საქართველოს ბანკის ორგანიზებით, მცირე და საშუალო ბიზნესისთვის AI-ის შესახებ ვორკშოპი გაიმართება
საქართველოს ბანკი მცირე და საშუალო ბიზნესის მხარდაჭერას და მათთვის ინფორმაციისა და პრაქტიკული რესურსების გაზიარებას განაგრძობს. ამჯერად, საქართველოს ბანკის ბიზნეს 360˚-ის შეხვედრების სერიის ფარგლებში, 24 დეკემბერს გაიმართება პრაქტიკული ვორქშოპი თემაზე - AI-ის გამოყენება ბიზნეს პროცესების ავტომატიზაციისთვის.
ვორქშოპს გაუძღვება ნათია ქუხილავა, Helio.AI-ის თანადამფუძნებელი და ტექნიკური დირექტორი.
შეხვედრაზე მონაწილეები გაიგებენ, თუ როგორ შეიძლება AI-ის დახმარებით ყოველდღიური სამუშაო პროცესების გამარტივება, დროისა და რესურსების ოპტიმიზაცია და კონკრეტული ბიზნეს ამოცანების ავტომატიზაცია.
შეხვედრა ჩატარდება ინტერაქციულ ფორმატში — სპიკერი დამსწრეებთან ერთად ავტომატიზაციის workflow-ს ადგილზე ააწყობს. ამასთანავე, მონაწილეებს შესაძლებლობა ექნებათ, აქტიურად ჩაერთონ დისკუსიაში, დასვან შეკითხვები და განიხილონ საკუთარი ბიზნესის წინაშე არსებული გამოწვევები.
ღონისძიება 24 დეკემბერს, 17:00 საათზე, საქართველოს ბანკის 4B ფილიალიში, ალ. ყაზბეგის ქ. №15-ში გაიმართება.
საქართველოს ბანკი ბიზნეს 360˚ პლატფორმის ფარგლებში საგანმანათლებლო ინიციატივების განხორციელებას განაგრძობს. პლატფორმის მეშვეობით, ნებისმიერ დაინტერესებულ პირს წვდომა აქვს ბიზნესის მართვასთან დაკავშირებულ პრაქტიკულ ინფორმაციაზე - ბიზნესკურსების, რეგულარული ვორკშოპების, კვლევითი რესურსების და სხვა პროექტების გზით.
დღის ტოპ 10 სიახლე
სხვა სიახლეები
ბაზისბანკის მხარდაჭერით ბათუმის ტექნოპარკში Travel Tech ჰაკათონი გაიმართა
22.12.2025.15:33
ბაზისბანკის ფინანსური მხარდაჭერით და საქართველოს ინოვაციებისა და ტექნოლოგიების სააგენტოს ორგანიზებით, 13-14 დეკემბერს, ბათუმის ტექნოპარკში ორდღიანი ტექნოლოგიური კონკურსი Travel Tech ჰაკათონი გაიმართა.
ჰაკათონი მიზნად ისახავდა ტურიზმის სფეროს თანამედროვე გამოწვევებისთვის ინოვაციურ, პრაქტიკულ და ტექნოლოგიურ გადაწყვეტებზე დაფუძნებული იდეების შექმნას.
ორდღიან ტექნოლოგიურ კონკურსში მონაწილეობა მიიღეს სტარტაპერებმა, დეველოპერებმა, დიზაინერებმა, სტუდენტებმა და ტურიზმისა და ტექნოლოგიების მიმართულებით დაინტერესებულმა პირებმა მთელი საქართველოდან.
დემო დღეზე 17 გუნდმა წარუდგინა საკუთარი იდეები ტურისტული სექტორის წარმომადგენლებს, რომელში გამარჯვებულებიც ჟიურის მიერ გამოვლინდნენ. კონკურსზე გამოვლინდა ბაზისბანკის რჩეული გუნდი “Around Me”, რომელიც ბანკისგან ფულადი პრიზით დაჯილდოვდა.
„მოხარული ვართ, რომ ბაზისბანკის მხარდაჭერით და საქართველოს ინოვაციებისა და ტექნოლოგიების სააგენტოს ორგანიზებით გამართული ორდღიანი ტექნოლოგიური კონკურსი Travel Tech ჰაკათონი წარმატებით დასრულდა. აღსანიშნავია, რომ ღონისძიება ხელს უწყობდა რეგიონში ცოდნაზე დაფუძნებული ეკონომიკის განვითარებასა და ახალგაზრდებისთვის ინოვაციური და პრაქტიკული შესაძლებლობების შექმნას. ბაზისბანკი მომავალშიც აქტიურად დაუჭერს მხარს ტურიზმის სფეროს განვითარებისკენ მიმართულ პროექტებს.” - ბაზისბანკის სტრატეგიული კომუნიკაციების და ბრენდინგის დეპარტამენტის უფროსი, თამარ ხადური.
2025 წელს კრისტალმა ადგილობრივი და საერთაშორისო ფინანსური ინსტიტუტებისგან 230 მლნ ლარის ოდენობის ფინანსური რესურსი მოიზიდა
22.12.2025.15:11
საქართველოს ბიზნეს ასოციაცია ულოცავს წევრ კომპანია BDO-ს კავკასიასა და ცენტრალურ აზიაში გაფართოებას და ერთიან რეგიონულ ფირმად ჩამოყალიბებას
22.12.2025.14:53
შეიქმენით საუკეთესო საახალწლო გამოცდილება SOLO და Visa-სთან ერთად სასტუმრო ტელეგრაფში
22.12.2025.14:13
საქართველოს ბანკის ორგანიზებით, მცირე და საშუალო ბიზნესისთვის AI-ის შესახებ ვორკშოპი გაიმართება
22.12.2025.13:29
„ამბასადორი აილენდ ბათუმის“ პროექტის 50%-ზე მეტი უკვე განხორციელებული გვაქვს - გოჩა კამკია
22.12.2025.12:37
2025 წელს მნიშვნელოვანი შედეგები გვქონდა პროექტის განვითარების თვალსაზრისით - ამბასადორი აილენდ ბათუმი
22.12.2025.12:33
