„საბადური ჰილსი“ ზამთრის სეზონისთვის ახალ შეთავაზებებს ამზადებს
სასტუმრო საბადური ჰილსი • Sabaduri Hills, რომელიც პირველი თოვლის მოსვლისთანავე ერთ-ერთი მნიშვნელოვანი ტურისტული მიზიდულობის ცენტრი ხდება, მიმდინარე ზამთრის სეზონისთვის განსაკუთრებულად ემზადება.
როგორც Business Insider Georgia-სთან „საბადური ჰილსის“ მარკეტინგის ხელმძღვანელმა მიხეილ დვალიშვილმა განაცხადა, საცალო სეგმენტთან ერთად უკვე საკმაოდ გააქტიურდა კორპორატიული სეგმენტიც.
„საბადური ჰილსის“ მაგალითზე უკვე აქტიურად შემოდის ზამთრის სეზონისთვის კორპორატიული ჯავშნები. მოგეხსენებათ, ახალი წლის მოახლოებასთან ერთად ეს მიმართულება საკმაოდ აქტიურდება. გასული წლის ანალოგიურ პერიოდთან შედარებით, კორპორატიული ჯავშნების რაოდენობა 20-25%-ით არის გაზრდილი. თუმცა, წინა წელს ამ პერიოდში საპარლამენტო არჩევნები ახლახან ჩატარებული იყო და ქვეყანაში გარკვეული გაურკვევლობის ფონი გვქონდა, ამიტომაც ბევრმა კომპანიამ კორპორატიული წვეულება იქნებოდა თუ სხვადასხვა სახის ღონისძიება - გადადო ან გააუქმა.
ჩვენთან კორპორატიული სეგმენტი უფრო ადგილობრივი კომპანიების ხარჯზე აქტიურდება. უცხოური კომპანიების ჯავშნებსაც ვიღებთ, თუმცა კორპორატიული მიმართულებით 95% მაინც ქართული აუდიტორიაა“, - ამბობს სასტუმროს მარკეტინგის ხელმძღვანელი.
მიხეილ დვალიშვილის თქმით, „საბადური ჰილსი“ გამაჯანსაღებელი ტურიზმის მიმართულებითაც აქტიურდება და მალე საკუთარ მომხმარებლებს ახალ შეთავაზებებსაც წარუდგენს.
„საბადური ჰილსი“ განთავსებულია ისეთ ლოკაციაზე, რომელიც ზამთრის პერიოდში საკმაოდ პოპულარულია. მით უმეტეს, როდესაც თოვლი მოდის — საბადურის ტყე და სასტუმროს მიმდებარე ტერიტორია ულამაზეს სანახაობას ქმნის. ჩვენს შემთხვევაში გვაქვს ის უპირატესობა, რომელიც ჯერჯერობით ბევრისთვის ცნობილი არ არის — რომ აღნიშნული ლოკაცია შესულია საპროფილაქტიკო-პულმონოლოგიის საკურორტო ზონაში, რაც ნიშნავს, რომ აქ გარკვეული დროით ყოფნა, თუ უკეთესი არა, იგივე შედეგის მომტანია ჯანმრთელობის კუთხით, როგორც ბაკურიანის ჰავა. აქტიურად ვმუშაობთ იმაზე, რომ „საბადური ჰილსის“ პოპულარიზაცია, როგორც სამკურნალო-გამაჯანსაღებელი მიმართულების, გავზარდოთ. ვგეგმავთ და ვცდილობთ, რომ მომხმარებლებს შევთავაზოთ ისეთი პაკეტი, რომელიც ერთი მხრივ შეკრული იქნება ერთ მთლიან პროდუქტად და, მეორე მხრივ, სწორი გზავნილებით მივაწვდით სტუმრებს.
