„ვილაჯიო მირზაანი რეზორტი“ წარმოადგენს მრავალფუნქციურ დასასვენებელ კომპლექსს, რომელიც მოიცავს როგორც კოტეჯებს, ისე სასტუმროს ნომრებს. მეტი ინფორმაციისთვის, Business Insider Georgia კომპანიის თანადამფუძნებელსა და მენეჯერს რატი ტოკლიკიშვილს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

„ვილაჯიო მირზაანი რეზორტი“ წარმოადგენს მრავალფუნქციურ დასასვენებელ კომპლექსს, რომელიც მოიცავს როგორც კოტეჯებს, ისე სასტუმროს ნომრებს. საქმიანობა დავიწყეთ სამი წლის წინ. თავდაპირველად, მხოლოდ რამდენიმე კოტეჯითა და მცირე რესტორანით, ხოლო დროთა განმავლობაში მნიშვნელოვნად გავფართოვდით. ამჟამად, რეზორტი 10 კოტეჯს და 13 ნომერს აერთიანებს. სტუმრებს ვთავაზობთ მაღალი ხარისხის სერვისს მთელი წლის განმავლობაში.

კომპლექსში მდებარეობს:

• ორი აუზი - 6 და 20 მეტრიანი, ერთი საბავშვოა და იდეალურია ოჯახებისთვის. 20-მეტრიანი აუზი კი ერთ-ერთი უდიდესია კახეთში მდებარე დახურული აუზებიდან;
• ორი რესტორანი და სადეგუსტაციო სივრცე;
• ღვინის მარანი;
• საკონფერენციო დარბაზი;
• საჩვენებელი ვენახი;

რესტორანში კერძების მოსამზადებლად გამოყენებული პროდუქტების ნაწილი ჩვენს ბაღშია მოყვანილია, რომელიც რესტორნიდან დაახლოებით 10 მეტრში მდებარეობს და სტუმრებს თავად აქვთ მისი ხილვის შესაძლებლობა.

როგორ აფასებთ მოთხოვნას ზოგადი თვალსაზრისით?

ჩვენი სტუმრების უმეტესობა ადგილობრივი, ქართველი დამსვენებელია, რაც საკმაოდ სტაბილურ გარემოს გვიქმნის. ტურისტების წილი კი დაახლოებით 10%-ს შეადგენს, თუმცა მათი რაოდენობა სეზონურად იზრდება.

სტუმართა სეგმენტაცია შემდეგნაირია:

• ოჯახები - ხშირად გვესტუმრებიან დასასვენებლად სხვადასხვა სეზონზე;
• წყვილები - განტვირთვისა და დასვენებისთვის;
• კორპორატიული სტუმრები - ვმასპინძლობთ შეხვედრებს, თიმბილდინგებსა და საქმიანი ტიპის ღონისძიებებს ;
• ქორწილები - გვაქვს ერთ ან ორ ღამიანი ქორწილები, როცა სტუმრები სრულად ხურავენ მთელ სივრცეს;
• ბანკეტები და წვეულებები - აქტიურად ვმასპინძლობთ სკოლის ბანკეტებს, დაბადების დღეებსა და სხვა სახის ღონისძიებებს, როგორც ერთდღიან, ისე მრავალდღიან ფორმატში.

ეს არის ჩვენი ამჟამინდელი ძირითადი მიმართულებები, რომელიც აქტიურად ვითარდება და ფართოვდება.

რას მიიჩნევთ კომპანიის კონკურენტულ უპირატესობად?

ჩვენი კონკურენტული უპირატესობებია:

1.მოქნილობა და მრავალფეროვანი ინფრასტრუქტურა, რაც გვაძლევს საშუალებას, მაქსიმალურად მოვერგოთ სხვადასხვა ტიპის სტუმარს. მაგალითად, მხოლოდ ჩვენ გვაქვს შესაძლებლობა 40-კაციან ჯგუფზე სრულად დავხუროთ სასტუმრო და სრულად დავუთმოთ მათ სივრცე. ეს ქმნის სრულ უსაფრთხოებას, პრივატულობის განცდას, გამორჩეულ კომფორტს გუნდური ღონისძიებებისა თუ თიმბილდინგისთვის;

2. დახურული, მასშტაბური აუზები ყველა სეზონისთვის. გვაქვს ორი აუზი. მათ შორის, ერთ-ერთი კახეთის მასშტაბით ყველაზე დიდი. აუზები ფუნქციონირებს ნებისმიერი ამინდის პირობებში და არის განსაკუთრებით კომფორტული როგორც ზრდასრულებისთვის, ისე ბავშვებისთვის;

3. 7 ნომერი და 2 კოტეჯი, რომელთაც აქვთ აივანი ჯაკუზით და საოცარი ხედებით. ეს კომბინაცია განსაკუთრებულად მიმზიდველს ხდის რეზორტს;

4. ღვინის მარანი და სადეგუსტაციო სივრცე. დამსვენებელს არსად გასვლა არ სჭირდება. ადგილზე მოსულ სტუმარს ვთავაზობთ შემდეგ აქტივობებს : ღვინის დეგუსტაცია, პურის ცხვობა, ტრადიციული კახური კულტურის გაცნობა, რაც მოთხოვნადია როგორც უცხოელი, ისე ქართველი სტუმრისთვის;

5. მაღალი ხარისხის ნატურალური პროდუქტები, რომელიც ადგილზე, ჩვენს ბაღში მოყვანილია. ეს კი კერძებში ქმნის გამორჩეულ გემოვნურ თვისებებს;

6. განთავსების ტიპების მრავალფეროვნება, არჩევანის თავისუფლება.
სტუმრებს ვთავაზობთ როგორც ეკომეგობრულ კოტეჯებს, ისე სასტუმროს ნომრებს.

როგორია კომპანიის სამომავლო გეგმები?

ამ ეტაპზე სერვისების დამატებას არ ვგეგმავთ. ძირითად სამომავლო გეგმას სანომრო ფონდის გაზრდა წარმოადგენს. ამჟამად, მშენებლობა დროებით შეჩერებულია, თუმცა უკვე შეძენილი გვაქვს ახალი ნაკვეთი და ვგეგმავთ განვითარებას. საბოლოო გადაწყვეტილება ჯერ არ მიგვიღია. განახლებული სივრცე იქნება გლემფინგი, კოტეჯი თუ სასტუმროს ნომერი. გარდა ამისა, მომავალში სტუმრებისთვის ვგეგმავთ ველნეს-თერაპიის შეთავაზებას.

განვითარების დასაჩქარებლად აქტიურად განვიხილავთ ინვესტორის ჩართვას, რაც კიდევ უფრო ეფექტურად და სწრაფად მოგვცემს შესაძლებლობას განვახორციელოთ დაგეგმილი პროექტები.

ცნობისთვის, რეზორტი მდებარეობს კახეთში, მირზაანში, ნიკო ფიროსმანის სახლ-მუზეუმის მიმდებარედ, თბილისიდან 1.5-2სთ-ის სავალ გზაზე.