Newport Hotel Kutaisi 4-ვარსკვლავიანი სასტუმროა, რომელიც 2021 წლიდან ოეპრირებს ბაზარზე. მეტი ინფორმაციისთვის, Business Insider Georgia სასტუმროს გენერალურ მენეჯერს, ლანა სულაქველიძეს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

ქუთაისი, საქართველოს ერთ-ერთი უძველესი და ისტორიულად მნიშვნელოვანი ქალაქი, ბოლო წლებში სწრაფად გადაიქცა ტურისტულ ცენტრად, სადაც ძველი კულტურა და თანამედროვეობა ერთმანეთთან ჰარმონიულად ერთიანდება. სწორედ ამ ქალაქში ფუნქციონირებს 4-ვარსკვლავიანი სასტუმრო Newport Hotel Kutaisi , რომელიც თავისი უნიკალური ისტორიითა და მაღალი ხარისხის მომსახურებით განსაკუთრებულ ადგილს იკავებს სტუმართმოყვარეობის ინდუსტრიაში.

სასტუმრო განთავსებულია ქუთაისის გულში, კოლხურ შადრევანთან, XIX საუკუნის შენობაში, რომელსაც 2018 წელს კულტურული მემკვიდრეობის ძეგლის სტატუსი მიენიჭა. მისი სრულყოფილი რესტავრაცია განხორციელდა დამფუძნებლების ინვესტიციითა და Enterprise Georgia-ს მხარდაჭერით, რის შედეგადაც 2021 წელს Newport Hotel Kutaisi ოფიციალურად გაიხსნა.

Newport Hotel Kutaisi-ს სტუმრებისთვის ხელმისაწვდომია 34 თანამედროვე ნომერი, რომლებიც აღჭურვილია ყველა აუცილებელი კომფორტით: კონდიციონერით, სმარტ-ტელევიზორით, მაცივრით, ელექტრო ჩაიდნით, უფასო Wi-Fi-ითა და ყველა საჭირო დეტალით, რომელიც საერთაშორისო სტანდარტების შესაბამის დასვენებას უზრუნველყოფს. სასტუმროს ინფრასტრუქტურა მოიცავს რესტორანს, ბარს, ტერასას და 24/7 მომსახურებას, რაც მას სტუმრებისთვის კიდევ უფრო მიმზიდველს ხდის. განსაკუთრებული ღირებულება სასტუმროს ცენტრალურ მდებარეობას აქვს, რადგან ქუთაისის ისტორიული ღირსშესანიშნაობების უმრავლესობა სასტუმროდან ფეხით სავალ მანძილზეა.

როგორ აფასებთ მოთხოვნას ზოგადი თვალსაზრისით?

ტურისტული მოთხოვნა ქუთაისში წლიდან წლამდე იზრდება. საერთაშორისო ფრენების გახშირებამ და ქუთაისის აეროპორტის განვითარებამ ქალაქი კიდევ
უფრო ხელმისაწვდომი გახადა ევროპელი მოგზაურებისთვის, რაც სასტუმრო ინდუსტრიაზე დადებით გავლენას ახდენს. Newport Hotel Kutaisi სწორედ ამ ტენდენციას ეყრდნობა და ცდილობს მაქსიმალურად გამოიყენოს ქალაქის მზარდი პოპულარობა. მიუხედავად იმისა, რომ სასტუმროს გახსნა პანდემიის პერიოდში განხორციელდა, ის მაინც სწრაფად მოიპოვა პოპულარობა, დაიმსახურა სტუმრების ნდობა და პოზიტიური შეფასებები.

რას მიიჩნევთ კომპანიის კონკურენტულ უპირატესობად?

Newport Hotel Kutaisi-ს ერთ-ერთ მთავარ კონკურენტულ უპირატესობას მისი უნიკალური ისტორიული არქიტექტურა წარმოადგენს. XIX საუკუნის შენობის სრულად აღდგენა და მისი კომბინირება თანამედროვე კომფორტთან ქმნის განსაკუთრებულ ატმოსფეროს, რომელიც სტუმრებს საშუალებას აძლევს ერთდროულად შეიგრძნონ ძველი ქალაქის სული და თანამედროვე სასტუმროს სერვისის მაღალი სტანდარტი. კონკურენტულ გარემოში სასტუმრო გამოირჩევა არა მხოლოდ არქიტექტურითა და ლოკაციით, არამედ მომსახურების ხარისხითაც. პერსონალის პროფესიონალიზმი, სტუმრების საჭიროებებზე მორგებული სერვისები და მუდმივად გაუმჯობესებული ინფრასტრუქტურა სასტუმროს საიმედო არჩევანად აქცევს. სწორედ ამიტომ სასტუმრო ქალაქში ყველაზე მაღალ შეფასებას იმსახურებს ისეთ ფლატფორმებზე, როგორებიცაა booking.com  და expedia.com. 

როგორია კომპანიის სამომავლო გეგმები?

ქალაქში მზარდი ტურისტული მოთხოვნის ფონზე სასტუმროს აქვს გეგმა კიდევ უფრო გააფართოვოს სერვისები დამატებითი მომსახურებების შეთავაზებით, როგორიცაა სპა ცენტრი, საკონფერენციო დარბაზები და ღონისძიებების სივრცეები. ამასთანავე, Newport Hotel Kutaisi მიზნად ისახავს საკუთარი ბრენდის გაძლიერებას და რეგიონში წამყვან სასტუმროდ დამკვიდრებას.

ქუთაისის, როგორც ტურისტული ქალაქის, განვითარების პარალელურად, Newport Hotel Kutaisi უდავოდ დარჩება ერთ-ერთ მთავარ ცენტრად სტუმართმოყვარეობის ინდუსტრიაში, რომელიც არა მხოლოდ განთავსების სერვისს სთავაზობს სტუმრებს, არამედ ავითარებს ქალაქის ტურისტულ იმიჯსაც.

აღსანიშნავია, რომ Newport Hotel Kutaisi წარმოადგენს ადგილს, სადაც ისტორია და თანამედროვეობა ერთმანეთს ერწყმის. მისი უნიკალური არქიტექტურა, შესანიშნავი მდებარეობა და მაღალი ხარისხის მომსახურება ქმნის მყარ საფუძველს წარმატებისთვის, როგორც ადგილობრივი, ასევე საერთაშორისო ტურისტების თვალში.