საერთაშორისო გადამზიდავი კომპანია GBN • ჯიბიენი-ს მიზანია საქართველოს ბაზრისთვის ნოვატორული ლოგისტიკური მომსახურების შეთავაზება, რომელიც დაფუძნებულია ოპერატიულობასა და სანდოობაზე, - ამის შესახებ Business Insider Georgia-სთან კომპანიის დამფუძნებელმა თამარ ჯიოშვილმა განაცხადა. მისი თქმით, GBN აქტიურად მუშაობს ტვირთების ტრანსპორტირების ყველაზე ოპტიმალური მარშრუტების დაგეგმარებასა და მომხმარებლებისთვის დროითი და ფინანსური რესურსების დაზოგვის ხელშეწყობაზე.

„ჩვენ არ ვიშურებთ ძალისხმევას იმისთვის, რომ ჩვენი მომხმარებლების მოლოდინი გავამართლოთ. დაარსებიდან დღემდე GBN-ის გუნდმა შეძლო წამყვანი პოზიციის დაკავება ქართულ ლოგისტიკურ ბაზარზე. ყველასთვის სასიკეთო და სასურველი მიზნების მისაღწევად ჩვენ მზად ვართ განვაგრძოთ წინსვლა და განვითარება

კომპანიის წარმატებას განსაზღვრავს უმაღლესი ხარისხის სერვისის მიწოდება, რაც ასეთი დეფიციტურია დღევანდელ რეალობაში. ეს არ არის მხოლოდ სიტყვები, ამაზე ჩვენი პარტნიორი კომპანიების რაოდენობა და მათი უკუკავშირი მეტყველებს. ჩვენთან ხარისხი მიიღწევა: მაღალი კვალიფიკაციით, მომხმარებლის საჭიროებების იდენტიფიცირებით, უსწრაფესი კომუნიკაციითა და უკუკავშირით“, - აცხადებს თამარ ჯიოშვილი.
GBN გეზ-ის მახლობლად საკუთარი საწყობის მშენებლობას გეგმავს, სადაც კარგო ტვირთების მოზიდვასაც აპირებს.
თამარ ჯიოშვილის თქმით, პროექტის განხორციელებისთვის მიწის ფართობი უკვე მოძიებულია და A კლასის საწყობი 2500 კვ/მ-ზე იქნება განთავსებული. კომპანია ამ დროისათვის გარდაბნის მუნიციპალიტეტში მიწის გადმოფორმების პროცედურებითაა დაკავებული. კომპანიამ მიწა 250 ათას დოლარად იყიდა, ხოლო უშუალოდ საწყობის მშენებლობისთვის რა მოცულობის ინვესტირება იქნება საჭირო, ამ დროისათვის GBN-ში კალკულაცია და ფასების კვლევა მიმდინარეობს. კომპანიის დამფუძნებელი ამბობს, რომ ინვესტირებას საკუთარი ძალებითა და საქართველოს ბანკის ჩართულობით მოახდენს.
კომპანია GBN ტვირთების ტრანსპორტირებას შეკვეთების მიხედვით ახორციელებს, თუმცა დიდ გათვლებს მაინც ჩინეთიდან გადმოზიდვებზე აკეთებს.
„ტვირთების გადაზიდვებს ვახორციელებთ ყველა იმ მიმართულებებზე, რაზეც გაქვს დაკვეთა. თუმცა ჩვენი კომპანიის მაგალითზე პრიორიტეტი სახმელეთო გადაზიდვაა და ჩვენი საქმიანობის 80-85%-ი სწორედ სახმელეთო გადაზიდვებზე მოდის. რაც შეეხება მიმართულებებს, ექსპორტის შემთხვევაში ყველაზე მოთხოვნადი მაინც რუსეთში ექსპორტია, ხოლო იმპორტის შემთხვევაში დიდ წილი ჩინეთსა და ევროპაზე მოდის. აღნიშნულ მიმართულებებს ძირითადად საავტომობილო და საზღვაო გადაზიდვებით ვემსახურებით. საუბარია როგორც მულტიმოდალურ ტვირთებზე, ისე ნაკრებ ტვირთებზე. ასევე სრულ ტვირთებზე.
GBN ძირითადად დიდი მოცულობის ტვირთების ტრანსპორტირებაზე ვართ ორიენტირებული, 0,5 ტონა და ზემოთ. საფოსტო გზავნილებს ჩვენი კომპანია არ ემსახურება“, - განმარტავს GBN-ის დამფუძნებელი.
კომპანიის მაგალითზე მიმდინარე წელს ჩინეთის მიმართულება საკმაოდ გააქტიურებულია, რასაც ხელი ქართველი გადამზიდავებისთვის ჩინეთის ბაზრის გახსნამაც შეუწყო,
„მიმდინარე წელს ჩვენს გადაზიდვებში ჩინეთიდან გადმოზიდვები აქტიურად ჩაერთო, რადგანაც 2024 წლის სექტემბრიდან ქართველი მძღოლებისთვის ექსპორტ-იმპორტის შემთხვევაში უვიზო მიმოსვლა დაწესდა და ამან უკვე გავლენა მოახდინა გადაზიდვებზეც, რადგანაც ქართველი გადამზიდავებისთვის ჩინეთის ბაზარი სრულად გაიხსნა. შესაბამისად ჩინეთის სახმელეთო მიმართულება უკვე აქტიურად ჩაერთო“, - აცხადებს თამარ ჯიოშვილი.
GBN-ის მიერ იმპორტირებული ტვირთების 50%-ი ქვეყანაში რჩება, ხოლო 50%-ის რეექსპორტზე გადის.
GBN ბაზარს საკმაოდ დივერსიფიცირებულ მომსახურებებს სთავაზობს.