შერეული სამედიცინო მიმართულება გვინდა გავააქტიუროთ და სუნთქვით-გამაჯანსაღებელი პროცედურები და ასევე ვარჯიშები შევთავაზოთ მომხმარებელს. აქედან წასულმა სტუმარმა ჯანმრთელობის კუთხით დადებითი ტენდენცია უნდა იგრძნოს. ეს სერვისი ჩვენი მხრიდან შევა დამატებით სერვისებში, თუმცა ვფიქრობთ, რომ ცალკე პაკეტადაც გავყიდოთ და იყოს 7-10 დღიანი, რადგანაც 2-3 დღეს აზრი ეკარება და ნაკლებად ეფექტურია. აღნიშნულ პაკეტში შევა ყველა გამაჯანსაღებელი პროცედურა, რაც გვაქვს ან ვგეგმავთ რომ დავამატოთ. აღნიშნულ პაკეტებს ბაზარს უკვე ნოემბრიდან წარვუდგენთ და აქტიურად ველოდებით დაინტერესებულ მომხმარებლებს“, — ამბობს მიხეილ დვალიშვილი.
არასრული 10 თვის მაგალითზე, „საბადური ჰილსში“ ადგილობრივი და უცხოელი დამსვენებლების თანაფარდობა იყო 70/30-ზე. სასტუმროს დატვირთულობა განსაკუთრებით იზრდებოდა იმ პერიოდში, როდესაც დედაქალაქი სხვადასხვა მნიშვნელოვან ივენთს მასპინძლობდა და თბილისთან სიახლოვე კი სასტუმროს ამ მხრივ მნიშვნელოვან უპირატესობას ანიჭებს.
„თბილისში ჯასტინ ტიმბერლეიკის კონცერტის პერიოდში უცხოელი სტუმრების რაოდენობა მნიშვნელოვნად გაიზარდა. ზოგადად, „საბადური ჰილსის“ მაგალითზე მზარდია გალფის ქვეყნებიდან ჩამოსული უცხოელი დამსვენებლები, ასევე გაზრდილია ყაზახეთიდან ჩამოსული ტურისტების რაოდენობაც“, — აცხადებს სასტუმროს მარკეტინგის ხელმძღვანელი.
„საბადური ჰილსი“ საკუთარი ინფრასტრუქტურის გარდა, აქტიურად ავითარებს მიმდებარე ინფრასტრუქტურასაც. როგორც სასტუმროს მარკეტინგის მენეჯერი აცხადებს, საბადურის ტყეში იგეგმება სხვადასხვა ტურისტული ბილიკების გაყვანა. გარდა ამისა, სასტუმროს ინფრასტრუქტურა მიმდინარე წელს უკეთ აღიჭურვა, რაც დამსვენებლების კომფორტზე პირდაპირ აისახება. სასტუმროს უკან გამავალ მდინარეზე მოეწყო გადასახედი და ერთგვარი მოსასვენებელი სივრცე.
„დავამატეთ კვადროციკლებისთვის ბილიკები. ჩვენ მომხმარებელს კვადროტურებს აქტიურად ვთავაზობთ და ამ მიმართულებით შეთავაზება კიდევ უფრო გავაფართოვეთ. გეტყვით ასევე, რომ ჩვენს ჰოლდინგში შედის საგურამოში მდებარე საჯინიბო, სადაც სურვილის შემთხვევაში ვახდენთ სტუმრების ტრანსპორტირებას (გზა 15 წუთია) და სტუმრის სურვილისა და მოთხოვნის შესაბამისად ვთავაზობთ სერვისებს — იქნება ეს მანეჟში ცხენით ჯირითი თუ ტყეში სხვადასხვა ტურების შეთავაზება“, — ამბობს მიხეილ დვალიშვილი.
მიმდინარე წელს, გასული წლის ანალოგიურ პერიოდთან შედარებით, „საბადური ჰილსის“ დატვირთულობა გაზრდილია, თუმცა, როგორც სასტუმროს მარკეტინგის მენეჯერი აცხადებს, კომპანია აქტიურად მუშაობს იმაზე, რომ მეტი სტუმარი მიიზიდოს და დააინტერესოს.
რაც შეეხება ახალი წლის შეთავაზებებს, „საბადური ჰილსის“ მაგალითზე, ახალი წლის შესახვედრად გრანდიოზულ ივენთზე აქტიური მუშაობა მიმდინარეობს. აღნიშნულ ღამეს „საბადური ჰილსის“ სტუმრებს მრავალფეროვანი შოუ ელოდებათ. სასტუმრო საკუთარ სტუმრებს გრანდიოზულ წვეულებას ჰპირდება.
