Mastercard-თან პარტნიორობით, ჰეშბანკი წარმოგიდგენთ Mastercard Move ტრანზაქციებს, ფულადი გზავნილების ახალ თაობას, რომელიც შექმნილია იმისთვის, რომ საერთაშორისო გადარიცხვები მომხმარებლებისთვის გახდეს მყისიერი და უსაზღვრო - და ამასთან, საკომისიოს გარეშე. აღნიშნული ინიციატივა წარმოადგენს მნიშვნელოვან ეტაპს რეგიონში ციფრული გადახდების განვითარებაში.

Mastercard-ის გლობალურ ინფრასტრუქტურასა და ტექნოლოგიურ შესაძლებლობებზე დაფუძნებული Mastercard Move ტრანზაქციები მომხმარებლებს საშუალებას აძლევს, საზღვრებს გარეთ ფული თითქმის რეალურ დროში გააგზავნონ. თანაც, თავიდან აიცილონ გადარიცხვებთან დაკავშირებული ისეთი პრობლემები, როგორიცაა დაგვიანება, საბანკო დეტალებში გარკვევა და მაღალი საკომისიოები.

Mastercard Move ეკოსისტემაში Mastercard-ს ცენტრალური როლი უჭირავს - ის უზრუნველყოფს უსაფრთხო, სანდო და გლობალურად აღიარებულ ინფრასტრუქტურას, რომელიც სწრაფ საერთაშორისო გადარიცხვებს რეალობად აქცევს. მისი ფართო საერთაშორისო ქსელი და ინოვაციებში დაგროვილი გამოცდილება უზრუნველყოფს, რომ Mastercard Move ტრანზაქციები აკმაყოფილებდეს სისწრაფის, საიმედოობისა და უსაფრთხოების უმაღლეს სტანდარტებს.

„Mastercard-ის ტექნოლოგია ბაზრებს შორის უწყვეტ კავშირს ქმნის და ისეთ ფინანსურ ინსტიტუტებს, როგორიცაა ჰეშბანკი, საშუალებას აძლევს მომხმარებლებს გლობალური სერვისები ლოკალურ დონეზე შესთავაზონ,“ - აცხადებს დავით ზღუდაძე, Mastercard-ის ვიცე-პრეზიდენტი საქართველოსა და სომხეთში. „ Mastercard Move ნათლად აჩვენებს, როგორ შეუძლია თანამშრომლობებს მომხმარებლებისა და ბიზნესებისთვის ახალი ღირებულების შექმნა.“

მაია ხელაძე, ჰეშბანკის გადახდებისა და ოპერაციების დირექტორი აღნიშნავს: „ჩვენი მისიაა ფინანსური საზღვრების სრულად გაქრობა. ჩვენი ციფრული პლატფორმის Mastercard-ის ქსელთან შერწყმით, ვცვლით ფულის მიმოქცევის წესებს - რთულ საბანკო პროცესებს ვანაცვლებთ სისწრაფითა და სიმარტივით, რათა საზღვარგარეთ ფულის გაგზავნა ისეთივე მარტივი იყოს, როგორც ადგილობრივი გადარიცხვა.”

Mastercard-ის გამოცდილების ინტეგრაციით, ჰეშბანკი მომხმარებლებს გლობალურ წვდომას სთავაზობს. მათ შეუძლიათ საერთაშორისო გადარიცხვები განახორციელონ იმ სირთულეების გარეშე, რაც ტრადიციულად თან ახლავს საზღვარგარეთ საბანკო ოპერაციებს.

Mastercard Move ტრანზაქციები მაქსიმალურ სიმარტივეზეა ორიენტირებული. მომხმარებლებს შეუძლიათ ფულის გაგზავნა რამდენიმე დაწკაპუნებით, რთული IBAN კოდებისა და მრავალდღიანი ლოდინის გარეშე - თანხა მყისიერად ირიცხება, მათ შორის ისეთ ქვეყნებში, როგორიცაა ჩინეთი. ეს წარმოადგენს თანამედროვე ალტერნატივას ტრადიციული საბანკო სისტემებისთვის.

