სასტუმრო “გრინვუდი” მწვანე კონცხზე, ბათუმის ბოტანიკური ბაღის გვერდით, ეკოლოგიურად სუფთა გარემოში მდებარეობს. გაზაფხულის სეზონიდან სასტუმრო მომხმარებლებს სხვადასხვა სიახლეს შესთავაზებს. ამის შესახებ, Business Insider Georgia - ს კომპანიის მარკეტინგის მენეჯერმა მარიკა იაკობაძემ განუცხადა. 

რაიმე განსაკუთრებული სიახლე ხომ არ აქვს კომპანიას მიმდინარე ეტაპზე?

სასტუმრო Greenwood მუდმივად ცდილობს გააუმჯობესოს მომსახურების ხარისხი და შესთავაზოს მომხმარებელს ახალი,მაღალი სტანდარტების გამოცდილება.  გაზაფხულიდან სტუმრებს ვთავაზობთ განახლებული დესერტებისა და სასმელების მენიუს, რომელიც შემუშავებულია საერთაშორისო კულინარიულ ტენდენციებზე დაყრდნობით. ასევე, დაემატა ახალი სარელაქსაციო ზონა დახურულ აუზთან, რაც იდეალურ პირობებს ქმნის დასვენებისა და ფიზიკური აღდგენის მიზნით.

გარდა ამისა, დაინერგა უფრო მოქნილი ჯავშნის სისტემა, რაც მომხმარებელს საშუალებას აძლევს მარტივად დაგეგმოს დასვენება წინასწარ ან მცირე პერიოდში. პარალელურად მიმდინარეობს აქტიური სამუშაოები ინფრასტრუქტურის მოდერნიზაციის კუთხით და სტუმრის გამოცდილების გასაუმჯობესებლად. 

დაგეგმილია კორპორატიული და საოჯახო შეთავაზებების გაფართოება გაზაფხულ-ზაფხულის სეზონისთვის, არაერთი გასართობი ღონისძიება და თემატური დღე, რომელიც დაუვიწყარ შთაბეჭდილებებს შეუქმნის ჩვენს სტუმრებს.

ლაივ მუსიკა– რესტორან „ლოვატიში“ განწყობას შექმნიან მოწვეული მუსიკოსები, რომლებიც ასრულებენ როგორც თანამედროვე, ისე ქართულ და უცხოურ ჰიტებს. გაიმართება ექსკლუზიური ე.წ. Sunset Events დიჯეის თანხლებით. 

თემატური საღამოები და კულინარიული შოუები – ყოველ თვეს ერთი კონკრეტული თემის ირგვლივ შევთავაზებთ სტუმრებს ინტერაქციულ შოუებს. ბავშვებისთვის – მინი კლუბი და გასართობი შოუები.

რა ვითარებაა ჯავშნების კუთხით გაზაფხულის სეზონიდან? შეიმჩნევა თუ არა ზრდის ტენდენცია?

2025 წლის გაზაფხულის სეზონი დადებითი დინამიკით გამოირჩევა. ჯავშნების რაოდენობა წინა წლის ანალოგიურ პერიოდთან შედარებით საშუალოდ 27%-ით არის გაზრდილი. მოთხოვნა გაიზარდა როგორც შიდა, ისე უცხოელი ვიზიტორების მხრიდან, რაც მეტწილად განპირობებულია სარეკლამო კამპანიების გაძლიერებით და ციფრული მარკეტინგის ეფექტური გამოყენებით.

აღსანიშნავია, რომ საგაზაფხულო არდადეგების პერიოდში გაიზარდა საოჯახო დასვენების სეგმენტი, რაც მიუთითებს იმაზე,რომ ჩვენი ლოკაცია და სერვისები ითვლება იდეალურ გარემოდ დასვენებისთვის ბავშვებთან ერთად. გაზრდილი დაინტერესება გვაძლევს საფუძველს ვიფიქროთ მიმდინარე შეთავაზებების გაფართოებასა და სეზონის გახანგრძლივებაზე.

რას მიიჩნევთ კომპანიის კონკურენტულ უპირატესობად?

Greenwood-ის მთავარი კონკურენტული უპირატესობა არის მისი უნიკალური ადგილმდებარეობა — შავი ზღვისპირეთში, ბუნებრივ გარემოში, ქალაქის ხმაურისგან მოშორებით. ეს იძლევა განსაკუთრებულ შესაძლებლობას შეიქმნას სრულადგანტვირთვისა და სიმშვიდის სივრცე.

და რაც მთავარია, სიახლოვე ბოტანიკურ ბაღთან! 

გარდა ლოკაციისა, კომპანიის ძლიერ მხარედ უნდა ჩაითვალოს მაღალი კვალიფიკაციის მქონე პერსონალი, რომლებიც მუდმივად გადიან პროფესიულ ტრენინგებს და მზად არიან უზრუნველყონ ინდივიდუალური მიდგომა ყოველი სტუმრის მიმართ. ასევე აღსანიშნავია სასტუმროს მრავალფუნქციური ინფრასტრუქტურა — დაწყებული დახურული აუზით და საუნით,დამთავრებული კულინარიული მრავალფეროვნებითა და საბავშვო სივრცეებით.

როგორია 2025 წლის სამომავლო გეგმები?

2025 წლისთვის Greenwood-ის განვითარების სტრატეგია ემყარება სამ ძირითად მიმართულებას: ინფრასტრუქტურის გაფართოება, მომსახურების დივერსიფიკაცია და საერთაშორისო ბაზრებზე პოზიციონირების გამყარება.

დაგეგმილია ღია სივრცის განახლება, რომელიც მოიცავს როგორც დასვენების, ისე სარეკრეაციო სივრცეებს. ასევე, კომპანია აქტიურად მუშაობს ახალი საკონფერენციო სივრცის მოწყობაზე, რაც გაზრდის შესაძლებლობას საქმიანი ტურიზმის მიმართულებით.

საერთაშორისო მასშტაბით, 2025 წლისთვის დაგეგმილია პარტნიორობა რამდენიმე უცხოურ კომპანიასთან, რაც ხელსშეუწყობს Greenwood-ის ცნობადობის ზრდას ევროპულ და აზიურ ბაზრებზე. მიზანია შევქმნათ ეკოსისტემა, რომელიც ერთდროულად დააკმაყოფილებს როგორც ადგილობრივი, ასევე საერთაშორისო ვიზიტორის მოლოდინს.