world.starkiiids არის ონლაინ მაღაზია, რომელიც აერთიანებს საბავშვო სამოსისა და აქსესუარების მრავალფეროვან არჩევანს. კომპანიამ საქმიანობა 2020 წელს დაიწყო. Business Insider Georgia მეტი დეტალისთვის world.starkiiids  - ის დამფუძნებელს ანანო ბეროშვილს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

world.starkiiids არის ონლაინ მაღაზია, რომელიც საბავშვო სამოსისა და აქსესუარების მრავალფეროვან არჩევანს სთავაზობს მომხმარებლებს. კომპანია 2020 წელს, პანდემიის პერიოდში დაარსდა და მისი მიზანი თავიდანვე იყო მშობლებისთვის კომფორტული, მარტივი და სწრაფი სერვისის შეთავაზება სახლიდან გაუსვლელად, ბავშვების ჩაცმულობაზე ზრუნვის შესაძლებლობით.

როგორია მიმდინარე ასორტიმენტი?

world.starkiiids-ის ასორტიმენტი მრავალფეროვანია და მოიცავს: ჩვილების სეტებს, ნათლობის ტანისამოსს, აქსესუარებს, ფეხსაცმელს, რომპერებს და სხვა მრავალ საჭირო პროდუქტს. ძირითადად, კომპანია მუშაობას 0-დან 5 წლამდე ასაკობრივ სეგმენტზე, თუმცა შესაძლებელია ინდივიდუალური შეკვეთები უფრო დიდი ასაკისთვისაც.

რას მიიჩნევთ კომპანიის კონკურენტულ უპირატესობად?

კომპანიის მთავარი უპირატესობა მომხმარებელზე მორგებულ სწრაფ და კომფორტულ მომსახურებაშია. world.starkiiids - ი ყოველთვის ითვალისწინებს თითოეული მყიდველის საჭიროებებს და მაქსიმალურად ცდილობს დროულად და ეფექტურად მიაწოდოს მათ პროდუქცია. სწორედ ეს მიდგომა განაპირობებს მომხმარებელთა ნდობის ზრდას და  ბრენდის უწყვეტ განვითარებას.

როგორია კომპანიის სამომავლო გეგმები?

სამომავლოდ კომპანია გეგმავს საქმიანობის გაფართოებას. მიზანია, ყველა პროდუქტი ადგილზე იყოს ხელმისაწვდომი და მინიმუმამდე შემცირდეს განხორციელებული შეკვეთის მოლოდინის დრო. ასევე იგეგმება ფიზიკური მაღაზიის გახსნა, რათა მომხმარებელს ონლაინ სერვისთან ერთად, ჰქონდეს შესაძლებლობა ადგილზე დაათვალიეროს და შეარჩიოს პროდუქცია.

აღსანიშნავია, რომ world.starkiiids მუდმივად ითვალისწინებს მომხმარებლის ინტერესებს, რაზეც მეტყველებს მისი სწრაფი ზრდა და მომხმარებელთა კმაყოფილება. ხარისხი კი კომპანიისთვის უმთავრეს პრიორიტეტად რჩება.