„რთველისი“ იაპონიის ბაზარზე გავიდა
ქართული ღვინის მწარმოებელი, მუდმივად ხარისხზე ორიენტირებული კომპანია „რთველისი“ იაპონიის ბაზარზე გავიდა. ამის შესახებ, Business Insider Georgia -ს კომპანიის მარკეტინგის მენეჯერმა მარიამ ფსუტურმა განუცხადა. მისივე თქმით, „რთველისმა“ პარტნიორული ხელშეკრულება გააფორმა იაპონიის ერთ-ერთ წამყვან სადისტრიბუციო კომპანიასთან და ამ ხელშეკრულების თანახმად, განახორციელა 10-ზე მეტი დასახელების ალკოჰოლური სასმლის ექსპორტი.
„კომპანია „რთველისმა" კიდევ ერთი მნიშვნელოვანი ნაბიჯი გადადგა საერთაშორისო ბაზარზე და გააფორმა პარტნიორული ხელშეკრულება იაპონიის ერთ-ერთ წამყვან სადისტრიბუციო კომპანიასთან.
აღნიშნული ხელშეკრულების ფარგლებში, უკვე ექსპორტირებულია 10-ზე მეტი დასახელების ღვინო და მაღალალკოჰოლური სასმელი, მათ შორის როგორც ქვევრისა და კლასიკური ხაზის ღვინოები.
პარტნიორი კომპანია ფლობს თანამედროვე სტანდარტების შესაბამის ინფრასტრუქტურას და წარმოდგენილია იაპონიის უმნიშვნელოვანეს ქალაქებში:ტოკიო, ნაგოია, ოსაკა და ფუკუოკა, რაც უზრუნველყოფს „რთველისის" პროდუქციის ხელმისაწვდომობას მთელს იაპონიაში.
თანამშრომლობის ეტაპები აქტიურად ვითარდება – დაწყებულია ერთობლივი კამპანიები, ონლაინ დეგუსტაციები და კომუნიკაცია იაპონელ მომხმარებლებთან.
ეს მნიშვნელოვანი ნაბიჯია ქართული ღვინის პოპულარიზაციისთვის აზიური ბაზრის ერთ-ერთ უმნიშვნელოვანეს ქვეყანასთან.
კომპანია „რთველისი" აგრძელებს აზიურ ბაზარზე გაფართოებას და თავისი წვლილის შეტანას ქართული მეღვინეობის გლობალური განვითარების პროცესში “, - აცხადებს კომპანიის მარკეტინგის მენეჯერი მარიამ ფსუტური.
ცნობისთვის, კომპანია აწარმოებს უმაღლესი ხარისხის ღვინოს და ყურძნისეულ წარმოშობის სხვა ალკოჰოლურ სასმელებს როგორიცაა: კლასიკური ქართული ღვინო, ტრადიციული ქვევრის ღვინო, შუშხუნა ღვინო, ბრენდი და ჭაჭა. „რთველისის“ მიზანი დაარსების დღიდან სახელის დამკვიდრებაა საქართველოს და მსოფლიო ბაზარზე, მაღალი ხარისხითა და დაუვიწყარი გემოებით.
დღის ტოპ 10 სიახლე
სხვა სიახლეები
არქი მსოფლიო რეკორდების სიმაღლეზეა - Archi Grand Avenue-ში მხოლოდ 5 საათში 1202 ბინა გაიყიდა!
24.10.2026.21:32
განსაკუთრებით მაღალი მოთხოვნის გათვალისწინებით, დამატებით კიდევ 156 მომხმარებელი მომდევნო ბლოკის მომლოდინეთა სიას შეუერთდა.
ამ ისტორიული შედეგით, არქი ევროპის, ცენტრალური აზიისა და ახლო აღმოსავლეთის რეგიონის სამეულშია ერთ დღეში გაყიდული ბინების რაოდენობით, არქის მხოლოდ ორი საერთაშორისო გიგანტი უსწრებს: საუდის არაბეთის NHC - 3 980 გაყიდული ბინით (2024 წლის, 15 ნოემბერი) და დუბაის DAMAC - 3 164 გაყიდული ბინით (2024 წლის 10 დეკემბერი).
„დღევანდელი შედეგი ჩვენთვის მხოლოდ რეკორდული გაყიდვები არ არის. ეს არის ნდობა, რომელიც ათასობით ადამიანმა გამოგვიცხადა და რისთვისაც თითოეულ მათგანს გულწრფელ მადლობას ვუხდით. ამ შედეგის უკან ჩვენი გუნდის უდიდესი შრომა დგას. „არქი“ საქართველოში №1 დეველოპერული კომპანიაა, თუმცა ჩვენთვის მთავარი მხოლოდ ლიდერობა არ არის. მნიშვნელოვანია, რომ ადამიანებს შევთავაზოთ რეალური ღირებულება და გავამართლოთ მათი მოლოდინები. Archi Grand Avenue-ში სწორედ ასეთ გარემოს ვქმნით - ქალაქის ახალ ცენტრს, რომელსაც განვითარების უდიდესი პოტენციალი აქვს. ვფიქრობ, მომხმარებლებმაც სწორედ ეს დაინახეს: პერსპექტიული ლოკაცია, პროექტის მასშტაბი, საერთაშორისო ბრენდების ჩართულობა და განსაკუთრებული ფინანსური პირობები. ამ ყველაფერმა ერთად მოგვცა შედეგი, რომლითაც დღეს ძალიან ვამაყობთ“, - აცხადებს „არქის“ გენერალური დირექტორი შიო ხეცურიანი.
დღევანდელი შედეგით „არქიმ“ გასულ წელს დაფიქსირებული საკუთარი რეკორდი ორჯერ მეტად გააუმჯობესა და ბაზარზე ახალი სტანდარტი დააწესა.
აღსანიშნავია, რომ გასულ წელთან შედარებით, პროექტში ბინების ფასი 27–28%-ით გაიზარდა. პერსპექტიული ლოკაცია და განვითარების მასშტაბი პროექტს მიმზიდველს ხდის როგორც საცხოვრებლად, ისე საინვესტიციოდ. განსაკუთრებული ინტერესი ადგილობრივმა მყიდველებმა, ქართველმა ემიგრანტებმა და საერთაშორისო ინვესტორებმა გამოიჩინეს.
Archi Grand Avenue 21 ჰექტარზე ვითარდება, საიდანაც 15 ჰექტარზე მეტი გამწვანებულ და რეკრეაციულ სივრცეებს დაეთმობა. პროექტი აერთიანებს საცხოვრებელ შენობებს, Hilton-ის ხუთვარსკვლავიან სასტუმროს, Wyndham-ის ბრენდირებულ რეზიდენციებს, სპორტულ კომპლექსს, გასტრონომიულ და კომერციულ სივრცეებს.
„მადლობა თითოეულ მომხმარებელს განსაკუთრებული ნდობისთვის. ეს ჩვენთვის დიდი პასუხისმგებლობაა და ყველაფერს გავაკეთებთ, რომ მათი მოლოდინები არა მხოლოდ გავამართლოთ, არამედ გადავაჭარბოთ კიდეც. მათთვის, ვინც ამ ეტაპზე სასურველი ბინის შეძენა ვერ შეძლო, დამატებითი შესაძლებლობა შევქმენით. ჩვენი მიზანია, რაც შეიძლება მეტი ადამიანი გახდეს ქალაქის ახალი ცენტრის ნაწილი“, - აცხადებს „არქის“ დამფუძნებელი ილია წულაია.