ასევე, ახალი წლის დღეებში, „საბადური ჰილსი“ საკუთარ სტუმრებისთვის ორ გრძელვადიან შეთავაზებას აამოქმედებს. ესენია: Secret Santa საბადური ჰილსში და საშობაო კვირეული, რომლის ფარგლებშიც სასტუმროში სხვადასხვა ღონისძიებები დაიგეგმება.
დღის ტოპ 10 სიახლე
სხვა სიახლეები
როგორი იყო 2025 წელი mobineX-ისთვის
02.01.2026.18:00
mobineX-ი დიდ ბრიტანეთში დაფუძნებული პირველი ქართული წარმომავლობის კომპანიაა, რომელიც 2023 წლიდან აბონენტებს მაღალი ხარისხის როუმინგ ინტერნეტს სთავაზობს ხელმისაწვდომ ფასად მსოფლიოს გარშემო.
2025 წელი mobineX-ისთვის სიახლეებით იყო სავსე. კომპანიამ კიდევ უფრო გააფართოვა დაფარვის არეალი, გავიდა ახალ ბაზარზე, შეიძინა მეტი პარტნიორი, რამაც შესაძლებელი გახადა, მომხმარებლებისთვის მრავალფეროვანი და საინტერესო აქციების შეთავაზება.
ამ წლის მიღწევებზე, გამოწვევებსა და სამომავლო მიზნებზე უფრო დაწვრილებით კომპანიის მმართველი პარტნიორი და თანადამფუძნებელი, მარიამ კაკაბაძე გვესაუბრება.
- როგორ აფასებს mobineX-ი 2025 წლის მუშაობის შედეგებს - როგორ გაიზარდა მოთხოვნა თქვენს სერვისებზე და ზოგადად თქვენს მაგალითზე SIM და eSIM გაყიდვების საშუალო მაჩვენებელი?
- დავიწყებ იმ სიახლით, რომ 2025 წელს mobineX-მა ახალი გამოწვევა დაისახა მიზნად და მიხარია, ვთქვა, რომ ამ მიზანს წარმატებით მივაღწიეთ. mobineX-ი უკვე სომხეთის მასშტაბითაც აქტიურად ოპერირებს. ჩვენ გავცდით ქართულ ბაზარს, რაც გამოიხატება იმით, რომ საკმაოდ გაიზარდა აბონენტების სია სომხეთიდან.
გასული წლის განმავლობაში, mobineX-ის აბონენტების რაოდენობა ყოველდღიურად მატულობდა. მოთხოვნა როუმინგ ინტერნეტზე - ფიზიკურ და ელექტრონულ eSIM ბარათებზე სულ უფრო იზრდება. ბაზარი საშუალებას გვაძლევს, კიდევ უფრო მეტი ადამიანის ყურადღება მივიზიდოთ და ამ მხრივ აქტიურად ვმუშაობთ. ასევე ძალიან დიდ ყურადღებას ვაქცევთ ლოიალურობას, შესაბამისად, საინტერესო შეთავაზებები გვაქვს არამარტო პოტენციური მომხმარებლების ყურადღების მისაქცევად, არამედ არსებულის შესანარჩუნებლადაც.
- 2025 წელს რომელი იყო მომხმარებელთა მიერ ყველაზე ხშირად მოთხოვნილი რეგიონები/ქვეყნები?
- რთულია, ამ კითხვას ცალსახა პასუხი გავცეთ. ამ შემთხვევაში, გააჩნია სეზონს. ზაფხულის განმავლობაში, ყველაზე მოთხოვნადი საზღვაო კურორტები იყო - კვიპროსი, საბერძნეთი… ახალი წლის მოახლოებასთან ერთად ჩეხეთი და ავსტრია უფრო პოპულარული ლოკაციებია. არის მიმართულებები, რომლებიც მთელი წლის განმავლობაში მოთხოვნადია, მაგალითად - თურქეთი. ინტერნეტ პაკეტების მოთხოვნადობას სპორტული ივენთებიც განსაზღვრავს.
