Lunchoba პირველი ციფრული კაფეტერიაა, რომელიც ბაზარზე შვიდიოდე წლის წინ გამოჩნდა და მომხმარებლების დიდი ინტერესი გამოიწვია.  კომპანიის სერვისით სარგებლობა მომხმარებელს შეუძლია სპეციალური აპლიკაციით, რომელიც საკმაოდ მარტივია. აპლიკაციას ჩატის ფუნქცია დაემატა და ახლა უკვე Lunchoba 24 საათიან რეჟიმში ემსახურება საკუთარ მომხმარებელს. ამის შესახებ, Business Insider Georgia -ს კომპანიის კორპორატიული გაყიდვების დირექტორმა გიორგი მაჭარაშვილმა განუცხადა.

„დავამატეთ ჩატის ფუნქცია. მომხმარებელს როგორც კი რამე პრობლემა აქვს და გვწერს ან მენიუსთან დაკავშირებით, ან თანხასთან დაკავშირებით, როგორც კი აპლიკაციიდან ჩათის ღილაკს დააწვებიან ავტომატურად მესენჯერში ვიღებთ შეტყობინებებს და ვპასუხობთ 24 საათიან რეჟიმში “, - ამბობს კომპანიის კორპორატიული გაყიდვების დირექტორი გიორგი მაჭარაშვილი.

ინტერესი და მოთხოვნა კომპანიისადმი საკმაოდ მზარდია. მოკლე პერიოდში Lunchoba ობიექტის დამატებას გეგმავს, რომელიც ლოკაციურად საბურთალოს რაიონში იქნება განთავსებული.

„მოთხოვნა მზარდია ცალსახად. ჩვენ წინაზე ვისაუბრეთ რომ ვგეგმავდით ობიექტის დამატებას, რომელიც უკვე აქტიურ ფაზაში გადავიტანეთ. ფართების მოძიების ეტაპზე ვართ გადასულები. კადრები გადამზადებული გვყავს და ველოდებით რომ რაღაც ფართი მოვძებნოთ რაც  ჩვენთვის იქნება ხელსაყრელი. ეს იქნება ძირითადად, საბურთალოს ტერიოტრიაზე, რომელიც დაფარავს ვაკე-საბურთალოს რაიონს და მაგ ლოკაციაზე მაგ მომხმარებლებს მოვემსახურებით “, - აცხადებს კომპანიის კორპორატიული გაყიდვების დირექტორი გიორგი მაჭარაშვილი.

Lunchoba სხვადასხვა კონკურენტული უპირატესობით გამოირჩევა. ერთ-ერთი მთავარი კი მომხმარებლებისადმი შექმნილი კომფორტი და სიმარტივეა.

„ჩვენი კონკურენტული უპირატესობა პირველ რიგში არის ის რომ მორგებული ვართ უშუალოდ კომპანიებზე და მათ თანამშრომლებზე. კომპანიის ბუღალტრებისთვის გვაქვს გამარტივებული მომსახურება. ვგულისხმობ იმას რომ თვის ბოლოს ავტომატურად უგენერირდებათ ინვოისი და თითოეულ იუზერზე გაწერილი თანხები რა დახარჯეს. შესაბამისად, ხელით ანგარიში აღარ სჭირდება არც ჩვენს ბუღალტერს და არც მათ ბუღალტერს. პირდაპირ, ყოველი თვის დასრულებისთანავე ავტომატურად ეგზავნებათ ინვოისები. რაც შეეხება მათ თანამშრომლებს, თანამშრომლებთან გვაქვს ესეთი მომსახურება თუ ვთქვათ კომპანია უფინანსებს გარკეულ თანხას თანამშრომელს შესაძლებლობა აქვს ერთჯერადად უბრალოდ მიაბას თავისი ბარათი და შემდეგ ყოველ ჯერზე როცა ვთქვათ იმ ლიმიტს რასაც კომპანია უფინანსებს და თვითონ უნდა უკვე თავისიი ხარჯით რამე შეუკვეთოს მარტივად შეუძლია შეუკვეთოს და პროგრამა თვითონ გამიჯნავს უკვე თანამშრომლის ბარათიდან გახარჯულ თანხასაც და კომპანიის მხრიდან დაფარულ თანხასაც “, - განმარტავს კომპანიის კომპანიის კორპორატიული გაყიდვების დირექტორი გიორგი მაჭარაშვილი.

Lunchoba 2025 წელს აპლიკაციის ინგლისურ ენაზე ხელმისაწვდომობას გეგმავს. იქედან გამომდინარე, რომ გარდა ქართველი მომხმარებლისა ბევრი უცხოელი მომხმარებელიც ჰყავს.

„დაგეგმილი გვაქვს ცალსახად რომ აპლიკაცია გავხადოთ ხელმისაწვდომი ინგლისურ ენაზე რასაც აუცილებლად 2025-ში ჩავუშვებთ რაც ძაან მნიშვნელოვანია იმიტომ რომ ბევრი უცხოელი, ინგლისურენოვანი მომხმარებელი დაგვემატა და მათთვისაც გავხდით კომფორტულს ჩვენს მომსახურებას “, - აღნიშნავს კომპანიის კომპანიის კორპორატიული გაყიდვების დირექტორი გიორგი მაჭარაშვილი.

აღსანიშნავია, რომ კომპანია საკუთარ მომხმარებელს სეზონურად განახლებულ და მრავალფეროვან მენიუს სთავაზობს. რაც შეეხება პროდუქციას, ეს არის  სალათები, გარნირები, დესერტი და სხვა.