“სანის” ახალი ფილიალი Tbilisi Outlet Village-ში გაიხსნა. ამის შესახებ, Business Insider Georgia-ს კომპანიის დამფუძნებელმა მარი სხირტლაძემ განუცხადა.

ყველაზე მთავარი სიახლე არის“სანის” ახალი ფილიალი Tbilisi Outlet Village-ში, რომლის გახსნასაც 6 თვე ველოდით. აღნიშნულ ფილიალში მომხმარებლებს შეუძლიათ ნიშური ბრენდების სათვალეების Outlet კოლექციის შეძენა მეტი ფასდაკლებით.

გარდა ამისა, გავხსენით ახალი, დიდი ფილიალი თამარ მეფის 20 ნომერში, აღნიშნულ ლოკაციაზე ეს ჩვენი მეორე მაღაზიაა “, - ამბობს მარი სხირტლაძე.

კომპანია ორი მიმართულებით ოპერირებს : საბითუმო - საცალო და მომხმარებელს მუდმივად განახლებულ კოლექციას სთავაზობს.

„ახლახანს საფრანგეთში ვიმყოფებოდით საერთაშორისო გამოფენაზე SILMO Paris, სადაც გავეცანით მსოფლიო მოდისა და ტექნოლოგიების უახლეს ტენდენციებს.

მომხმარებლებს ვთავაზობთ როგორც საცალო, ისე საბითუმო მომსახურებას. არსებულ ასორტიმენტს დავამატეთ ახალი ბრენდები, ხოლო უახლოეს პერიოდიში ვგეგმავთ ესპანური და ფრანგული ბრენდების დამატებას სპორტული მიმართულებით. აღნიშნული ფრანგული ბრენდი უკვე გვქონდა ჩვენს კოლექციაში, თუმცა ახლა იგეგმება სასრიალო და სათხილამურო ხაზის გაფართოება, რომელიც იქნება ბიუჯეტური და ყველასთვის ხელმისაწვდომი “, - აცხადებს კომპანიის დამფუძნებელი.

„სანის“ ვაკის ფილიალს დაემატა მაღალკვალიფიციური ოფთალმოლოგი.

„ოპტიკური მიმართულებით ვაკის ფილიალს დაემატა მაღალკვალიფიციური ოფთალმოლოგი. ადგილზე გვაქვს ყველა საჭირო აპარატურა დიაგნოსტიკისა და რეფრაქციისთვის.

გვაქვს სიახლეები მინების მიმართულებითაც. მუდმივად შემოდის ახალი, გაუმჯობესებული მოდელები, რომლებსაც ვთავაზობთ ჩვენს მომხმარებლებს. სულ რამდენიმე თვეა, რაც ჩამოვიტანეთ ღამით ტარებისთვის განკუთვნილი მინა, რომელიც ქამელეონის ეფექტით გამოირჩევა და 100%-იან დაცვას უზრუნველყოფს. ეს ნამდვილად ქმნის უდიდეს კომფორტს თვალისთვის “, - აღნიშნავს მარი სხირტლაძე.

კომპანია, სამომავლოდ სხვადასხვა სიახლეს გეგმავს გაფართოების მიმართულებით.

„ამ ეტაპზე აქტიურად ვართ გადართულები აუთლეტზე. ეს სივრცე სრულიად ახალია არა მხოლოდ საქართველოში, არამედ მთელს ამიერკავკასიაში, რადგან ერთადერთია მსგავსი ტიპის „ვილიჯი“. ამ დროისთვის სივრცეში უკვე გაიხსნა 15 მაღაზია და ველოდებით, რომ მალე სრულად დაიტვირთება. ამის შემდეგ ვგეგმავთ ოფთალმოლოგის დამატებას. გარდა ამისა, დიდუბეში, ასევე განვიხილავთ ექიმის დამატების შესაძლებლობას. პროცესები უკვე მიმდინარეობს “, - განმარტავს კომპანიის დამფუძნებელი.

ცნობისთვის, კომპანია 30 წელია, რაც ბაზარზე ოპერირებს. „სანის“ მიზანია მაქსიმალურად მაღალი ხარისხისა და უნიკალური ვიზუალის შეთავაზება მათთვის , ვისთვისაც სათვალე საკუთარი თავის გამოხატვის შესაძლებლობაა.