ამჟამად ჩვენი პოპულარული პაკეტების სიაში ნახავთ თურქეთის, ბელგიის, ავსტრიის, საფრანგეთის, გერმანიის, იტალიის, პოლონეთის, ჩინეთის ინტერნეტ პაკეტებს.
- იმისათვის, რომ კომპანიის მიერ გაწეული მომსახურების ხარისხი გაზრდილიყო და უფრო გაუმჯობესებულიყო, რა გააკეთა კომპანიამ და დაიმატა თუ არა ახალი პარტნიორები ამ კუთხით?
- ჩვენთვის ყველაზე მნიშვნელოვანია მომხმარებლების უკუკავშირი, ამიტომ პერიოდულად გამოკითხვას ვატარებთ, რათა სერვისების გაუმჯობესებაზე ვიზრუნოთ. ახალ იდეებსაც აბონენტებთან კომუნიკაციის საფუძველზე ვავითარებთ.
მაგალითად, იმის გათვალისწინებით, რომ ბოლო პერიოდში ძალიან აქტუალური გახდა ხელოვნური ინტელექტი, ჩვენც დავამატეთ შესაბამისი ფუნქციონალი - AI ასისტენტი, რომელიც აბონენტებს ინტერნეტ პაკეტის არჩევაში ეხმარება.
სერვისი რომ უფრო მრავალფეროვანი გაგვეხადა, mobineX-ის აპლიკაციას კიდევ ერთი ფუნქციონალი დაემატა - მისი დახმარებით შესაძლებელი გახდა დარეკვა მსოფლიოს ნებისმიერი წერტილიდან როგორც ფიქსირებულ, ასევე - მობილურ ნომრებზე ისე, რომ ზარის მიმღებს არ სჭირდება ინტერნეტთან წვდომა.
აუცილებლად უნდა აღინიშნოს ისიც, რომ mobineX-ს ჰყავს 24/7-ზე ქართულენოვანი მხარდაჭერის გუნდი, რომელიც მზად არის, აბონენტების კითხვებს უპასუხოს სხვადასხვა პლატფორმაზე. ამ წელს ეს სერვისები კიდევ უფრო დაიხვეწა და გაუმჯობესდა.
ჩვენ გვყავს სტაბილური და გამოცდილი საერთაშორისო პარტნიორები. მათი რიცხვი 2025-ში კიდევ უფრო გაიზარდა. სტრატეგიულ პარტნიორებთან ერთად მუდმივად გვაქვს საინტერესო შეთავაზებები, ვართ სპორტული ღონისძიებების აქტიური მხარდამჭერები და დროდადრო განსაკუთრებულ შეღავათებს ვთავაზობთ გულშემატკივრებს.
თქვენს სეგმენტში სახეზეა კონკურენციის ზრდა - ფაქტია, რომ სოციალურ ქსელებში უფრო მეტი შეთავაზებები და ახალ ახალი კომპანიები ჩანან - რა არის დღეს mobineX-ის კონკურენტული უპირატესობა?
- ჩვენთვის ამ ნიშაში კონკურენციის ზრდა მხოლოდ და მხოლოდ სასიხარულო ამბავია. ბაზრის გამრავალფეროვნება და ჯანსაღი კონკურენცია მომხმარებელს არჩევანის თავისუფლებას აძლევს. ასეთ დროს ჩვენი უპირატესობა დაგროვილი გამოცდილებაა. ჩვენ ვიყავით პირველები, ვინც ვთქვით, რომ შესაძლებელია, სამოგზაურო ინტერნეტი იყოს ხელმისაწვდომ ფასად და შეღავათიან პირობებს გავლენა არ ჰქონდეს სერვისის სტაბილურობაზე. ამ მიმართულებით mobineX-ი იყო ინოვატორი და დღესაც ასე განვაგრძობთ სვლას.
