საქართველოს ბანკმა ახალი საგანმანათლებლო პლატფორმა „სანამ ბიზნესს დაიწყებთ“ შექმნა
საქართველოს ბანკმა ახალი საგანმანათლებლო პლატფორმა - „სანამ ბიზნესს დაიწყებთ“ შექმნა. პლატფორმა ერთ სივრცეში აერთიანებს პრაქტიკულ ინფორმაციას ბიზნესის საწყისების შესახებ და პოტენციური თუ ახალბედა მეწარმეებისთვის ერთგვარ გზამკვლევს წარმოადგენს.
ახალი პლატფორმის მიზანია, ბიზნესის დაწყების პროცესი უფრო სტრუქტურირებული და ინფორმირებული გახდეს, შედეგად, ბიზნეს იდეა რეალურ, ხელშესახებ საქმიანობად იქცეს.
პლატფორმა შემდეგ ძირითად მიმართულებებს აერთიანებს:
• ბიზნესის გზამკვლევი
• რა არის სტარტაპი?
• როგორ დავაგენერიროთ ბიზნეს იდეა?
• ბიზნესის რეგისტრაცია
• დაფინანსების მოძიება
• ბიზნეს გეგმის დაწერა
• ბრენდის გზამკვლევი
პლატფორმაზე საინფორმაციო მასალები შექმნილია მარტივი, პრაქტიკული ფორმით, რაც მომხმარებლებს შესაძლებლობას აძლევს, გაიგონ, თუ რა მეთოდები და გზებია საჭირო კონკურენტუნარიანი ბიზნესის შესაქმნელად.
„საქართველოს ბანკი არაერთი წელია, ბიზნესისთვის საგანმანათლებლო ინიციატივებს აქტიურად ავითარებს. ახალი პლატფორმაც ამ ეკოსისტემის ლოგიკური გაგრძელებაა, რომელიც ცოდნასა და პრაქტიკას ერთმანეთთან აკავშირებს და პოტენციურ მეწარმეებს რეალური გამოცდილებისთვის ამზადებს. პლატფორმა „სანამ ბიზნესს დაიწყებთ“ ეხმარება ადამიანებს, გააანალიზონ საკუთარი იდეა, შეაფასონ რისკები და გაცნობიერებული გადაწყვეტილება მიიღონ. ჩვენი მიზანია, ხელი შევუწყოთ საქართველოში მდგრად მეწარმეობას და გავაძლიეროთ ბიზნეს ეკოსისტემა ჯერ კიდევ იდეის ფორმირების ეტაპზე”, - აცხადებენ საქართველოს ბანკში.
გაიგეთ მეტი პლატფორმის შესახებ საქართველოს ბანკის ვებგვერდიდან.
დღის ტოპ 10 სიახლე
სხვა სიახლეები
ახალი ფილიალი ბათუმში - Onex Georgia-მ კიდევ ერთი სერვისცენტრი გახსნა
30.12.2025.12:00
კომპანია Onex Georgia-მ ბათუმში ფილიალი ოფიციალურად გახსნა, რაც დასავლეთ საქართველოს მოსახლეობისთვის ამანათების მიღების სერვისს კიდევ უფრო ხელმისაწვდომსა და კომფორტულს გახდის.
ბათუმის ფილიალის გახსნა წარმოადგენს Onex Georgia-ს სტრატეგიული განვითარების ნაწილს და მიზნად ისახავს რეგიონებში სწრაფი, ხარისხიანი და მომხმარებელზე მორგებული სერვისების გაძლიერებას. ახალი ფილიალი მომხმარებლებს შესაძლებლობას მისცემს ადგილზე მიიღონ ამანათები, ისარგებლონ საკონსულტაციო მომსახურებით და გაამარტივონ საერთაშორისო გადაზიდვებთან დაკავშირებული პროცედურები.
Onex Georgia ორ წელზე მეტია წარმატებით ოპერირებს ქართულ ბაზარზე და მომხმარებლებს სთავაზობს ამანათების გადაზიდვას მსოფლიოს ხუთი ქვეყნიდან: აშშ, ჩინეთი, დიდი ბრიტანეთი, გერმანია და საბერძნეთი.
კომპანია მუდმივად მუშაობს სერვისების გაუმჯობესებასა და ქსელის გაფართოებაზე.
ბათუმის ფილიალის გახსნა კიდევ ერთი მნიშვნელოვანი ნაბიჯია კომპანიის მისიისკენ - უზრუნველყოს ამანათების სწრაფი, უსაფრთხო და ხელმისაწვდომი ტრანსპორტირება და მიწოდება მთელი საქართველოს მასშტაბით.
Onex Georgia მადლობას უხდის მომხმარებლებს ნდობისა და ერთგულებისთვის და განაგრძობს ინოვაციური გადაწყვეტილებების დანერგვას მათთვის უკეთესი გამოცდილების შესაქმნელად.
