია მაღალი ხარისხის რძის პროდუქტების წარმოებაზე. მომხმარებლების მაღალი მოთხოვნიდან გამომდინარე, ჩვენს მაღაზიებში გაყიდვაში დავამატეთ სასმელი, ნედლი, პასტერზიებული რძე, რაც აქამდე არ გვქონია “, - ამბობს თამარ მოდებაძე.

„რძის ქალაქის“ ასორტიმენტი მეტად მრავალფეროვანია და მოიცავს როგორც ყველს, ასევე რძემჟავა პროდუქტებს.

„რძის ქალაქის ასოტიმენტი საკმაოდ მრავალფეროვანია, დაწყებული ყველის ნაირსახეობებით როგორიცაა, სულგუნი, იმერული, ქარხნული ყველი, შებოლილი სულგუნი, დამთავრებული რძემჟავა პროდუქტებით: მაწონი, არაჟანი, ხაჭო და ა.შ “, - აღნიშნავს კომპანიის მარკეტინგის მენეჯერი.

კომპანიის პრიორიტეტი მაღალი ხარისხის პროდუქციის წარმოებაა.

„რძის ქალაქის“ უმთავრესი პრიორიტეტია მაღალი ხარისხის, უსაფრთხო პროდუქციის წარმოება. ამიტომ მეტად ვართ კონცეტრირებული წარმოების პროცესების დახვეწასა და გაუმჯობესებაზე და არ ვზრდით სწრაფად ჩვენს ასორტიმენტს “, - განმარტავს თამარ მოდებაძე.

აღსანიშნავია, რომ კომპანიამ საქმიანობა 34 წლის წინ დაიწყო, როგორც პატარა საოჯახო ბიზნესმა, ხოლო 2021 წელს განხორციელდა რამდენიმე მსხვილი ინვესტიცია და გაიხსნა მაღალტექნოლოგიური ახალი ქარხანა, რის შემდეგაც გაჩნდა ბრენდი „რძის ქალაქი“. ამ ეტაპზე კომპანია თბილისში ორ მაღაზიას ფლობს.