საქართველოს ბანკი, როგორც განათლების მთავარი მხარდამჭერი ბანკი ახალგაზრდებისთვის შესაძლებლობების შექმნას განაგრძობს. სწორედ ამიტომ, ახალ პროექტს იწყებს, რომლის ფარგლებშიც პროფესიის ცვლილებით დაინტერესებულ ადამიანებს აძლევს შესაძლებლობას, ბანკის პარტნიორ პროფესიულ აკადემიებში მიიღონ სწავლის სრული დაფინანსება.

დაფინანსების მიღება შეუძლია საქართველოს ნებისმიერ მოქალაქეს, რომელსაც სურს, დაეუფლოს ახალ პროფესიას ან შეიცვალოს კარიერული მიმართულება. ამისათვის, მსურველებმა 15 ოქტომბრამდე უნდა შეავსონ განაცხადი ვებგვერდზე: stipendia.bog.ge  

 
როცა ჟინი არასტანდარტულ გზას გაჩვენებს - ირაკლი ასათიანის ისტორია

პროფესიის შეცვლა და ახალი გზის არჩევა ყოველთვის გამბედაობას მოითხოვს – სწორედ ასეთი ნაბიჯის შესახებ მოგვითხრობს ირაკლი ასათიანის ისტორია.

დილით ლექციები პოლიტოლოგიასა და ისტორიაში, საღამოს დაუსრულებელი საქმე რესტორნის სამზარეულოში. ასე გამოიყურებოდა 19 წლის ირაკლის ცხოვრება გერმანიაში, სადაც სასწავლებლად იყო წასული. სწორედ ამ რუტინაში იპოვა ის, რაც ნამდვილად უყვარდა.

“ჟინი ყველაფერს შეგაძლებინებს. პროფესიასაც შეგაცვლევინებს და 19 წლის ასაკში, გერმანიაში პოლიტოლოგიის ფაკულტეტზე სწავლიდან, კულინარიის სფეროშიც მოგახვედრებს”, – იხსენებს ირაკლი, რომელმაც მალევე აღმოაჩინა, რომ ეს უკვე მხოლოდ სამსახური აღარ იყო.

ინტერესმა იქამდე მიიყვანა, რომ რესტორნის შეფთან მივიდა და პირდაპირ სთხოვა, ყველაფერი ესწავლებინა მისთვის. შეფის პასუხმა მის ცხოვრებას სრულიად ახალი მიმართულება მისცა.

“შეფის სიტყვებმა მიმაღებინა გადაწყვეტილება: თუ ამ სფეროს კარგად ისწავლი, ყველა ქვეყანაში შეძლებ მუშაობას, რადგან ჭამა ყველას სჭირდებაო”.

გადაწყვეტილება მარტივი არ იყო. ოჯახმა, რომელმაც ბევრი გააკეთა იმისთვის, რომ ირაკლი გერმანიაში სასწავლებლად გაეშვა, ეს ცვლილება რთულად მიიღო. მით უმეტეს, იმ დროს საქართველოში მზარეულის პროფესია არც ისე დაფასებული იყო.

მიუხედავად ამისა, ირაკლი საკუთარ ინტუიციას და ჟინს მიჰყვა, მიატოვა პოლიტოლოგიის სწავლა და კულინარიას მიუძღვნა თავი.

“როცა საქართველოში 25 წლის ასაკში ყველაზე ახალგაზრდა შეფი გავხდი, ალბათ მაშინ ყველაზე მეტად ვიგრძენი ჩემი შრომის შედეგი”.

რა თქმა უნდა, გზა წარმატებისკენ ადვილი არ ყოფილა. საჭირო იყო შრომა, თავდაჯერება და ნებისყოფა. ირაკლის ისტორია იმაზე მეტია, ვიდრე უბრალოდ კარიერული ცვლილება. ეს არის ისტორია იმაზე, თუ როგორ შეიძლება ვენდოთ საკუთარ ინსტინქტებს.

“ალბათ, ჩემს ახალგაზრდა თავს ვეტყოდი, რომ ყოფილიყო მეტად თავდაჯერებული. განათლებისთვის და საკუთარი გზის ძიებისთვის არასდროსაა გვიან. თუ გიჩნდება განცდა, რომ შენი თავის საუკეთესო ვერსიას ჯერ არ შეხვედრიხარ, ესე იგი ყველაფერი წინ გაქვს”.

გამოიჩინე გამბედაობა, შენც გადადგი ნაბიჯი და განათლების გზაზე არ გაჩერდე.

საქართველოს ბანკის სტიპენდია გაძლევს შესაძლებლობას, მიიღო სწავლის სრული დაფინანსება 7 პარტნიორ პროფესიულ აკადემიაში, მათ შორის: აგრარული უნივერსიტეტის კულინარიის აკადემია; Tbilisi School of Communication; Academy of Digital Industry; Smart Academy; IT Academy STEP; Headvice; BDO Academy.

დამატებითი ინფორმაციის მისაღებად, ეწვიეთ ვებგვერდს: stipendia.bog.ge