როგორია „სამეფო თაფლის“ სიახლეები და რა სამომავლო გეგმები აქვს კომპანიას

ბიზნესი

ჩვენი ნიშა მომხმარებლისთვის ოჯახური გარემოს შეთავაზებაა - „ოდლისი“

13.05.2025.14:00

შვეიცარიული ტექნოლოგიით, ადგილობრივი რძისგან დამზადებული ყველი ,,ოდლისი" ქართველ მომხმარებლებში და უცხოელ ტურისტებში ძალიან დიდი პოპულარობით სარგებლობს. კომპანიის თანადამფუძნებელი მაკა გიორგანაშვილი Business Insider Georgia- თან ამბობს, რომ გახსნეს ყველის ბარი, სადაც სტუმრებს შესაძლებლობა აქვთ ყველისა და ღვინის დაგემოვნების.

როგორია კომპანიის მიმდინარე სიახლეები?

სიახლეა ის, რომ გავხსენით ყველის ბარი. ჩემი მეუღლე, რატი როსტომაშვილი აწარმოებს ყველს შვეიცარიული ტექნოლოგიით და ჩვენმა შვილებმა გახსნეს ყველის ბარი, რომელიც ყველის საწარმოსთან ერთად ქალაქ თელავში მდებარეობს. ნებისმიერ მსურველს შეუძლია გვესტუმროს და დააგემოვნოს ჩვენი ყველი გემრიელ ღვინოსთან ერთად.

როგორ აფასებთ მოთხოვნას ზოგადი თვალსაზრისით?

მინდა გითხრათ, რომ მოთხოვნა საკმაოდ მზარდია მიუხედავად იმისა, რომ ჩვენ მარკეტინგული აქტივობებით არ გამოვირჩევით. ხშირია შემთხვევები, როდესაც გვსტუმრობენ ადამიანები, რომლებმაც ჩვენს შესახებ შეიტყვეს ოჯახის წევრებისა და ახლო წრის რეკომენდაციის საფუძველზე.

როგორია კომპანიის ასორტიმენტი?

ვამზადებთ სამი ტიპის ყველს: მაგარი, ნახევრად მაგარი და რბილი ყველი. გემოებს რაც შეეხება, გვაქვს 33 გემო. ასორტიმენტში გვაქვს მთის ყველი, რომელიც ითვლება პარმეზანის ტიპის მაგარ ყველად, ასევე გვაქვს კლასიკური ბაზილიკით, ბაზილიკი პომიდვრით, ტრუფელით, ლეღვის ჩირით, ყურძნით, მოცხარით და ა.შ. ბევრი საინტერესო გემო გვაქვს, რომელიც არ არის გადმოკოპირებული, არამედ დამზადებულია ინდივიდუალური რეცეპტებით და ძირითადად ეს არის დაძველებული ყველი, რომელსაც დამზადებიდან ერთი თვის შემდეგ ვყიდით. რაც უფრო ძველია ყველი მით უფრო გემრიელია.

როგორია კომპანიის სამომავლო გეგმები?

შესაძლოა, ასორტიმენტი გავამრავალფეროვნოთ და დავამატოთ საინტერესო გემოები. მოგეხსენებათ, „ოდლისი“ საოჯახო ბიზნესია და ჩვენი მთავარი ნიშაც სწორედ ეს არის. ადგილზე მოსულ ნებისმიერ სტუმარს თავად ვხვდებით, ვმასპინძლობთ და ვუქმნით მათ ოჯახურ გარემოს.

საქართველოს ბანკისა და აზროვნების აკადემიის პარტნიორობით, ბიზნეს სესიები გაიმართება 13.05.2025.13:27

ჩვენი მიზანი არამხოლოდ მაღალი ხარისხის პროდუქტის შექმნა, არამედ საქართველოში ლიქიორის წარმოების კულტურის დამკვიდრება და ამ მიმართულების განვითარებაა - „სემელე“ 13.05.2025.12:00

„პრომო ჰაუსი“ - სარეკლამო კომპანია, რომელიც თიბისი ბიზნესის მხარდაჭერით განვითარდა 13.05.2025.11:36