საქართველოს ბანკის მხარდაჭერით თბილისში Artifact Apart Hotel გაიხსნა
საქართველოს ბანკი ბიზნესის განვითარების ხელშეწყობას და სტუმარ მასპინძლობის სექტორის გაძლიერებას აგრძელებს. ამჯერად, ბანკთან პარტნიორობით თბილისში, ნინო ჩხეიძის ქუჩა №10-ში, Artifact Apart Hotel გაიხსნა.
Artifact Apart Hotel თბილისის ისტორიულ უბანში მდებარეობს და 15 ინდივიდუალურ საცხოვრებელ აპარტამენტს აერთიანებს. აპარტამენტები სრულად არის აღჭურვილი საჭირო თანამედროვე ტექნიკითა და ინვენტარით. სასტუმროს ინფრასტრუქტურა მოიცავს შიდა ეზოს და კაფეს Maluli by Chocoart, სადაც სტუმრებს ხელნაკეთი შოკოლადისა და სხვადასხვა კერძების დაგემოვნების შესაძლებლობა აქვთ.
“Artifact Apart Hotel-ის პროექტზე მუშაობის პროცესში ჩვენი ძირითადი მიზანი იყო სივრცის გარდაქმნა ისე, რომ შეგვენარჩუნებინა მისი ისტორიული იდენტობა და კავშირი წარსულთან. ჩვენი გუნდი აქტიურად იკვლევდა უბანს, რათა პროექტის არქიტექტურულ და სივრცით გადაწყვეტაში ისტორიული მემკვიდრეობა სწორად ასახულიყო. პროექტის განხორციელებისას განსაკუთრებული ყურადღება დავუთმეთ მის ფუნქციურ დაგეგმარებასა და ინტერიერის დიზაინში გამოყენებულ მასალებს, რაც ყოველდღიური გამოყენებისთვის ადაპტირებულ, კომფორტულ გარემოს ქმნის. Artifact Apart Hotel უკვე წარმატებით ოპერირებს ბაზარზე და აქტიურად ვმასპინძლობთ როგორც მოკლევადიან, ისე გრძელვადიან ვიზიტორებს. ჩვენი მიზანია მათ მაღალი ხარისხის მომსახურება მივაწოდოთ და სასიამოვნო გამოცდილება შევუქმნათ”, - განაცხადა ლიკა ჭუმბურიძემ, Artifact Apart Hotel - ის დირექტორმა.
„საქართველოს ბანკი აქტიურ რეჟიმში აგრძელებს პარტნიორი ბიზნესების და მათი ინიციატივების მხარდაჭერას, რომლებიც ქვეყანაში სტუმარმასპინძლობის სექტორის განვითარებას უწყობს ხელს. მოხარულები ვართ, რომ ჩვენი მხარდაჭერით, თბილისში კიდევ ერთი აპარტ-სასტუმრო გაიხსნა. გვჯერა, სასტუმრო მიმზიდველი იქნება როგორც ადგილობრივი, ისე საერთაშორისო ტურისტებისთვის. მინდა წარმატებები ვუსურვო გუნდს, ჩვენ კი არ ვჩერდებით და ვაგრძელებთ ბიზნესების გაძლიერებას“, - განაცხადა საქართველოს ბანკის კორპორაციული გაყიდვების სექტორის უფროსმა ირაკლი კიკალიშვილმა
დღის ტოპ 10 სიახლე
სხვა სიახლეები
2026 წელს FantastiClean Georgia მომხმარებელს განახლებულ ასორტიმენტს შესთავაზებს
16.01.2026.15:00
FantastiClean Georgia არის კომპანია, რომელიც მომხმარებელს სთავაზობს ეკომეგობრულ, ანტიალერგიულ, მრავალჯერადი გამოყენების, უმაღლესი ხარისხის მიკროფიბერის ხვეულებს, ნაჭრებსა და ტილოებს. კომპანიის თანადამფუძნებელი, ირაკლი ზამბახიძე, Business Insider Georgia - სთან 2025 წელს აფასებს და 2026 წლის გეგმებზე საუბრობს.
როგორ აფასებთ 2025 წელს?
მე, როგორც Fantasticlean-ის ოფიციალური და ექსკლუზიური წარმომადგენელი საქართველოში და ამავდროულად, კომპანიის თანადამფუძნებელი-დირექტორი შემიძლია თამამად გითხრათ, რომ 2025 წელი გასულ წელთან შედარებით უკეთესია, რადგან უფრო მეტი ადამიანი და მაღალი სოციალური პასუხისმგებლობის მქონე ბიზნესი, ვისთვისაც მნიშნველოვანია ხარისხი, ახალ 2026 წელს ჩვენი პროდუქციით შეხვდება და ყოველდღიურობას უფრო გაიმარტივებს.
როგორია 2026 წლის გეგმები განსაკუთრებით ასორტიმენტის ზრდისა და
გაფართოების მიმართულებით?
ჩვენ მთავარ მიზანს კვლავ ცნობიერების ამაღლება წარმოადგენს ეკომეგობრული პროდუქციების მიმართ.
2026 წლის იანვრიდან ჩვენს ასორტიმენტს დაემატება შემცირებული რაოდენობის ანუ 15 მოხევიანი ხვეულები, რომლებიც შედარებით ბიუჯეტური ვარიანტი იქნება, რადგან პროდუქცია ყველასთვის იყოს ხელმისაწვდომი. ფერები (ნაცრისფერი და ვარდისფერი) . ასევე პრემიუმ ხაზის იატაკის ანუ დიდი ზომის ცალკეული ტილოები, რომელიც 50*80სმ იქნება და წარმოდგენილი იქნება მწვანე და ლურჯ ფერებში. დამატებით, ვგეგმავთ ავტო-მოტო მიმართულების განვითარებას, ინოვაციური და საინტერესო პროდუქციების შეთავაზებას, როგორც საცალოდ ასევე საბითუმოდ.
დამატებით 2025 წლის ბოლოს ძალიან მნიშვნელოვანი კანონის შესახებ გახდა ცნობილი, რომელიც 2026 წლის 1 იანვრიდან შევა ძალაში და დარწმუნებულები ვართ, რომ დროთა განმავლობაში უფრო დაიხვეწება და ბევრ სხვადასხვა ყოველდღიურ მავნე ნარჩენს შეეხება, რომლითაც ყოველდღიურად ბინძურდება ჩვენი სამშობლო და საყვარელი დედამიწა. ვგულისხმობთ, საქართველოს მთავრობის, ასევე გარემოს დაცვის და სოფლის მეურნეობიის სამინისტროს იმ მნიშვნელოვან და ძალიან საყურადღებო ნაბიჯს, რომელიც მომავალი წლის 1 იანვრიდან სურსათთან შეხებისთვის განკუთვნილი პლასტმასის ერთჯერადი საგნების აკრძალვას ეხება, რც მნიშვნელოვანი ნაბიჯია მდგრადი, ეკომეგობრული მომავლისკენ. ჩვენ, როგორც მეტი წილი ეკომეგობრული ქსოვილების და პროდუქტების იმპორტიორები აღნიშნულ ინიციატივას მხარს ვუჭერთ და მზად ვართ მომხმარებლებს შევთავაზოთ უსაფრთხო, ხარისხიანი და გარემოსდაცვითი ალტერნატივები.
