საქართველოს ტურიზმის ასოციაციის წევრები ძალიან ხშირად ვმსჯელობთ, თუ როგორ გამოვასწოროთ სიტუაცია და ამას განვიხილავთ ტურიზმის ეროვნულ ადმინისტრაციასთან ერთად, რადგანაც ეს კოლაბორაცია ძალიან მნიშვნელოვანია, - აცხადებს საქართველოს ტურიზმის ასოციაციის ხელმძღვანელი ნატა კვაჭანტირაძე, რომელიც რადიო „სივრცის“ ეთერში გადაცემა Business Insider Georgia-ს სტუმარი იყო და სადაც ტურიზმის განვითარებასა და ამ დარგში არსებულ გამოწვევებზე ვრცლად ისაუბრა.

ნატა კვაჭანტირაძის თქმით, ტურიზმის განვითარება ბევრადაა დამოკიდებული სხვა მომიჯნავე დარგების განვითარებაზეც. 

„ძალიან ხშირად აღინიშნება ჩვენს ქვეყანაში, რომ ეკონომიკის მთავარი ხაზი გადის ტურიზმზე და თავისთავად ტურიზმი გახლავთ ის მიმართულება, რომელსაც შემდგომ ებმის სხვადასხვა მიმართულებები, როგორც დარგების კუთხით, ზოგადად ტურიზმი ემყარება ძალიან ბევრ გვერდით  დარგებს. ტურიზმის ინფრასტრუქტურა ვერ იარსებებს თუ კი არ არის სოფლის მეურნეობა, თუ კი არ არის საგზაო ინფრასტრუქტურა გამართული და ასე შემდეგ. მაღალმხარჯველი ტურისტი პრიორიტეტია, მაგრამ მე პირადად ხშირად მიწევს იმის აღნიშვნა, რომ ამ ინიციატივის უკან არის სხვა თანამდევი გამოწვევები. გამოწვევები, რომელიც პარალელურ რეჟიმში უნდა მოგვარდეს. ამაზე ჩვენ ძალიან ხშირად ვსაუბრობთ როგორც საჯარო სექტორთან, ასევე იმ ძირითად მხარეებთან ვისაც ეს ეხება. როცა ჩვენ ვსაუბრობთ მაღალმხარჯველ ტურისტზე, აქ თანმდევი ფონი არის ის, რომ გვჭირდება სწორი განათლება, სერვისზე ორიენტირებული მომსახურების გაუმჯობესება, ხარისხში დახვეწა - ტურიზმში ზოგადად. ვინ არის მაღალმხარჯველი ტურისტი? თუ ჩვენ ვსაუბრობთ უმაღლეს კატეგორიაზე, რა თქმა უნდა ამ კატეგორიის მომხმარებელი გამოირჩევა ძალიან ფუფუნებაში გადასული შეთავაზებებით, მაგრამ როცა მხარჯველუნარიან მომხმარებელზე მიდის საუბარი და განვიხილავთ ამ საკითხებს მხოლოდ ელემენტარული გამოსწორების საკითხები უნდა დადგეს, რომელიც უკავშირდება სერვისის დონის გაუმჯობესებას, დასაქმებულთა ხარისხობრივ მაჩვენებელს, განათლების დონეს, რომელიც პროფესიულ კოლეჯებზე გადის და აქ ძალიან ბევრი ინიციატივები ჩნდება, რომელიც მიბმულია სწორ ინფრასტრუქტურასთან და ძალიან ბევრი თანმდევი საკითხია. ასოციაციის წევრები ძალიან ხშირად ვმსჯელობთ თუ როგორ გამოვასწოროთ სიტუაცია და ამას განვიხილავთ ტურიზმის ეროვნულ ადმინისტრაციასთან ერთად, რადგანაც ეს კოლაბორაცია ძალიან მნიშვნელოვანია. მხოლოდ კერძო სექტორი ვერაფერს ვერ გადაწყვეტს, თუ მხარდამჭერი მექანიზმები არ არსებობს და ჩვენი ასოციაციის ჭრილში ხშირად გვაქვს მიმართვიანობა, ხშირად ვსაუბრობთ ამ საკითხებზე, სხვადასხვა ტიპის ღონისძიებებს ვმართავთ კერძო-საჯარო დიალოგის ფორმატში და საკმაოდ საინტერესო ინიციატივები შემოდის, რაც გვეხმარება ჩვენ სექტორს განვსაზღვროთ პრიორიტეტები, განვსაზღვროთ განვითარების სამომავლო ხედვები, როგორც ბიზნესებმა. ასოციაცია არის კერძო ბიზნესების ორგანიზაცია და დივერსიფიცირებულია ასოციაციის წევრებიც და ყველაზე მორგებულ ინიციატივებს ვაჟღერებთ, როცა ასეთი დიალოგის ფორმატები ჩნდება“, - აღნიშნა კვაჭანტირაძემ.