mobineX-ის მთავარი უპირატესობა სერვისების ხარისხში მდგომარეობს. გვაქვს პრეტენზია, რომ ჩვენი მომხმარებლები სარგებლობენ უსწრაფესი სამოგზაურო ინტერნეტით და სულ ხაზზე ვართ - ჩვენც და ისინიც. აქვე უნდა ვთქვა, რომ ჩვენი აბონენტები ხშირად ამბობენ, რომ mobineX-ის ინტერნეტი სტანდარტულზე ნელა იხარჯება, რაც მათ მოგზაურობის ხარჯებს უიაფებს. ბუნებრივია, აღნიშნული ჩვენი მნიშვნელოვანი უპირატესობაა. ამასთან, mobineX-ის როუმინგ ინტერნეტით სარგებლობის შემთხვევაში, ჩინეთში მოგზაურობისას აბონენტებს არ უწევთ VPN-ის გამოყენება. მსგავსი დეტალები საბოლოო ჯამში დიდ სხვაობას ქმნის, რასაც ჩვენი აბონენტები აფასებენ და ამიტომაც აკეთებენ არჩევანს - mobineX-ზე.
როგორ შეიცვალა თქვენი სერვისების კონფიგურაცია: დაამატეთ თუ არა ახალი პაკეტები, ინტერნეტ მოცულობები, eSIM-ის პირობები ან მიმართულებები?
- mobineX-ის კატალოგი ამ დროისთვის 1800-ზე მეტ ინტერნეტ პაკეტს აერთიანებს. გვაქვს სხვადასხვა საჭიროებისა და პრეფერენციების მომხმარებელზე მორგებული რეგიონალური და ლოკალური შეთავაზებები. მნიშვნელოვანია ისიც, რომ როუმინგ პაკეტები რამდენიმე ვალუტაშია ხელმისაწვდომი. ფიზიკურ ბარათებთან დაკავშირებითაც გვაქვს ამ წელს სიახლე. ჩვენი SIM ბარათების შეძენა უკვე თბილისის აეროპორტიდან სულ რამდენიმე მეტრში - სასტუმრო იბის ჰოტელშიც შესაძლებელია.
- რა არის თქვენი მთავარი მიზნები 2026 წლისთვის - მომხმარებელთა რაოდენობის ზრდა, მარკეტინგული აქტივობების გაძლიერება, სერვისების გაფართოება თუ ახალი ახალი ბაზრების მოძიება?
- ჩვენი მიზანია, mobineX-ის მომსახურება ყველასთვის იყოს ხელმისაწვდომი. როგორც აღვნიშნე, უკვე აქტიურად ვოპერირებთ სომხეთის ბაზარზე და სხვა მიმართულებებითაც დიდი ნაბიჯები გვაქვს გადადგმული. სამომავლოდ, მეტი ქვეყნის ათვისება გვაქვს გეგმაში. გარდა ამისა, კვლავაც ვიტოვებთ იმედს, რომ ერთ დღესაც ქართულ ბაზარზე შემოვალთ, როგორც ვირტუალური ქსელის მობილური ოპერატორი.
- 2026 წელს mobineX გეგმავს თუ არა ახალი სერვისების შეთავაზებას ბაზრისთვის და რა გეგმას ამუშავებს ამ მიმართულებით კომპანია?
- ცხადია, 2026 წელსაც არ შევწყვეტთ განვითარებას და აქტიურად განვაგრძობთ სერვისების გაუმჯობესებასა და გამრავალფეროვნებას. აქტიური მუშაობა მიმდინარეობს სხვადასხვა მიმართულებით. ასე რომ, ჩვენს აბონენტებს წინ დიდი სიურპრიზები ელით.
- როგორ აპირებთ მომხმარებელთა მხარდაჭერის გაუმჯობესებას და გამოცდილების უკეთეს საკომუნიკაციო/ტექნიკურ დონეზე აყვანას?
- ვფიქრობ, მომხმარებელთან კომუნიკაცია არის ყველაზე ღირებული და ჩვენი მოქმედების გეგმაც სწორედ უკუკავშირზეა დამყარებული. სამომავლოდაც ასე გავაგრძელებთ. mobineX-ს აქვს თავისი საკომუნიკაციო ენა, მოქნილი საფასო პოლიტიკა, მომხმარებელზე მორგებული ინტერნეტ შეთავაზებები, ხარისხიანი კავშირი, გამოცდილი პარტნიორები, რაც ჩვენი აბონენტებისთვის პრიორიტეტულია.
