„ქიდს სპოტი“ განმავითარებელი, ეკო-მეგობრული სათამაშოების ონლაინ მაღაზიაა, რომელიც ორი წლის წინ დაარსდა. კომპანიაში არსებულ სიახლეებზე Business Insider Georgia კომპანიის თანადამფუძნებელს თეა თაბაგარს ესაუბრა.

როგორია კომპანიის მიმდინარე სიახლეები?

ძალიან აქტიური პერიოდი გვაქვს. უკვე დაწყებულია წინა საახალწლო სამზადისი. ყველამ ვიცით საახალწლოდ როგორი რთულია ქალაქში გადაადგილება. გაუთავებელ საცობებში დგომას, მშობლებს ურჩევნიათ წინასწარ მოემზადონ ჯადოსნური დღისთვის. ამიტომ ჩვენც, დღე და ღამე ვმუშაობთ იმისათვის, რომ მაქსიმალურად მოკლე დროში მივიტანოთ ადრესატამდე შეკვეთა. ყველას ვურჩევთ, რომ ბოლო დღეებს ნუ დაელოდებიან. განახლებული, საახალწლო კოლექცია უკვე ხელმისაწვდომია ჩვენს ვებგვერდზე, ამიტომ სრულიად აუღელვებლად, სახლიდან გაუსვლელად შეუძლიათ შეარჩიონ ხის სათამაშოები. 

ქიდს სფოთი იყო და მუდამ იქნება სივრცე, სადაც შესაძლებელი იქნება მხოლოდ საუკეთესო ხარისხის საბავშვო პროდუქცია შეიძინონ მშობლებმა. ვამაყობთ, რომ ჩვენი არსებობის პერიოდში არასდროს ყოფილა შემთხვევა, როდესაც მომხმარებელი უკმაყოფილო დარჩენილა ხარისხით ან სერვისით. ჩვენი პირველი და უმნიშვნელოვანესი მიზანია კომპანიის ზრდასთან ერთად, კიდევ უფრო გავაუმჯობესოთ სერვისი და რაც მთავარია შევთავაზოთ გაფართოვებული ასორტიმენტი მომხმარებელს.

კიდევ ერთი სიახლე ჩვენი და პსპ აფთიაქის პარტნიორობაა. სათამაშოების გარკვეული ასორტიმენტის შეძენა მომხმარებელს შეუძლიათ პსპ აფთიაქის რამდენიმე ფილიალში. ვგეგმავთ სააფთიაქო ქსელშიც ასორტიმენტის გაზრდას. გვინდა, რომ მაქსიმალურად ხელმისაწვდომი იყოს მომხმარებლისთვის ჩვენი ხის, ხარისხიანი სათამაშოები.

განვავითარეთ კორპორატიული მიმართულება და ძალიან აქტიურად ვთანამშრომლობთ საგანმანათლებლო დაწესებულებებთან, ფრე-სქულებთან და ბაღებთან. გვიხარია, რომ კერძო ბაღები დაინტერესებულები არიან პატარებს ხარისხიანი სათამაშოები შესთავაზონ. გარდა იმისა, რომ უკვე ადგილზე, არსებული პროდუქციის შეძენა შეუძლიათ, ასევე ხშირია დაკვეთები ისეთ სათამაშოებზე, რომელიც საცალო გაყიდვებისთვის არ არის განკუთვნილი. ასეთ დროს, ინდივიდუალური შეკვეთით ჩამოგვაქვს ბაღებისთვის სათამაშოები.

როგორია მიმდინარე ასორტიმენტი?

დიდი სიამაყით შეგვიძლია ვთქვათ, რომ ხის სათამაშოების კატეგორიაში გვაქვს ყველაზე დიდი ასორტიმენტი საქართველოში. ჩვენი ბიზნესი დაიწყო 50 სახეობის სათამაშოთი, დღეს უკვე ვებგვერდზე www.kidsspot.ge მომხმარებელს შესაძლებლობა აქვს 250-მდე სახეობის სათამაშო შეიძინოს. როგორც ყოველთვის, ყველა მათგანი აკმაყოფილებს არა მხოლოდ ევროპულ EN71, არამედ ამერიკულ, ბრიტანულ და კანადურ სტანდარტებს. მომხმარებლისთვის ეს ნიშნავს, რომ ჩვენთან შეუძლიათ შეიძინონ ისეთი განმავითარებელი ხის სათამაშოები, რომელიც არა მხოლოდ ბავშვის უნარების ჩამოყალიბებას უწყობს ხელს, არამედ აბსოლუტურად უვნებელია მათი ჯანმრთელობისთვის. საღებავები დამზადებულია წყლის ბაზაზე და არ შეიცავს მძიმე, ჯანმრთელობისთვის საშიშ მეტალებს. რა თქმა უნდა, დაინტერესებულ პირებს შეუძლიათ მოგვმართონ და თითოეული სათამაშოსთვის შეგვიძლია წარვუდგინოთ ტესტ რეპორტები.

როგორ აფასებთ მოთხოვნას ზოგადი თვალსაზრისით?

მოთხოვნა ცალსახად მზარდია. მოთხოვნასთან ერთად, სამწუხაროდ ბაზარზე გამოჩნდნენ არაკეთილსინდისიერი გამყიდველებიც, რომლებიც სხვადასხვა ონლაინ ვებგვერდიდან გამოწერილ, გაურკვეველი წარმომავლობის, უხარისხო და საეჭვო შემადგენლობის სათამაშოებს სთავაზობენ მომხმარებლებს. სამწუხაროდ, რეგულაციები ასეთი პირებზე არ ვრცელდება. საბოლოოდ, მომხმარებელი შედის შეცდომაში. მშობლებს ჰგონიათ რომ რადგან დაბალბიუჯეტიან ხის სათამაშოს ყიდულობენ ბავშვს, ის აუცილებლად ეკო-მეგობრულია, რაც სინამდვილეს არ შეესაბამება. ყველას ვურჩევთ, რომ სანამ დაბალფასიან სათამაშოს შეიძენენ, აუცილებლად მოითხოვონ ტესტ რეპორტები, რათა სათამაშოს ხარისხში დარწმუნდნენ. მხოლოდ სათამაშოს ყუთზე დატანილი სიმბოლოების საკმარისი არ არის. ჩვენი მიზანია, რომ მეტად ინფორმირებული გავხადოთ საზოგადოება ამ მიმართულებით.