საქართველოს ბანკის სასტიპენდიო პროგრამები ქმნის განათლების შესაძლებლობას 120 000-ზე მეტი სტუდენტისთვის
საქართველოს ბანკი ნიჭიერი და მიზანდასახული ახალგაზრდებისთვის განათლების შესაძლებლობების შექმნას განაგრძობს. სწორედ ამ მიზნით, სასტიპენდიო პროგრამებს ახორციელებს, რომლის ფარგლებშიც საქართველოს მასშტაბით 120 000-ზე მეტ სტუდენტს აძლევს შესაძლებლობას, მიიღონ სწავლის სრული ან ნაწილობრივი დაფინანსება.
საქართველოს ბანკის სასტიპენდიო პროგრამებს შორისაა:
საქართველოს ბანკის სტიპენდიები
ხარისხიან განათლებაზე ხელმისაწვდომობის გასაზრდელად, საქართველოს ბანკი სტიპენდიების პროექტს ახორციელებს, რომლის ფარგლებშიც შესაძლებლობას აძლევს სტუდენტებს, მიიღონ სწავლის სრული ან ნაწილობრივი დაფინანსება. წელს საქართველოს ბანკის სტიპენდიის მისაღებად 4000-ზე მეტი სტუდენტი დარეგისტრირდა.
საქართველოს ბანკის სტიპენდიების პროექტში 22 პარტნიორი უნივერსიტეტია ჩართული. 165-ზე მეტი სტუდენტი კი საქართველოს ბანკის სტიპენდიატია.
საქართველოს ბანკის გიორგი ჩახავას სახელობის სტიპენდია
საქართველოს ბანკის ინიციატივით შეიქმნა გამორჩეული ქართველი არქიტექტორის, გიორგი ჩახავას, სახელობის სასტიპენდიო პროგრამა, რომელიც ოთხი პარტნიორი უნივერსიტეტის (თავისუფალი უნივერსიტეტი, საქართველოს ტექნიკური უნივერსიტეტი, თბილისის სახელმწიფო სამხატვრო აკადემია, ბათუმის შოთა რუსთაველის სახელმწიფო უნივერსიტეტი) არქიტექტურის სტუდენტებს აძლევს შესაძლებლობას, მიიღონ სწავლის სრული ან ნაწილობრივი დაფინანსება.
სტიპენდიების შესახებ დამატებითი ინფორმაცია ხელმისაწვდომია ვებგვერდზე.
UniGrant – საქართველოს ბანკის და MAC Georgia-ს სტიპენდია
საქართველოს ბანკი ახალგაზრდებისთვის განათლებაზე ხელმისაწვდომობის კიდევ უფრო მეტად გასაზრდელად, MAC Georgia-სთან ერთად UniGrant-ის სასტიპენდიო პროგრამას ახორციელებს, რომლის ფარგლებშიც, ნებისმიერი უნივერსიტეტის სტუდენტს აძლევს შესაძლებლობას, ინდივიდუალური საჭიროების შესაბამისად, მიიღოს სწავლის სემესტრული გადასახადის 100%-იანი დაფინანსება და გრანტი საცხოვრებელი ხარჯებისთვის.
საქართველოს ბანკის სასტიპენდიო პროგრამების შესახებ დეტალური ინფორმაციის მისაღებად ეწვიეთ ვებგვერდს stipendia.bog.ge
დღის ტოპ 10 სიახლე
ჩვენი კომპანია მუდმივად ფიქრობს სიახლეების დანერგვაზე, ბრენდის განვითარებაზე - ხის ნახშირი "თაკარა"
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ჩვენი კომპანია მუდმივად ფიქრობს სიახლეების დანერგვაზე, ბრენდის განვითარებაზე - ხის ნახშირი "თაკარა"
15.05.2025.18:00
„თაკარა“ არის პრემიუმ ხარისხის ხის ნახშირის მწარმოებელი კომპანია საქართველოში, რომელიც მომხმარებელს სთავაზობს ეკოლოგიურად სუფთა და ქიმიური დანამატების გარეშე დამზადებულ პროდუქტს. კომპანიაში არსებულ სიახლეებთან და სამომავლო გეგმებთან დაკავშირებით, Business Insider Georgia “თაკარას“ დამფუძნებელს რევაზ ხოსიტაშვილს ესაუბრა.