Mastercard Move ტრანზაქციების ძირითადი უპირატესობებია:

• თითქმის მყისიერი საერთაშორისო გადარიცხვები
• 0% საკომისიო 3-თვიან პრომო პერიოდში (აპრილი - ივნისი)
• რთული საბანკო დეტალების საჭიროების არარსებობა
• გლობალური გეოგრაფიული დაფარვა
• უმაღლესი დონის უსაფრთხოება, რომელიც უზრუნველყოფილია Mastercard-ის მიერ

1 აპრილიდან, სააღდგომო კამპანიის ფარგლებში, რომელიც 3 თვე გაგრძელდება, საერთაშორისო ( Mastercard Move) გადარიცხვებზე იმოქმედებს 0%-იანი საკომისიო. შეთავაზება გავრცელდება ჰეშბანკის აპლიკაციით შესრულებულ პირველ 2,000 წარმატებულ Mastercard Move ტრანზაქციაზე.

Mastercard Move ტრანზაქციების დანერგვა ასახავს გლობალურ ტენდენციას. ის აჩვენებს, თუ როგორ იცვლება ფულის მოძრაობის სისტემა მსოფლიოში. ხარჯებისა და სირთულის შემცირებით, Mastercard და ჰეშბანკი ხელს უწყობენ ფინანსურ ჩართულობას და ეკონომიკური აქტივობის ზრდას საზღვრებს მიღმა - როგორც პირადი გზავნილების, ისე ყოველდღიური საერთაშორისო გადახდების კუთხით.

Mastercard Move წარმოადგენს მნიშვნელოვან წინგადადგმულ ნაბიჯს რეგიონული ფინტექ ეკოსისტემისთვის, რადგან ის ქმნის ახალ სტანდარტს სისწრაფის, გამჭვირვალობისა და გამოყენების სიმარტივის მხრივ. მოსალოდნელია, რომ მისი ფართო გავრცელება მნიშვნელოვნად შეცვლის მომხმარებელთა მოლოდინებს და დააჩქარებს მათ ტრანზიციას მოძველებული, ნელი და მაღალი საკომისიოების მქონე სისტემებიდან თანამედროვე ფინანსურ გადაწყვეტილებებზე. Mastercard-ისა და ჰეშბანკის პარტნიორობა ნათლად აჩვენებს, როგორ შეუძლიათ გლობალურ ტექნოლოგიურ ლიდერებსა და რეგიონულ ინოვატორებს ერთად შექმნან რეალური და მნიშვნელოვანი გავლენა.

Mastercard-ის შესახებ:

Mastercard არის ტექნოლოგიური კომპანია გადახდების გლობალურ ინდუსტრიაში. ჩვენ ვმართავთ მსოფლიოში გადახდის ყველაზე სწრაფ საპროცესო ქსელს, რომელიც ბიზნესებს 210 -ზე მეტ ქვეყანაში, ერთმანეთთან აკავშირებს მომხმარებლებს, ფინანსურ ინსტიტუტებს, სავაჭრო ქსელებსა და მთავრობებს. Mastercard-ის პროდუქტები და სისტემები უფრო აადვილებს, უსაფრთხოსა და ეფექტურს ხდის ისეთ ყოველდღიურ სავაჭრო საქმიანობებს, როგორებიცაა შოპინგი, მოგზაურობა, ბიზნესისა და ფინანსების მართვა.
დამატებითი ინფორმაციისთვის ეწვიეთ:  www.Mastercard.com

ჰეშბანკის შესახებ:

სს Hash Bank ახალი თაობის ციფრული ბანკია, რომელსაც ლიცენზია მინიჭებული აქვს საქართველოს ეროვნული ბანკის მიერ. საერთაშორისო გამოცდილების მქონე პროფესიონალების გუნდის მიერ მართული ბანკი ორიენტირებულია ტექნოლოგიურ ინოვაციებზე და მომხმარებლის გამოცდილების გამარტივებაზე. ჰეშბანკი ფუნქციონირებს როგორც ციფრული ბანკი, რომელიც ფიატ და ციფრულ აქტივებს ერთ მაღალსიჩქარიან აპლიკაციაში აერთიანებს. ბანკი თანამშრომლობს საერთაშორისო კორესპოდენტულ ქსელებთან და იყენებს გლობალურად აღიარებულ ფინანსურ სტანდარტებს, რათა უზრუნველყოს გადახდების ეფექტიანი და უსაფრთხო დამუშავება.

დამატებითი ინფორმაციისთვის ეწვიეთ: www.hashbank.ge