„ჩვენი კონკურენტული უპირატესობა არის პასუხისმგებლობა და ტვირთების უსაფრთხოებაზე ზრუნვა. ეს ის მიდგომებია, რაც ჩვენი სერვისების ერთ-ერთი განმაპირობებელი ფაქტორია. საერთაშორისო გადაზიდვების სფეროში ერთ-ერთი უმნიშვნელოვანესი ადგილი უჭირავს ტვირთის უსაფრთხო ტრანსპორტირებას და იმას, თუ რამდენად არის მზად გადამზიდავი კომპანია წარმოქმნილი ზიანის შემთხვევაში საკუთარ თავზე აიღოს პასუხისმგებლობა. აღნიშნულ საკითხთან მიმართებაში კომპანია GBN-ს აქვს სამი ძირითადი უპირატესობა: დაზღვეული ტვირთები, სრული პასუხისმგებლობა ტვირთის აღებიდან საბოლოო დანიშნულების წერტილამდე, ზარალის წარმოქმნისას ორმხრივ შეთანხმებაზე დაფუძნებული გადაწყვეტილება“, - ამბობს GBN-ის დამფუძნებელი.

საერთაშორისო გადამზიდავ კომპანია GBN-ში აცხადებენ, რომ საერთაშორისო გადაზიდვებს უდიდესი როლი ენიჭება როგორც საერთაშორისო ვაჭრობის, აგრეთვე ქვეყნის ეკონომიკისა და ბიზნეს სექტორის განვითარებისთვის. საერთაშორისო გადაზიდვების ერთ-ერთი უმნიშვნელოვანეს მიმართულებას წარმოადგენს საერთაშორისო სახმელეთო გადაზიდვები:

ტრაილერები სრული დატვირთვით ევროპიდან,

ტრაილერები სრული დატვირთვით ევროპაში,

ტრაილერები სრული დატვირთვით დსთ ქვეყნებიდან და დსთ ქვეყნებში.

სანდო სერვისმა განაპირობა კომპანიის სწრაფი ზრდა, რამაც გაერთიანების სტრატეგიის რეფორმის საჭიროება წარმოშვა, რომლის არსიც შემდგომში მდგომარეობდა: „გადაზიდვის ტარიფების კიდევ უფრო შემცირება ხარისხიანი სერვისის შენარჩუნების პირობებში“ – აღნიშნული რეფორმა წარმატებით გატარდა და დაინერგა.

კომპანია GBN-ის ლოგისტიკური ჯგუფი ორიენტირებულია შესთავაზოს სანდო სერვისი და დაბალი ფასები იმპორტიორებსა და მომწოდებლებს, რომლებსაც სურთ სწრაფად, ეფექტურად, უსაფრთხოდ და მომგებიანად განახორციელონ თავიანთი ტვირთების ტრანსპორტირება.

პროფესიონალი მენეჯერების, პროცესების სპეციალიზაციის და უახლესი ტექნოლოგიების დახმარებით, ჩვენ შევძელით მაქსიმალურად დაბალი ტარიფებისა და დახვეწილი სერვისის შექმნა. ინდივიდუალური მიდგომა თითოეული გადაზიდვის მიმართ კომპანიის წარმატების გარანტია.