როგორია კომპანიის მიმდინარე სიახლეები?
კომპანიისათვის და არა მარტო კომპანიისთვის, არამედ მთლიანად ქართული ბაზრისთვის სიახლეს წარმოადგენს ჩვენი ინოვაციური პროდუქტი, ხის ნახშირი "თაკარა". იგი არის სპეცალიზირებულ, ქაღალდის ყუთებში დაფასოებული მუხის ხის ნახშირი. "თაკარას" უნიკალურობა მისი სწრაფად გაღვივების თვისებაში გამოიხატება. ის უსიამოვნო პროცესი, რაც ნახშირის გაღვივებას უკავშირდება, "თაკარა"-ს შემთხვევაში საერთოდ არ წარმოადგენს პრობლემას, რადგან სწორედ ყუთის დახმარებით, ცეცხლის მხოლოდ ერთი მოკიდებითაა შესაძლებელი ნახშირის წვა და გაღვივება. გაღვივებული ნახშირი კი, იმდენად დიდხანს იწვის, რომ დაახლოებით 5 კგ ხორცის შეწვის საშუალებას იძლევა.
როგორია კომპანიის მიმდინარე ასორტიმენტი?
მიმდინარე ეტაპზე კომპანიის ასრტიმენტი მოიცავს: ყუთის ნახშირს, ტომრის ნახშირს და წალამს, რომელიც სულ ცოტა ხნის წინ დაგვემატა და უკვე სარგებლობს დიდი მოთხოვნით. მას, არსებული სხვა მომწოდებლების წალამისგან განსხვავებული შეფუთვა აქვს, არის გამომშრალი და დაპრესილი. მისი თითოეული შეკვრის წონა 5-7 კგ-ია და შეუძლია დაახლოებით 3-4 კგ ხორცის შეწვა. წალამი ნამდვილად არის ბუნებრივი არომატი თქვენი მწვადისათვის.
რას მიიჩნევთ კომპანიის კონკურენტულ უპირატესობად?
კომპანიის კონკურენტული უპარატესობა პირველ რიგში არის თავად ნახშირის ხარისხი, რომელიც სპეციალური ტექნოლოგიით არის დამზადებული და განსაკუთრებულ გემოს ანიჭებს შემწვარ ხორცს. ასევე ყუთი, რომელიც როგორც აღვნიშნე სიახლეა ქართული ბაზრისათვის. მისი იდეა დაპატენტებული გვაქვს და ნამდვილად ბევრად ამარტივებს მწვადის შეწვის პროცესს. რაც შეეხება წალამის უპირატესობას, იგი გროვდება სპეციალური წალამის შესაგროვებელი სპეც-ტექნიკის საშუალებით, რომელიც თავად პრესავს წალამს, შემდეგ კი ხდება მისი გამოშრობა და მხოლოდ ამის შემდეგ ხდება მისი მაღაზიებში განაწილება.
როგორია კომპანიის სამომავლო გეგმები?
ჩვენი კომპანია მუდმივად ფიქრობს სიახლეების დანერგვაზე, ბრენდის განვითარებაზე. არ ვჩერდებით და მომავლის გეგმებიც ძალიან საინტერესო და მრავლისმომცველი გვაქვს. "თაკარას" ბრენდის ქვეშ, უახლოეს მომავალში, აუცილებლად შეხვდებით საინტერესო და ინოვაციურ პროდუქტებს, რომლებიც სასიამოვნოდ გაგაოცებენ.
