საქართველოს ბანკის მხარდაჭერით, სამშენებლო მასალების საერთაშორისო გამოფენა Caucasus Build გაიმართება
საქართველოს ბანკი ბიზნესის ხელშეწყობას განაგრძობს. ამჯერად, ფინანსური ინსტიტუტის მხარდაჭერით, თბილისში სამშენებლო მასალების საერთაშორისო გამოფენა — Caucasus Build, გაიმართება.
გამოფენის მიზანი სამშენებლო ინდუსტრიის განვითარება, დარგში მომუშავე კომპანიებს შორის გამოცდილების გაზიარება და სფეროთი დაინტერესებული პირებისთვის მრავალფეროვანი პროდუქტებისა თუ სერვისების გაცნობაა.
Caucasus Build ექსპოჯორჯიას ყველაზე მასშტაბური გამოფენაა, რომელიც უკვე 30 წელია აღმოსავლეთ ევროპისა და კავკასიის რეგიონისთვის იმართება. ღონისძიებას წელს 25-27 აპრილს, ექსპო ჯორჯიას მე-11, მე-6, მე-5 და მე-4 პავილიონები და გარე სივრცე უმასპინძლებს. გამოფენაზე წარმოდგენილი იქნება სამშენებლო და სარემონტო მასალების დიდი არჩევანი და სპეციალური შეთავაზებები, როგორც ადგილობრივი, ისე საერთაშორისო კომპანიების მხრიდან.
გამოფენაში მონაწილეობას მიიღებენ სამშენებლო ტექნიკისა და დანადგარების, სარემონტო და სამშენებლო მასალების, ელექტრო სისტემებისა თუ აუზების მწარმოებელი კომპანიები. ჯამში, გამოფენაზე წარმოდგენილი იქნება 120-ზე მეტი კომპანია.
გამოფენის ფარგლებში გაიმართება თემატური ღონისძიებები, ვორკშოპები და პანელური დისკუსიები. მონაწილეები უახლეს პროდუქციასა და დარგის ინოვაციებს გაეცნობიან.
ღონისძიებაზე დასწრება თავისუფალია ნებისმიერი მსურველისთვის. მეტი ინფორმაციისთვის ეწვიეთ ვებგვერდს ან ღონისძიების გვერდს Facebook-ზე.
აღსანიშნავია, რომ საქართველოს ბანკი ღონისძიებას მხარს უჭერს ბიზნეს 360°-ის ფარგლებში. ბიზნეს 360° პლატფორმაა, რომელიც ყველა იმ შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები, ღონისძიებები, სექტორული კვლევები თუ სხვა.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
საქართველოს ბანკმა განახლებადი ენერგიის სფეროში მწვანე ვაჭრობის ხელშეწყობისთვის EBRD-ისგან ჯილდო მიიღო
14.05.2025.17:14
ევროპის რეკონსტრუქციისა და განვითარების ბანკმა საქართველოს ბანკი განახლებადი ენერგიის სფეროში მწვანე ვაჭრობის განვითარებისთვის დააჯილდოვა. საქართველოს ბანკმა აღიარება იტალიიდან აღჭურვილობის იმპორტისა და გურიის რეგიონში ჰიდროელექტრო სადგურზე მათი ინტეგრაციის პროცესში გაწეული ძალისხმევისთვის მოიპოვა. აღნიშნული პროექტი მნიშვნელოვნად ზრდის ქვეყანაში განახლებადი ენერგიის გამომუშავებას, რაც წლიურად 20 000-ზე მეტი მსუბუქი ელექტრო ავტომობილის მიერ მოხმარებული ენერგიის ეკვივალენტია.
აღნიშნული ჯილდო აღიარებს იმ ბანკების წვლილს, რომლებმაც გასული წლის განმავლობაში, EBRD-ის სამიზნე რეგიონებში მწვანე ტექნოლოგიებითა და მდგრადი მასალებით ვაჭრობას ხელი შეუწყვეს. ჯილდო ასევე წარმოაჩენს იმ ინსტიტუტებს, რომლებიც მწვანე ეკონომიკაზე გადასვლას ერთგულად და თანმიმდევრულად უჭერდნენ მხარს.
„მოხარულები ვართ, რომ ვაგრძელებთ მტკიცე პარტნიორობას ევროპის რეკონსტრუქციისა და განვითარების ბანკთან. ვამაყობთ, რომ EBRD-იმ მწვანე დაფინანსების სფეროში ლიდერობისთვის ასევე, მწვანე ეკონომიკის განვითარების მხარდაჭერაში შეტანილი წვლილისთვის დაგვაჯილდოვა. როგორც მწვანე დაფინანსების სფეროში საქართველოში წამყვანი ბანკი ჩვენ განახლებადი ენერგიის პროექტებისა და მდგრადი ვაჭრობის მხარდაჭერას სტრატეგიულ პრიორიტეტებად მივიჩნევთ. ეს აღიარება კიდევ ერთხელ ადასტურებს ჩვენს ერთგულებას, მდგრადი დაფინანსების გზით შევქმნათ გრძელვადიანი ღირებულებები როგორც ჩვენი მომხმარებლებისთვის, ისე ეკონომიკისა და გარემოსთვის“, - განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.
„ვამაყობთ, რომ წარმოვაჩენთ ჩვენი გრძელვადიანი პარტნიორის, საქართველოს ბანკის ურყევ ერთგულებასა და ლიდერობას მწვანე დაფინანსების სფეროში. ვიმედოვნებთ, რომ ეს პროექტი არა მარტო გაძლიერებს საქართველოს განახლებადი ენერგიის შესაძლებლობებს, არამედ დააწესებს სტანდარტებს რეგიონში სხვა ინსტიტუტებისთვისაც, რომელთა მიზანია მდგრადი მომავლის ხელშეწყობა“, - განაცხადაშონა ტატჩელმა, EBRD-ის ვაჭრობის ხელშეწყობის პროგრამის ხელმძღვანელმა.
Wolt-ის და საქართველოს ბანკის ერთობლივი შეთავაზება - ისარგებლეთ 12 თვემდე Wolt+ გამოწერის სერვისით უფასოდ
14.05.2025.15:59
საქართველოს ბანკის გიორგი ჩახავას სახელობის სტიპენდია სტუდენტებისთვის - გაიცანი ისტორიული შენობის არქიტექტორი
14.05.2025.15:34
წყალმომარაგების დარგში საქართველოში პირველი აკრედიტებული პროფესიული პროგრამები ჯივიპიში ამოქმედდა
14.05.2025.15:12
